Русија изврши ракетен напад врз северниот украински град Суми, потврдија локалните власти. Украинските медиуми известуваат за жртви и повредени лица.

Володимир Артјух, шеф на регионалната управа на Суми, објави видео од местото на нападот, истакнувајќи дека се оштетени неколку станбени згради и едно училиште. Во позадина се слушаат експлозии, а Артјух напомена дека децата не се повредени бидејќи во моментот на нападот биле во засолниште.

На другите снимки објавени од регионалната администрација, видливи се оштетените згради и чад што излегува од зградите.

Погледнете ги видеата:

Украинските сили го зазеле селото Демидивка во руската Белгородска област, објавија бројни проруски Телеграм канали.

Според нивните извештаи, руските сили се повлекле од селото без борба, што им овозможило на украинските борци да напредуваат без отпор.

Демидивка се наоѓа на границата со Украина, а нејзиниот губиток предизвика серија фрустрирани реакции меѓу руските блогери и воени коментатори, кои ја обвинуваат армијата за „неорганизирано повлекување“ и „дозволување на Украинците да го заземат селото без истрелан куршум“.

Оваа акција е дел од поголемиот бран на прекугранични операции што Украина ги спроведува последните недели, особено во пограничните делови на Белгородската област.

Да потсетиме, украинските сили и проруски единици веќе неколку пати изведоа напади на оваа руска област, вклучувајќи вооружени напади, диверзии и ракетирања на воени цели.

Во август минатата година, Украина спроведе изненадна офанзива во руската област Курск, при што, според проценките, зазеде околу 1.300 квадратни километри територија.

Меѓутоа, по неколку месеци борби, украинските сили се повлекоа од поголемиот дел од тие области поради силни руски контранапади и логистички предизвици.

Сепак, освојувањето на Демидивка покажува дека Украина продолжува со тактиката на удари врз руската територија со цел да ја дестабилизира границата, да ги пренасочи руските сили од фронтот во Донбас и да ја засили својата позиција во информативната и психолошката војна.

Повеќе простор за пешаци, помалку за автомобили изгласаа парижаните викендов. Стотици улици треба да се пренаменат во пешачки зони. Малиот одѕив во гласањето остава неодговорени многу прашања.

Во Париз граѓаните гласаа за затворање на стотици градски улици за автомобили. Во граѓанскиот референдум, мнозинството беа за создавање на нови 500 улици без автомобили. Но, само четири проценти од речиси 1,4 милиони регистрирани гласачи учествуваа во гласањето.

Ова може да резултира со губење на 10.000 паркинг места во Париз во наредните години. Кои улици ќе станат зелени пешачки зони сега треба локално да се разјасни, во секој од градските квартови можат да бидат околу 25.

Париз под социјалистичката градоначалничка Ана Идалго со години се стреми кон зелена транспортна транзиција и многумина го гледаат како пример. Околу 220 од повеќе од 6.000 улици во Париз веќе се без автомобили. Особено во близина на училиштата,  автомобилите делумно не смеат да возат. Ограничувањето на брзината е 30 километри во поголеми делови од градот, а сега има зона во центарот на градот каде што е целосно забранет сообраќајот.

Тоа беше трет пат Париз да побара од своите жители да гласаат за сообраќајната политика. Во април 2023 година, градот гласаше за забрана за изнајмување е-скутери и во февруари 2024 година за  повисоки такси за паркирање за тешки автомобили. Учеството беше многу мало во двата случаи.

Градското собрание на Париз го прогласи гласањето и за избор за или  против бучавата и загадувањето. Идалго нагласи дека зазеленувањето на улиците може да се искористи и за борба против последиците од климатските промени.

Дел од жителите го критикуваат сообраќајниот пресврт во градот – на пример во Монмартр, каде една група се бори против  затворањето на патиштата за моторни возила. Тие го обвинуваат градот дека дејствува првенствено во интерес на туристите и дека ги заборава потребите на локалните жители. „На ридот во Монмартр има луѓе кои живеат овде педесет или шеесет години, стари луѓе, семејства“, објаснува еден од засегнатите.

Конзервативната опозиција ја обвинува градската власт за пропаганда, високи трошоци и комуникациска кампања. Таа предупредува дека затворањето на улиците може да ги ограничи трговците на мало, па дури и службите за итни случаи. Доколку опозицијата победи на изборите во Париз во 2026 година, претворањето на улиците во пешачки зони би можело да биде во опасност.