Алексис Мак Алистар, фудбалер на Ливерпул, го освои Светското првенство во Катар во 2022 година со Аргентина. На теренот е одличен, но надвор од него?

Тој ја изневерил својата долгогодишна партнерка со нејзината најдобра пријателка.

Мак Алистар неодамна објави дека ќе стане татко со својата партнерка Аилен Кова. Меѓутоа, она што го прави ова интересно е што Аилен е најдобрата пријателка на неговата поранешна девојка, Камила Мајан.

Оваа приказна во последните денови ја забавува аргентинската и англиската јавност. Сè започнува вака…

Фудбалерот на Ливерпул ја прекинал врската со Камила неколку дена по освојувањето на Светското првенство, а почетокот на 2023 година во аргентинските медиуми започнале да кружат гласини дека е во врска со Аилен. Брзо потоа, ова станало и официјално.

Неговата поранешна и сегашна девојка биле најдобри пријателки и одамна заедно учеле во училиштето. Но, нивната врска се распаднала поради тоа што Мајан дознала што се случувало. Во последните денови од нивната врска почнала да се сомнева дека ја изневерува, но никогаш не помислила дека тоа може да биде со нејзината најдобра пријателка.

„Одеднаш ми кажа дека веќе не ме сака. И тоа беше тоа, готово. Беше ладен со мене, но мислев дека тоа е затоа што мораше да се концентрира на Светското првенство,“ изјавила Мајан.

Камила и аргентинскиот фудбалер биле во врска од 2017 година. Таа била покрај него уште од деновите кога започнал да игра фудбал во Аргентинос Џуниорс и кога преминал во Брајтон во 2019 година.

Поради сè што се случило, таа одлучила да го тужи, тврдејќи дека жртвувала свои амбиции за да живее со него во Англија. Таа го обвинувала и дека бил неверен за време на нивната врска.

Фудбалерот на Ливерпул не се грижи премногу за судската постапка. Не крие дека ужива во животот со Аилен, која ја обожава.

„Не можевме повеќе да бидеме во врска, едноставно исчезна љубовта. Таа тргна по својот пат, јас по својот. И тоа е тоа. А што се однесува до тужбата, сè е на суд. Јас сум мирен,“ изјавил аргентинскиот фудбалер.

Додека тој чека расплет на ситуацијата на суд, ужива со новата девојка. А додека тој е на тренинзи и патувања со клубот, таа ужива во патувањата и впивањето на сончевите зраци.

Македонскиот тенисер Калин Ивановски ја продолжи серијата победи на ИТФ фјучрс турнриот М15 Опатија. Тој денеска оствари победа во мечот од првото коло против Кејн Бонсах Генлеј од Данска со 2-0 во сетови (64 75) за 103 минути игра. Ивановски имаше максимален учинок на брејк топки односно од двете прилики – двете ги искористи, додека успеа да спаси шест брејк шанси на противникот. Во вкупниот број поени во изедначениот меч скорот беше 74:64 за Ивановски.

Во првиот сет првите возбудувања беа во третиот гем кога ривалот на Ивановски ја имаше првата брејк топка, која нашиот тенисер ја спаси. Двајцата играчи нема проблеми со освојување на гемот на свој сервис се до 10.тиот гем кога Ивановски ја искористи првата брејк топка и го доби сетот со 6:4 во гемови за водство од 1-0 во сетови. Слична беше сликата и во вториот сет, повторно во третиот гем данскиот тенисер имаше дури пет брејк топки, кои Калин успеа да ги спаси. Во овој сет во 12.гем Ивановски направи брејк искористувајки ја брејк топката број 2 која беше воедно сет-меч топка за македонскиот тенисер. Вториот сет заврши со резултат 7:5 во гемови.

Во второто коло Ивановски за противник го има шестиот носител Вјачеслав Биелински од Украина (21 година, 540 место АТП листа), кој го освои турнирот во Ровињ што се играше претходната недела. Биелински во првата рунда го совлада Нејтан Блохин од САД со 2-0 во сетови (63 60).

Еурофарм Пелистер, актуелниот шампион на Македонија, потврди дека обезбедил ново засилување за следната сезона. Нов член на „зелените“ ќе биде 22-годишниот десен бек од Полска, Анжеј Видомски, кој потпишал двегодишен договор со клубот.

Видомски доаѓа од полскиот клуб Гвардиа Ополе, каде што играше во Суперлигата. Со висина од 186 сантиметри, овој талентиран ракометар е член на полската репрезентација и се смета за еден од најголемите млади таленти на својата позиција. Се очекува дека ќе има значајна улога во тимот на Еурофарм Пелистер, кој се подготвува за новата сезона.

Новиот играч ќе се приклучи на подготовките на клубот во јули 2025 година, а ќе биде официјално претставен на почетокот на подготовките за сезоната 2025/26.

Ова засилување се очекува да донесе нова димензија во нападот на македонскиот клуб и да ја подигне конкуренцијата во тимот.