Република

Акција во Тетово: Затворени уште два локали – контролите стануваат сѐ построги!

Два угостителски објекти во Тетово синоќа биле затворени, а во сите 16 локали и ноќни клубови што вчера биле проверувани од инспкетори на територијата на Тетово и Гостивар биле утврдени низа неправилности, соопштија од Министерството за внатрешни работи. Проверките се дел од владината акција за контрола на сите угостиелски објекти по страотниот пожар во Кочани поради низа пропусти од издавањето на лиценца, па се до исполнување на техничките и безбедносните услови за работа на ноќниот клуб.

„Извршени се контроли во 16 угостителски објекти (ТЕ-10 и ГВ-6), кај кои биле констатирани низа неправилности и од страна на ДПИ и ДЗС ќе им бидат изготвени соодветни поднесоци, додека од страна на ДПИ биле затворени два угостителски објекти во Тетово“, соопштуваат од МВР.

Се работи за проверка која ја вршат тимови составени од инсепектори на МВР, финасиската полиција, УЈП, државниот пазарен инспекторат и Дирекцијата за заштита и спасување.

Досегашните контроли покажуваат дека дури половина од дикотеките, кабарињата и угостителските објекти не ги исполнуваат основните технички услови, потврди вечера за Сител премиерот Мицкоски.

„Пред да дојдам на ова интервју добив информација од Државниот пазарен инспекторат дека се провери повеќе од 60-70 локали. Дури и оние кои имаат важечки лиценци, повеќето од половина не ги исполнуваат минималните технички услови. И тоа е најголемиот проблем… разговарано е и со претседателот на ЗЕЛС под итно да закаже Управен одбор, да се проверат сите оние објекти кои се под општинска надлежност. Комуналните инспектори ќе излезат на терен, ќе ги проверат настрешниците и терасите. Нема назад, тргнавме. Или ќе победи таа мафија која со децении трае, или ќе победат народот и државата. Ние сме на страната на народот и државата и одиме до крај“, изјави премиерот.

Инспекторите по текот на вчерашниот ден пак, затворија и три други дискотеки кои не ги исполнувале условите и покрај тоа што имале важечка лиценца. Едно лице, сопственик на ноќен клуб во Куманово, пак, беше приведен бидејки при контролата бил затечен како дури тогаш внесува противпожарни апарати во локалот. Внатре пак, му биле пронајдени пиротехнички материјали.

Република

ВИДЕО: Битола секоја година се поубаво украсена

Битола повторно ја облече новогодишната светлина и ја отвори вратата за празничната магија што ја прави препознатлива. Улиците, плоштадите и сцените каде што и оваа година ќе се одвива „Зимската приказна“ засветкаа во празничен сјај, носејќи радост и топла атмосфера за граѓаните и посетителите.

Новогодишното украсување донесе свежа енергија и чувство на празнична возбуда низ целиот град, создавајќи амбиент кој секоја година изгледа сè поубаво и повпечатливо. Битола и овој декември е подготвена да ги пречека гостите со светлина, музика и празничен дух.

Со видео ви пренесуваме дел од атмосферата од градот под Пелистер, кој е подготвен за уште едно ново издание на предновогодишната програма „Зимска приказна“, на радост на сите генерации.

Република

„Шпанец“ се враќа на пругите: Модернизиран и подготвен за патници

Легендарниот воз „Шпанец“, некогаш заборавен и речиси отпишан, се враќа на пругите со целосно нов лик. Денес беше тестирана обновената верзија на возот, кој сега располага со модерен дизајн, телевизори, озвучување, алармни системи и видео надзор.

Одговорните најавуваат дека подготовките за поудобно и побезбедно патување се во полн ек, со цел патниците да уживаат во современо и безбедно патување.

Следуваат уште новости за враќањето на овој легендарен воз – останете со нас за сите детали.

Видеото може да го погледнете тука

Република

После многу години конечно Тетово ќе се украсува

На онлајн седница одржана денеска, 12 декември 2025 година, Советот на Општина Тетово со мнозинство гласови донесе одлука за украсување на градот за претстојните новогодишни празници.

„За оваа програма „за“ гласаше советничкото мнозинство составено од Коалицијата „Вреди“ и ВМРО-ДПМНЕ, додека против беа советниците од коалицијата НАИ. Воздржани беа од Подобро за Тетово, Левица и СДСМ. Со оваа одлука, Општина Тетово ја потврдува намерата градот да добие празничен сјај за крајот на 2025 година“, изјави претседателот на Советот, Јусуф Абдули.

Истовремено, изгласана е измена на Програмата за активности на Општина Тетово во областа на културата за 2025 година. Според новата програма, за празничното украсување се предвидени еден милион и петстотини илјади денари, што е над 24 илјади евра.