Директорот на Центарот за управување со кризи, Стојанче Ангелов вечерва во емисијата „24 анализа“ на ТВ „24“ изјави дека се работи на формирање на една институција од ЦУК И Дирекцијата за заштита и спасување која ќе биде задолжена за заштита и безбедноста на граѓаните. Според него, создавањето на нова институција бара време. Тој зборуваше и за несреќата во Кочани и првите реакции од институциите на терен.

„Основниот курс на владата е формирање на една силна институција од двете постоечки институции ЦУК и Дирекцијата за заштита и спасување. ЦУК менаџира со сите државни ресури, ние управуваме со ресори во случај на кризна состојба, кај нас функционира бројот 112 кој беше корисен во несреќата во Кочани. Во петок закажавме наредна средба со премиерот, се работи забрзано, процесот на правање на нова институција тече но бара време, бара задирање во закони со вотретинско мнозинство, во Уставот нема кризна состојба, воена и вонедна имаме“, рече Ангелов.

Тој зборуваше и за трагедијата во Кочани и за реакцијата на институциите за време на несреќата.

„За овој трагичен настан кој ја потресе јавноста, засегнат сум бидејќи бев на лице место и сведок сум на некои сцени. Во првиот дел, пред да избувне пожарот се покажаа катастрофални системски пропусти а во вториот дел откако избувна пожарот се покажа брза реакција на надлежните институции бидејќи привот повик го добија пожарникарите во Кочани а ние добивме повик од вознемирана мајка која на едниот телефон ја имаше нејзината ќерка по која викаше а на другиот телефон беше повикот со нас. Веднаш ме известија за пожарот и првата проценка беше дека состојбата е тешка. Го повикав градоначалникот на Кочании побарав да оди на местото на пожарот. Ниту во моите најтешки претпоставки немав замисла за ваква трагедија. Брзата помош беше известена, кочанските екипи дадоа прв одговр, побаравме помош од сите екипи во околината. Градоначалникот на Кочани беше изгубен и беше во плач, немаше претстава, зборуваше само дека ова е катастрофа. Кобната ноќ тој направи се што можеше да се направи. Директорката на болницата беше вџашена од тоа што гледа. Ја замолив да направи напор и да преброи колку има починати и колку повредени. Првата бројка што ми ја кажа беше 43 починати, потоа бројката порасна на 59. Бев шокиран, го известив за бројот на починати и повредени Министерот за внатрешни работи Панче Тошковски, тој беше шокиран. Пристигна веднаш во Кочани и премиерот веднаш пристигна. Одговорот кој нашата држава го пружи беше максимум“, додаде Ангелов.

Гледајте ја целата емисија овде.

24.мк

На интернет страната се донира директно на сметките на членови на најблиското семејство на засегнатите лица. Секој може поединечно да избере за кого сака да ја намени својата донација.

Досега близу 11,5 милиони денари се донирани за повредените и семејствата на загинатите во пожарот во дискотеката „Пулс“ во Кочани, преку страната Support Kocani.

На интернет страната се донира директно на сметките на членови на најблиското семејство на засегнатите лица. Секој може поединечно да избере за кого сака да ја намени својата донација.

Собраните средства за секое лице ќе бидат објавени, за да помошта оди таму каде што е најпотребна. Податоците за износот на донации објавени за секоја сметка се базираат само на информациите испратени до нас од донаторите. Не можеме да гарантираме дека прикажаните износи се 100% точни бидејќи немаме целосен увид во сите уплати, велат од Support Kocani.

Дечките од Support Kocani, вчера изјавија дека во изминатите 24 часа, износот на донации бил зголемен за два милиони, а страната има 25.000 нови посети.

Оваа екипа секојдневно се труди да ја подобри страната, за преку директно донирање на сметките на семејствата на загинатите и повредените лица да им се обезбеди дополнителна финансиска помош. Она што како ново го најавуваат е овозможување на донирање преку крипто, за што работат таа опција да биде возможна. Дополнително подготвуваат и видеа со инструкции за овој начин на донирање (како семејствата да креираат крипто паричник и начинот на донирање).

Според најновите метео прогнози, постои голема веројатност на многу места низ државата да се формира снежна покривка, додека на планинските предели и на скијачките центри се предвидува натрупување на повеќе од 30 сантиметри снег.

Иако календарски пролетта веќе започна, временските услови во Македонија би можеле да наликуваат на вистинска зима во првите денови од април.

Според најновите метео прогнози, постои голема веројатност на многу места низ државата да се формира снежна покривка, додека на планинските предели и на скијачките центри се предвидува натрупување на повеќе од 30 сантиметри снег.

Оваа прогноза ја објави метео прогнозерот Славчо Попоски, кој посочи дека ситуацијата активно се следи и дека сценариото со снежни врнежи во овој период од годината, иако ретко, не е невозможно.

„Можеби звучи многу повеќе од чудно, но барем од она што моментално го цртаа прогностичките материјали, во првите денови од следната седмица, односно почетокот на април, на многу места низ Македонија би се формирала снежна покривка и би владеела вистинска зима, на планините и на скијачките центри ќе има и над 30 сантиметри снег. Ја следам состојбата“, напиша Попоски на Фејсбук.