Деновиве Министерството за внатрешни работи (МВР) врши претрес на бизнисите и имотот на Дејан Јованов – Деко, газдата на т.н. дискотека „Пулс“ во Кочани, каде во пожар загинаа 59, а беа повредени 203 лица.

Освен во т.н. дискотека, досега е направен претрес и во кафулето “Класик“ во Кочани, кое неодамно беше демолирано од страна на револтирани граѓани, неговиот дом и во неговото возило „опел инсигниа“.

Од таму се одземени лаптопи, документација, мобилни телефони…

На распит беа и неговата ќерка и сопруга.

Фокус објави дека претресеното возило било семејно, а според изјави на сограѓани на Јованов тој низ градот се возел и со “бмв 7“, со бугарски регистарски таблички, чија цена се движи од 100.000 до над 130.000 евра.

Од МВР на прашањето на Фокус за оваа возило не откриле детали, бидејќи истрагата е во тек.

Драг Виктор Бучкоски:
Не те познвам лично а би сакал да те сретнам за да ти покажам една лузна од пендрек што веројатно ќе ја носам дур сум жив, да ти кажам како пржеше солзавецот со кој не изнапи татко ти кога ни ги с’сна специјалците во Струга, да ти кажам како моите другари и другарки: Васко, Ѓоко, Милчо, Маца, Дарко, Иљо, Марјан, Иван, Гоце „јадеа” шок бомби, гумени куршуми и пендреци токму во обид да се спротивстават на систем кој го протежираше и управуваше татко ти, и кој е постулат на кој почива и денешниов дефектен систем против кој сите имаме што да кажеме. Речиси бев на твои години кога татко ти и сличните на него не замолкнуваа со страшни методи и средства, колку што видов вам никој не ве спречи во изразувањето на револтот! Уште би те сретнал да ти кажам дека ОК е и самопромовирњето и самофакторизирњето во годините во кои се наоѓаш, но патриотизмот е титула која не се стекнува со избор туку со пожртвуваност, работа и вистинска љубов. Држи се до поезијата тоа ти е супер, во меѓувреме научи што славиме на 11 Октомври и прашај го татко ти зошто му се случи „Струга 2004″ до тогаш, прости но неважен си ко семафор на GTA за да им хајки по тебе!
Искрено би те сретнал!
Пишува : Претседателот на Веслачката федерација на Македонија Коста Хиохи.

Директорот на Центарот за управување со кризи, Стојанче Ангелов вечерва во емисијата „24 анализа“ на ТВ „24“ изјави дека се работи на формирање на една институција од ЦУК И Дирекцијата за заштита и спасување која ќе биде задолжена за заштита и безбедноста на граѓаните. Според него, создавањето на нова институција бара време. Тој зборуваше и за несреќата во Кочани и првите реакции од институциите на терен.

„Основниот курс на владата е формирање на една силна институција од двете постоечки институции ЦУК и Дирекцијата за заштита и спасување. ЦУК менаџира со сите државни ресури, ние управуваме со ресори во случај на кризна состојба, кај нас функционира бројот 112 кој беше корисен во несреќата во Кочани. Во петок закажавме наредна средба со премиерот, се работи забрзано, процесот на правање на нова институција тече но бара време, бара задирање во закони со вотретинско мнозинство, во Уставот нема кризна состојба, воена и вонедна имаме“, рече Ангелов.

Тој зборуваше и за трагедијата во Кочани и за реакцијата на институциите за време на несреќата.

„За овој трагичен настан кој ја потресе јавноста, засегнат сум бидејќи бев на лице место и сведок сум на некои сцени. Во првиот дел, пред да избувне пожарот се покажаа катастрофални системски пропусти а во вториот дел откако избувна пожарот се покажа брза реакција на надлежните институции бидејќи привот повик го добија пожарникарите во Кочани а ние добивме повик од вознемирана мајка која на едниот телефон ја имаше нејзината ќерка по која викаше а на другиот телефон беше повикот со нас. Веднаш ме известија за пожарот и првата проценка беше дека состојбата е тешка. Го повикав градоначалникот на Кочании побарав да оди на местото на пожарот. Ниту во моите најтешки претпоставки немав замисла за ваква трагедија. Брзата помош беше известена, кочанските екипи дадоа прв одговр, побаравме помош од сите екипи во околината. Градоначалникот на Кочани беше изгубен и беше во плач, немаше претстава, зборуваше само дека ова е катастрофа. Кобната ноќ тој направи се што можеше да се направи. Директорката на болницата беше вџашена од тоа што гледа. Ја замолив да направи напор и да преброи колку има починати и колку повредени. Првата бројка што ми ја кажа беше 43 починати, потоа бројката порасна на 59. Бев шокиран, го известив за бројот на починати и повредени Министерот за внатрешни работи Панче Тошковски, тој беше шокиран. Пристигна веднаш во Кочани и премиерот веднаш пристигна. Одговорот кој нашата држава го пружи беше максимум“, додаде Ангелов.

Гледајте ја целата емисија овде.

24.мк