Растурени картели, уапсени криминалци, приведени функционери, убијци вратени во затвор каде им е местото. Матни зделки, рекет и изнуди како од јужно-американските филмови биле секое – дневно сценарио во Македонија. Владата најави дека нема да има трошка милост кон организираните групи и разбојниците и почна да води силна борба против криминалот и корупцијата. Нови ќелии ќе треба да се градат доколку сите кои се огрешиле пред законот бидат осудени од правосудниот систем и транспортирани зад решетки. 10-тици предистраги и истраги допрва ќе треба да се срочат во обвинение и за трагедијата во Кочани. Од ВМРО ДПМНЕ велат дека институциите работат професионално и за првпат пред лицето на правдата се изведуваат сегашни и поранешни функционери.

„За првпат институциите приведуваат, испитуваат, отвораат истраги, без оглед на политичка или етничка припадност“, велат од ВМРО ДПМНЕ.

Проневерите на минатата власт се бројат во милијарди. Сега поранешниот вицепремиер „чист како солза“ се крие по странски имоти многу веројатно купувани од парите на народот кого го лажел со години.

„Ако се проневери еден денар, да скапеме во затвор“ – рече Артан Груби минатата година.

Ексдиректорот на државните игри на среќа, Перперим Бајрами, пак досега со најдебело досие кај обвинителите. Се сомничи за оштетување на државниот буџет од најмалку шест цифри во евра.

Поранешниот директор Васко Ковачевски е осомничен за злоупотреби во РЕК Битола, ТЕЦ Неготино и ТЕЦ Осломеј вредни над 6,5 милиони евра. Наместо да се избори со криминалот, се сомничи дека станал негов предводник во државните електрани. Заедно со себе повлече и засега 22-јца други во случајот „Адитив“. Неговиот шеф со исто презиме, засега е само осомничен од МВР за случајот Лотарија, но не и од обвинителството, идентично како и генералниот секретар од тој владин состав. Газдата на Пуцко Петрол заедно со уште 13 луѓе меѓу кои екс директорот на ЕСМ Ковачевски и бизнисменот Ратко Капушевски се сомничат дека испумпале нешто над 160 милиони евра државни пари, а притоа набавувале штетно гориво со кое го загадувале воздухот. Само Јахоски е во куќен притвор. На тројца, судот им одреди ефективен притвор, а на останатите седуммина им ги одзема пасошите. Кривични пријави беа поднесени и против поранешните директори на Фондот за иновации – Коста Петров и Фестим Халили, за злоупотреба на службената положба, за истото се товари и екс-министерката за Култура Костадиновска Стојчевска.

Во случајот со струмичкиот бизнисмен Крмзов сомневањата се дека биле испумпани милиони од државната каса преку фирми на косовски државјани со измислени имиња преку фиктивен поврат на ДДВ. 9 обвинение и одземање на пасошот за контроверзниот струшки градоначалник Рамиз Мерко. Со лисици на рацете завршија и организирани групи за дрога и за проституција од Охрид и Тетовско, терористичка ќелија основана од 21-годишен гостиварец, а разбиени беа и најголемите кланови во скопското подземје. Полицијата ја растури најзвучната „Беланоца/Барон“, со што се расчистија осум убиства кои биле сторени изминативе години. Се дозна и кој бил кртот од МВР, кој 10 минути пред акцијата, им дојавил на криминалците да бегаат ама се спаси само еден.

Врховен судија и член на Советот на ЈО признаа дека се корумпирани и земале мито оти влијаеле во предмет за екс градоначалнникот Стојчев алијас Боро Малборо. Судијата заврши со казна од само 3 години , обвинителот пак се спогоди за условна. Еден кој требаше да дели правда, местел судски одлуки – Енвер Беџети заедно со Груби заврши на црната листа на САД.

Уапсен беше и ексдиректорот на Истражниот затвор Скопје, Филип Андов, познат под прекарот Сокол и неговата десна рака заповедник во затворот Сашо Крстевски. Се товарат за злоупотреба на службената должност и возможување бегство и незаконско ослободување на затвореници. Во последната акција на МВР беша уапсен и поранешниот директор на Државни патишта Ејуп Рустеми за тендер тежок околу 800 илјади евра.

Извор: Алфа телевизија