Фудбалската федерација на Македонија (ФФМ) ќе донира средства за семејствата на загинатите и повредените во големата трагедија што ја потресе земјата. Ова го најави претседателот на ФФМ, Масар Омерагиќ, кој истакна дека целокупниот приход од влезниците за натпреварот против Велс ќе биде наменет за поддршка на погодените семејства.

„Во овие тешки моменти, најважно е да бидеме заедно. Фудбалот не е само игра, туку и сила што обединува и помага. Се надевам дека оваа наша иницијатива ќе им донесе барем мала поддршка на оние што најмногу им е потребна,“ изјави Омерагиќ.

Оваа одлука доаѓа по убедливата победа на Македонија против Лихтенштајн (3:0) во првиот натпревар од квалификациите за Светското првенство. Претседателот на ФФМ ги пофали фудбалерите за нивниот ангажман и посветеност, како и навивачите кои секогаш стојат зад репрезентацијата.

Натпреварот против Велс се игра во вторник на Националната арена „Тодор Проески“, а од ФФМ очекуваат преполни трибини како знак на поддршка за репрезентацијата и за оние на кои им е најпотребна помош.

Македонската А репрезентација со победа од 3:0 во Вадуц против Лихтенштајн ги отвори квалификациите за Светското првенство 2026.

Нашата најдобра селекција уште по првото полувреме го реши прашањето околу победникот. Александар Трајковски во 8. минута и Висар Муслиу во 43. минута беа стрелци по првите 45 минути на стадионот „Рејнпарк“. Во вториот дел погоди и Бојан Миовски за конечни 3:0 за Македонија.

Селекторот Милевски го започна мечот со најдобриот состав. Имавме доста офанзивна поставеност, со Миовски, Трајковски, Чурлинов, Елмас, Барди и Алими во нападот и средниот ред. Тоа донесе притисок на Македонија и повеќе се играше на половината на Лихтенштајн.

Уште во 8. минута, Миовски го мина голманот Бухел и испрати центаршут пред голот, каде пред топката се поклони Александар Трајковски.

Во продолжението од мечот Македонија продолжи да притиска, се бараше и пенал во 17. минута, но ВАР го поништи. Противникот дури во средината на првото полувреме првпат ја мина половината, влезе во сериозна можност, но слободниот удар на Визер заврши во живиот ѕид. Во 28. минута, Македонија постигна и втор гол. По добра акција на Елмас и Чурлинов, погоди Елмас, но судиите го понишитија голот заради офсајд.

Потоа шанса имаше и Миовски да зголеми на 0-2, ама со глава биеше во рацете на голманот Бухел.

Во финишот на првото полувреме, убав погодок постигна Висар Муслиу, кој во 43. минута по корнерот на Барди, погоди за 0-2.

Во второто полувреме, Елмас и Трајковски не искористија двојна прилика за убедливи 0-3. По еден час игра, Миовски се најде во прилика, но беше прекраток во скокот по центаршут на Алиоски.
Во 65. минута нова прилика за Македонија. Дарко Чурлинов шутираше од косо, но одбрани домашниот голман.

Во 80. минута одлична шанса имаше дебитантот во нашиот состав, Давид Тошевски, но повторно домашниот голман спречи погодок во мрежата на Лихтенштајн.

Во 84. минута, конечно трет гол за Македонија. Бојан Миовски погоди за 3:0 откако го искористи одличниот центаршут на Бојан Илиевски.

МАКЕДОНИЈА: 1. Столе Димитриевски 4. Никола Серафимов (46` Бојан Илиевски) 5. Ѓоко Зајков 6. Висар Муслиу 8. Езѓан Алиоски (46` Бојан Димоски) 9. Александар Трајковски (62` Давид Тошевски) 10. Енис Барди 11. Дарко Чурлинов (80 Кристијан Трапановски) 16. Исник Алими (46` Јани Атанасов) 20. Бојан Миовски;

Македонија со убедлива победа во Лихтенштајн ги започна квалификациите

Фудбалската репрезентација на Македонија успешно ги отвори квалификациите за Светското првенство, совладувајќи го Лихтенштајн со 3:0 на стадионот „Рајн Парк“ во Вадуц. Ова е шести последователен натпревар во кој Македонија не примила гол, а голманот Столе Димитриевски го продолжи својот рекорд, не примајќи погодок цели 621 минута.

Македонските фудбалери ја остварија целта со сигурна победа и зачуваа енергија за следниот натпревар, кој ги очекува за три дена.

Резултатот го отвори Александар Трајковски во 7. минута, кога по нафрлување на Бојан Миовски, со глава ја испрати топката во мрежата. Ова беше негов шести гол против Лихтенштајн и 22. во дресот на репрезентацијата.

Предноста ја зголеми Висар Муслиу во 42. минута. По корнерот на Енис Барди, Аријанет Алими ја префрли топката во петерецот, а Муслиу со прецизен волеј ја смести во мрежата.

Македонија ја запиша првата победа во квалификациската група Ј.