Генералниот секретар на НАТО, Марк Руте, денеска во Варшава предупреди дека секој што би имал намера да ја нападне Полска треба да биде свесен дека НАТО ќе одговори со полна сила и дека реакцијата ќе биде поразителна.

„Ако некој погрешно смета дека може да ја нападне Полска без последици, нашиот сојуз ќе реагира. Реакцијата ќе биде многу силна. Тоа треба да му биде јасно на господинот Владимир Путин или на секој кој ќе се обиде да не нападне“, изјави Руте на прес-конференција со полскиот премиер Доналд Туск.

Тој додаде дека сите земји треба да го следат примерот на Полска и да ги зголемат своите воени трошоци и да преземат конкретни мерки. Според него, САД имаат силна посветеност на НАТО и ќе продолжат да го одржуваат сојузот силен, а за ова зборуваше и поранешниот претседател Доналд Трамп. Руте истакна дека Европа исто така мора да ги зголеми своите инвестиции во одбраната.

Полскиот премиер Доналд Туск, пак, предупреди дека Полска треба да биде подготвена за различни сценарија, вклучувајќи и оние кои не ѝ се допаѓаат.

„Полска и јас лично немаме потреба да се оправдуваме за помошта што ѝ ја даваме на Украина. Сите знаат дека преговорите се во тек, но нашето влијание врз нив е ограничено. Затоа, Полска мора да биде подготвена за сценарија кои нема да бидат сосема онакви какви што ги опишавме“, изјави Туск.

Тој истакна дека е многу важно Полска да знае дека, додека геополитиката се менува, НАТО-солидарноста, вербата, сигурноста и гаранциите остануваат силни и дека членот 5 од договорот – „еден за сите, сите за еден“ – и натаму важи.

Порталот Index пренел приказна за специјален вод на украинската војска, познат како „Вештерките од Буча“, кој се состои претежно од жени.

Прва е претставена 32-годишната жена со кодно име „Калипсо“, која пред војната водела ресторан во Буча, место на наводниот масакр на украинските цивили и воени заробеници извршен од руските окупациони сили.

Во почетокот на војната, таа се приклучила на мала група партизани, а денес е командант на единицата „Вештерките од Буча“, која ја основала. „Видов што им прават на жените и децата. Не можев да стојам мирно, мораше нешто да се направи“, изјави Калипсо.

Во нејзиниот вод има 150 војници, од кои 130 се жени. Тие се фокусирани на противвоздушна одбрана и соборување на напаѓачки дронови „Шахед“ кои Русија продолжува да ги испраќа ноќно. „Тој ‘прекин на огнот’ е чиста лага. Не престанаа со ништо“, истакна Калипсо, која соборила најмалку три „Шахеда“.

Во текот на оваа недела на украинскиот народ беа испалени повеќе од 1.580 наведувачки бомби, 1.100 напаѓачки дронови и 15 ракети од различни типови, изјави украинскиот претседател, Володимир Зеленски.

Многу од „Вештерките“ се мајки кои се вооружиле за да ги заштитат своите деца. Името го добија по своето ноќно дејствување.

„Валкири“, бивша ветеринарка, вели дека пред да излезе на фронт, му чита на синот приказна за добра ноќ и потоа го става оклопот, подготвена за борба против дроновите.

На почетокот на инвазијата, 52-годишната „Валкири“ побегнала со своите три синови од Буча, но на една контрола од страна на руска војска, нејзиниот најмлад син бил застрелан од руски војник. И покрај тоа што на крајот ги пуштиле, чувство на немоќ останало.

Со оглед на големиот недостиг на војници во Украина, единиците како „Вештерките“ стануваат се повеќе значајни. „Калипсо“ и дел од нејзиниот вод се распоредени на опасни фронтови во Донбас и други региони. Таа самата е четири пати ранетa, а нејзините повреди предизвикале проблеми со меморијата.

Покровск, град во срцето на битката, е изложен на постојани напади. Во овој град, „Вештерките“ работат на обезбедување на инжењерска опрема и заштита од саботажи, како и чување на вторичните линии на одбрана.

Познатата руска новинарка Ана Прокофјева (35) загинала на фронтот со Украина, само неколку часа откако на социјалните мрежи ја исмејувала таа земја.

Таа починала во Белгородската област, каде што украинските сили во моментов извршуваат продор.

Нејзината смрт ја потврдија и други воени новинари кои го поддржуваат Кремљ, а подоцна и нејзината телевизиска куќа.

Денот пред тоа, таа објавила дека се наоѓа “некаде на границата со земјата 404”, што асоцира на грешка која се појавува кога не може да се вчита страница на веб-страна. Веројатно со тоа сакала да укаже дека Украина повеќе не постои.

Медиумите пренесоа дека камерманот кој работел со неа е ранет и се наоѓа во болница.

„Ана Прокофјева, воен дописник на Канал 1, загина додека ја извршуваше својата професионална должност. Тоа се случи во Белгородската област на границата со Украина, каде што екипата на Канал 1 беше разнесена од непријателска мина. Камерманот Дмитриј Волков, кој беше со Ана, е повреден“, соопшти портпаролот на медиумот за кој работела.

Ана работела како воен новинар долг период, пишува Mirror.

Денот пред тоа, во Украина беа убиени уште двајца руски новинари кои работеле за медиуми блиски до претседателот Путин.