Попладне, наместа ќе биде нестабилно со пороен дожд, со појава на грмежи и засилен ветер. Локално ќе има краткотрајно невреме со пообилен пороен дожд, при што за кратко време може да наврне над 15 литри на квадратен метар.

Времето денеска ќе биде променливо облачно со повремени врнежи од дожд, најавува Управата за хидрометеоролошки работи.

Попладне, наместа ќе биде нестабилно со пороен дожд, со појава на грмежи и засилен ветер. Локално ќе има краткотрајно невреме со пообилен пороен дожд, при што за кратко време може да наврне над 15 литри на квадратен метар.

Најстудено ќе биде во Берово и во Маврово, со температура од 2 степени, а најтопло во Гевгелија, со температура до 19 степени Целзиусови.

Во Скопје ќе биде променливо облачно со повремен дожд. Попладне во делови од котлината ќе биде нестабилно со пороен дожд, грмежи и засилен ветер. Утринската температура ќе се спушти до 8 степени, а дневната ќе се искачи до 17.

Од понеделник продолжува периодот на променливо облачно и нестабилно време со повремени врнежи од дожд, особено во попладневните часови. Локално ќе има услови за појава на краткотрајно невреме со пообилен пороен дожд, грмежи и засилен ветер.

Одделот за физикална терапија при Клиничка болница Штип почна да прима пациенти со тешки повреди од трагичниот настан во дискотеката „Пулс“ во Кочани. Раководителот на одделот, Никола Костадинов, изјави дека сите 50 болнички легла се ставени во функција за рехабилитација на потешко повредените пациенти.

„Пациентите се со тешки изгореници, контрактури, фрактури и ампутации. Ќе спроведеме целосна рехабилитација, вклучително и вежби за дишење, кои се од клучно значење за закрепнување на пациентите со изгореници“, изјави Костадинов.

Во процесот на опоравување се користат хидротерапија, електро процедури и кинези терапија, а во третманот се вклучени специјалисти и обучени физиотерапевти. Доколку е потребно, ќе бидат ангажирани и лекари од други болници низ државата.

Штипската болница располага со базен со термална вода од изворот „Кежовица“, кој е меѓу најлековитите во Европа и се користи за третман на пациенти со фрактури.

Костадинов упати апел до пациентите со изгореници да не користат несоодветни мелеми и креми од нестручни лица, бидејќи несоодветниот третман може да доведе до сериозни последици. Тој потсети дека медицинската рехабилитација е регулирана здравствена дејност и мора да ја изведуваат само стручни медицински лица.

До четврток се очекува променливо облачно време со повремени дождови.

Во некои делови ќе биде нестабилно, особено во попладневните часови, кога локално ќе има услови за краткотрајни невремиња со пороен дожд (над 15 литри на квадратен метар), грмежи и засилен ветер.

Како што информираат од УХМР, времето ќе се стабилизира во петок.