Црна Хроника

Почина Светлана Броз, внуката на Јосип Броз Тито

Во Белград почина д-р Светлана Броз, внука на Јосип Броз Тито, истакната писателка, кардиолог и активистка за човекови права.

Светлана Броз беше позната активистка за човекови права и автор на култната книга „Добри луѓе во време на злото“, која има седум изданија и е преведена на шест јазици. Покрај неа, автор е и на книгите „Јас имам храброст“, „Праведниците на Руанда помеѓу заборавот и помирувањето“ и многу други.

Таа предавала на 52 американски универзитети и на 80 универзитети во Европа.

Светлана Броз беше почесен граѓанин на Тузла (БиХ) и носител на бројни награди, вклучувајќи Национален орден за заслуги на Франција, L’Ambrogino d’Oro и La Bussola dell’ Educazione „Margherita Zoebeli“ од Италија. Беше прогласена за Праведник во Светскиот парк на праведните во Милано.

Кремирањето ќе се изврши на 26 март во 14:15 часот на Новите гробишта во Белград.

Црна Хроника

Драма во Скопје – масовна тепачка со опасни предмети меѓу две групи!

– На 23.12.2025 во 20:20 часот во СВР Скопје е пријавено дека на подрачјето на Гази Баба бил нарушен јавниот ред и мир со физичка пресметка помеѓу Ф.И.(38) и М.С.(38) од една страна и М.Н.(49) и Б.Н.(44) од друга страна, сите од Скопје, при што биле употребени и тврди предмети, стои во денешниот полициски билтен.

По целосно документирање на случајот ќе следува соодветен поднесок.

Црна Хроника

Возач нападнал полицајци при обид за апсење на патот Охрид-Струга

На 12 декември 2025 година, на регионалниот пат Охрид-Струга, полициски службеници од СВР Охрид дале знак за запирање на патничко возило управувано од Е.О. (27) од Охрид. Наместо да застане, возачот се обидел да удри полицајци и избегал од местото на настанот.

Подоцна истиот ден, во село Требеништа, општина Дебарца, Е.О. бил забележан повторно. При обидот за апсење, тој физички нападнал полицајци и повторно се обидел да избега.

СВР Охрид поднесе кривична пријава против Е.О. за напад врз службено лице при вршење работи од безбедноста. Инцидентот ја истакнува сериозноста и опасноста од непочитување на наредбите на полицијата и ризиците со кои се соочуваат службените лица.

Црна Хроника

Млад човек осомничен за пожар во куќа поради долгови

Надворешната канцеларија за криминалистички работи во Ресен поднесе кривична пријава против Д.К. (27) од Ресен за постоење основи на сомнение за кривично дело „предизвикување на општа опасност“.

На 2 септември 2025 година, во куќа во село Јанковец, каде престојува А.М., пријавениот поради нерасчистени должничко-доверителски односи ги запалил скалите на куќата.