Вечерва, во 59. минута од натпреварот помеѓу Македонија и Велс на Националната арена „Тодор Проески“, присутните на трибините изразија емотивна почит кон жртвите од трагичниот пожар во дискотеката во Кочани. Со громогласен аплауз, навивачите и фудбалерите ја почитуваа болката на семејствата и пријателите на настраданите.

Францускиот судија Жером Брисар го прекина мечот, дозволувајќи на играчите да се приклучат на аплаузот на навивачите, создавајќи една од најтажните и најемотивните сцени во спортската историја на Македонија.

Со овој чин, не само што беше изразена солидарност, туку и Раководството на Фудбалската федерација на Македонија (ФФМ) донесе одлука сите приходи од натпреварот да бидат донирани за помош на семејствата на жртвите и настраданите во трагичниот инцидент.

Српскиот тенисер Новак Ѓоковиќ се пласираше во четвртфиналето на турнирот во Мајами, откако синоќа по два сета го совлада 16. пласираниот на АТП листата Италијанецот Лоренцо Мусети со 6:2, 6:2.

Петтопласираниот тенисер во светот дојде до победа по еден час и 23 минути игра.

Во првиот гем од првиот сет Италијанецот направи брејк на сервисот на Ѓоковиќ, но српскиот тенисер потоа нанижа шест гемови и поведе со 1-0 во сетови.

Ѓоковиќ ја искористи втората брејк топка во вториот гем од вториот сет и со сигурен сервис во следниот гем поведе со 3:0. До седмиот гем двајцата тенисери беа сигурни на свој сервис, кога Ѓоковиќ ја искористи првата меч поен на сервис на Мусети.

Во четвртфиналето Ѓоковиќ ќе игра против светскиот рекет број 25, Американецот Себастијан Корда. 

Драматичното реми од 1-1 помеѓу репрезентациите на Македонија и Велс од трибините на Арената „Тодор Проески“ го следеле 23.114 гледачи и тоа беше убедливо најгледаниот вчерашен меч во Европа во квалификациите, но и не е изненадување со оглед на тоа дека другите мечеви се играа во Молдавија, Црна Гора, Лихтенштајн, Гибралтар, а Израел беше домаќин во Дебрецин, Унгарија.

Иако беше објавено дека се продадени сите билети за мечот во Скопје, околу 25.000, сепак имаше празни места и некои со купени билети не дошле на стадион.

Источната трибина беше резервирана на 2.000 велшки фанови, па не ни можеше да има 34.000 гледачи колку што е капацитетот на најголемиот стадион во Македонија.