Најтрофејното и најстарото национално планинарско-спортско друштво во Република Македонија, Планинарско-спортскиот клуб „Пелистер“ – Битола, формиран уште во далечната 1935 година, со гордост одбележува импозантни 90 години постоење. Оваа годишнина не е само јубилеј, туку прослава на една богата традиција, која ги постави темелите на организираното планинарење и скијање во земјава.

Во рамките на јубилејната програма, вечерашниот настан во Битола ќе биде вистински магнет за сите љубители на планината. Пред планинарите и рекреативците од градот и државата, во Битолскиот театар ќе гостува д-р Сашко Кедев, кој ќе ја претстави својата презентација „14х8000 метри“.

Прославата кулминира во недела со традиционална планинарска пешачка тура на планината Баба, која ќе ги собере сите генерации на едно место, во природата.

Забележано во архивите како вистинска приказна за успехот, клубот е основан во 1935 година како Туристичко-планинарско друштво „Пелагонија“. ПСК „Пелистер“ е негов правен наследник, како основоположник на македонското национално планинарско движење.

Во текот на своето деветдецениско постоење, ПСК „Пелистер“ ги има најголемите имиња на битолското и македонското планинарство. Невозможно е да се спомене клубот, а да не се истакне името на Димитар Илиевски Мурато – првиот Македонец кој во 1989 година го освои највисокиот врв на светот, Монт Еверест.

Од клубот произлегоа и бројни државни прваци во скијање во сите категории, а нивните планинари ги освоија највисоките точки од Балканот (Мусала, Олимп, Триглав, Кораб…) па сѐ до најдалечните и највисоките врвови на Европа и светот: Елбрус, Матернхорн, Арарат, Монблан, Врвот на Комунизмот, Хималаите, Аконкагва, Килиманџаро…

Дефинитивно, ПСК „Пелистер“ не е само клуб – тој е жива историја и вечна инспирација за сите кои сонуваат за височините.

Во атмосфера за паметење, пред преполната сала „Боро Чурлевски“, Еурофарм Пелистер го совлада вечниот ривал РК Вардар 1961 со убедливи 28-23 (13-10) во дербито на 16. коло од македонската Суперлига. Битолчани одиграа маестрален натпревар, носени од навивачката еуфорија и фантастичната форма на неколку поединци.

Најистакнат играч беше Богдан Радивојевиќ, кој одржа вистинска лекција по реализација. Десното крило постигна неверојатни 9 гола од 9 обиди, заслужено грабнувајќи ја титулата најефикасен и најдобар играч на мечот. До него, голманот Саид Хаидаридад, кој спушти рампа пред „вардарци“ со 12 одбрани. Капитенот Филип Кузмановски исто така имаше извонредна вечер, постигнувајќи шест погодоци.

Кај гостите од Скопје, прв стрелец беше Хориха со шест погодоци, но тоа не беше доволно да се скрши цврстата „зелено-бела“ одбрана.

И покрај поразот, РК Вардар 1961 ја задржува лидерската позиција во домашното првенство со 30 бода, но разликата се намали на само два бода. Пелистер сега има 28 поени, додека РК Охрид и Алкалоид си делат по 23 бода по 16 одиграни кола.

Во следното 17. коло, Еурофарм Пелистер го очекува пеколно гостување кај РК Охрид. Се очекува ракометна драма и возбудлив дуел во „Билјанини Извори“. Вардарци, пак, ќе имаат шанса за поправен пред домашната публика против Радовиш.

Фудбалската федерација на Македонија денеска ја претстави новата стратешка соработка со иновативната платформа FANZEAL, која претставува значаен чекор во дигиталната трансформација на македонскиот фудбал. На официјалниот настан присуствуваа претседателот на ФФМ, Масар Омерагиќ и Горан Пандев и претставниците на FANZEAL, извршниот директор Самуел Арнал и Дејан Вељковиќ.

Соработката меѓу ФФМ и шведската компанија е потврда дека фудбалот и новите дигитални алатки заедно можат да создадат нови можности, нови начини на поврзување и ново ниво на поддршка од навивачите и комерцијалните партнери.

Првиот човек на нашиот фудбал, Масар Омерагиќ и Горан Пандев во своите обраќања ја истакнаа важноста на ова партнерство, потенцијалот за продлабочена интеракција со навивачите и новите можности за привлекување комерцијални партнери.

„Нашата цел е јасна, да создадеме ново ниво на интеракција со навивачите, да ја зголемиме видливоста на нашиот бренд и да го отвориме фудбалот за нови можности. FANZEAL токму тоа го овозможува, директна поврзаност со публиката, персонализирани содржини, дигитални алатки и платформа која им нуди повисока вредност и на навивачите и на нашите партнери.

Ова партнерство не е само технолошка новина. Тоа е стратегиска можност за зголемување на нашите комерцијални потенцијали. Со FANZEAL ја отвораме вратата за нови спонзори, за креативни кампањи, за подобра активација на постојните партнери и за нови брендови што сакаат да бидат дел од македонската фудбалска приказна“, истакна Омерагиќ.

Горан Пандев е избран да биде едно од заштитните лица на македонската платформа FANZEAL.

„FANZEAL е чекор напред. Платформа што ќе ја донесе репрезентацијата, лигите, клубовите и младите таленти да бидат поблиску до нашите навивачи. Платформата е простор за интеракција, за емоција, за нови содржини и нови партнерства кои ќе му помогнат на нашиот фудбал да расте. Верувам дека ова е почеток на една силна и позитивна приказна. Благодарен сум на ФФМ за довербата и на сите што работат да го придвижат македонскиот фудбал напред“.

Извршниот директор на FANZEAL, Самуел Арнал, истакна дека платформата е создадена да ги приближи навивачите до тимовите и играчите.

„Голема чест ни е што стануваме партнер на Фудбалската федерација на Македонија и што добиваме можност да придонесеме кон модернизацијата на фудбалското искуство во земјата. FANZEAL е создаден со цел да ги приближи навивачите до тимовите и играчите, да создаде нови можности за ангажман и да отвори простор за иновативни комерцијални модели. Веруваме дека со ФФМ можеме да изградиме платформа која не само што ќе ја унапреди комуникацијата со навивачите, туку и ќе им понуди значајна вредност на сегашните и идните партнери на федерацијата“, истакна Самуел Арнал.

„Соработката со ФФМ за нас претставува силна потврда дека во дигитална ера може да го подигнеме фудбалското искуство на повисоко ниво. FANZEAL ќе овозможи поблиска врска со навивачите и нови можности за брендовите кои сакаат да бидат дел од македонскиот фудбал“, рече Дејан Вељковиќ, поранешен фудбалер и фудбалски агент коj низа години е поврзан и со македонскиот фудбал.

Фудбалската федерација на Македонија официјално ја презентираше платформата FAN ZEAL пред своите постојни и потенцијални комерцијални партнери. На настанот беа претставени клучните функционалности на платформата и нејзиниот потенцијал за унапредување на навивачкото искуство, како и можностите за нови модели на комерцијална активација.

Фудбалската федерација на Македонија ја презентираше платформата FANZEAL пред своите постојни и потенцијални комерцијални партнери. На настанот беа претставени клучните функционалности на платформата и нејзиниот потенцијал за унапредување на навивачкото искуство, како и можностите за нови модели на комерцијална активација.