Фронтменот на бендот ДНК, Владимир Блажев – Панчо, кој беше повреден во пожарот во дискотеката „Пулс“ во Кочани, се наоѓа во стабилна состојба и не е во животна опасност, соопшти стручниот лекарски тим во Клиничката болница „Аџибадем Систина“, каде што се лекува.
Пациентот Владимир Блажев од денот на приемот до денес се наоѓа во еднициата за интензивно лекување. На овој оддел се применува највисоко ниво на медицинска грижа. По спроведување на интензивното лекување, она што можеме да кажеме е дека пациентот е стабилен и дека во моментов е надвор од животозагрозувачка состојба. Неговото лекување продолжува во единицата за интензивна нега, во третманот е вклучен мултидисциплинарен тим лекари со цел да овозможат најдобра медицинска грижа“, велат од „Аџибадем систина“ и нагласуваат дека информацијата за здравстената состојба на Панчо е дадена од страна на лекарскиот тим кој е одговорен за неговиот третман и е единствена официјална информација потврдена од болницата.
