Тага и болка чукнаа и на вратата на семејството Андонови, кои го изгубија Ице Андонов.

Тој е еден од 59-те невини жртви на пожарот кој изби ноќта на 16 март во „дискотека“ во Кочани. Како што утврди истрагата познатата дискотека работела без лиценца, а утврдени се бројни пропусти. Семејството на ова момче со часови трагаше по Ице, одеа од болница до болница, за на крај да ги слушнат вестите дека тој е меѓу настраданите.

„Загина спасувајќи животи, прв излезе ама се врати да спаси колку може повеќе лица. Многупати влегувал и излегувал внатре кобната ноќ, се обидувал да ја скрши задната врата која беше блокирана со блокови и гипсови и се загушил“ – раскажуваат другарките на Ице Андонов за Женски магазин , горди што го познавале.

„Имаше 21 година, работеше во дискотеката, имаше толку многу сонови, спаси многу деца и го даде својот живот за нив. Тој е наш херој. Ни беше како брат. Сега на небото е заедно со татко му, ќе не чуваат од горе сите нас“, велат другарките кои со нас споделија дека Ице имал и голема желба неговата кола да ја однесе на собир за автомобили.

„Ќе му ја исполниме таа желба како аманет што ни го остави и ќе направиме собир во негово име“ , велат другарите со голема тага во срцата за загубата на нивниот Ице.

Нека му е вечна слава.

Извор: Женски Магазин

Вистинска драма се случи попладнево во скопско Студеничани. Мигранти биле држани во подрумски простории во Студеничани од страна на криминална група со закани со оружје, дознава Нетпресс од свои извори.

Мигрантите преку електронска порака на eмаjл побарале помош од ОЈО, бидејќи биле држани во подрумски простории од страна на криминална група со закани со оружје.

Полицијата веднаш реагирала и испратила екипи од ЕИП при СВР Скопје и САЕ Тигар од ОСПО. Направен е преглед на двата посочени објекти и при преглед на вториот објект во подрумот на куќата се пронајдени 6 мигранти, а се приведени седум македонски државјани кои во моментот биле во објектот, за кои дополнително ќе се врши проверка за нивната инволвираност во криминалните активности.

Извор: newz24live.com

На 24.03.2025 во 00.45  часот на улица „Маршал Тито“ во Тетово,  полициски службеници од СВР Тетово го лишиле од слобода И.М.(45) од Тетово затоа што физички нападнал полициски службеник кој извршувал службени дејствија. И.М. бил задржан во полициска станица и по документирање на случајот ќе му биде поднесена соодветна пријава.