Адам Мосери е убеден дека додавањето на оваа функција би можело да го подобри Instagram.

За време на неодамнешниот AMA (ask me anything/прашај ме било што) настан со корисниците, шефот на Instagram, Адам Мосери, сподели што смета дека популарната апликација треба да добие.

Според него, Instagram треба да имплементира мала, но важна функција која веќе ја имаат неговите конкуренти како што се TikTok и YouTube – слика во слика, односно picture-in-picture (PIP).

Тоа значи дека корисниците на Instagram наскоро би можеле да имаат можност да извршуваат повеќе активности на своите уреди додека истовремено гледаат Reels и друг содржина на апликацијата.

Покрај тоа, Instagram работи на подобрување на функцијата за пребарување оваа година, што вклучува и можност за пребарување содржина, а не само профили.

WhatsApp наскоро воведува голема промена која ќе го промени начинот на кој ги следиме разговорите во апликацијата. Најновата бета верзија на популарната платформа ни откри функција која ќе ни ја олесни навигацијата во преполните групни четови и долги разговори.

Како што корисниците долго бараа подобри начини за следење на разговорите, WhatsApp конечно работи на решение. Според WABetaInfo, апликацијата развива систем за групирање пораки во нити. Овие нити ќе овозможат сите одговори на одредена порака да бидат прикажани на едно место, наместо да бидат расфрлани низ целата историја на разговорот.

Новата функција која се тестира во Android бета верзијата 2.25.7.7 ќе создаде линк помеѓу оригиналната порака и сите одговори на неа. Наместо одговорите да бидат измешани, тие ќе бидат уредно организирани во нити. Оваа функција ќе биде особено корисна во групните четови каде често се мешаат повеќе разговори.

Корисниците ќе можат да кликнат на било која цитирана порака за да го видат целиот разговор поврзан со неа. Оваа функција ќе биде корисна за оние кои организираат настани со големи групи или често користат функција за пребарување стари пораки.

Иако сè уште нема информации кога ќе биде достапна за сите, оваа промена претставува значителен напредок во подобрување на корисничкото искуство на WhatsApp.

Во последното ажурирање за WhatsApp, направени се одредени забележителни промени кои ќе го олеснат повикувањето преку апликацијата.

Новата WhatsApp бета верзија за Android 2.25.5.8 има редизајнираното мени во тест-фаза, кое им овозможува на корисниците подобра контрола над повиците.

Некои бета тестери може да го користат новото мени за повикување на врвот од нивниот разговор во апликацијата.

Ова мени ги комбинира досегашните две копчиња што се користат за започнување на гласовен или видео повик во едно копче за повикување.

Во индивидуалните разговори, ова копче ќе прикаже икона за гласовен повик, но тоа не значи дека видео повиците не се достапни. Наместо тоа, кога корисникот ќе го притисне копчето за повикување, ќе се појави мени кое ќе дозволи избор помеѓу гласовен или видео повик. Покрај тоа, во менито ќе има и опција за брзо креирање и споделување линк за повик и полесно креирање на покани за други да се приклучат на повикот.

Во групните разговори, копчето за повикување ќе прикажува икона за видео повик и ќе функционира на ист начин како и иконата за гласовни повици.

Еден од најкорисните додатоци е можноста за избор на учесникот кој сакате да го повикате, наместо да повикате цела група. Ова ќе обезбеди поголема флексибилност и контрола врз повиците.

Новото мени помага и во спречување на случајни повици, бидејќи корисникот прво мора да ги потврди своите преференции за повикување, што додава дополнителен чекор кој го намалува ризикот од случајно повикување на контакти или групи.

Редизајнираното мени со новите опции за повикување е достапно за одредени корисници на WhatsApp бета за Android преку Google Play Store, додека за iOS ќе биде достапно подоцна.