Трагичната ноќ низ призмата на Јован Костадинов, херојот кој спаси повеќе од 20 луѓе. Јован е 19 годишен средношколец од Виница кој иако се наоѓал надвор кога започнал пожарот, на неколку начини помагал на повредените. Најпрво Јован влегол во дискотеката се со цел да помогне на што е можно повеќе луѓе, а подоцна давал и помош на повредените.

Јован во интервју за supportkocani.com сведочеше за страшните глетки, девојката која си го голтнала јазикот, викотниците и пискотниците на кои никој не сака да се потсетува.

– Од внатре се слушаа само пискотници од девојки. Јас зедов една маса, го скршив прозорот и со цревото прскавме вода внатре, тие пискаа. Ги прскав со вода едно две-три минути. После јас го зедов цревото, се измокрив, а тие останаа уште да ги прскаат. Јас отидов на главниот влез, ама таму беа многу заглавени и немаше можност да влезеш, го започнува Јован своето траорно сведоштво.

Јован влегол преку прозорот што бил кај билетарата.

– Влегов во таа соба, таму имаше четири или пет луѓе, вратата беше заглавена од луѓето што беа натрупани, ја скршивме вратата и почнавме да ги вадиме ден по еден, тие што беа најгоре сите врескаа, беа изгорени, имаше и онесвестени. Уште тогаш на почетокот и додека имаше свесни луѓе и додека беа сите идеше побрзо, тие што ги вадиш сами излегуваа надвор пред диското, ама потоа почнаа да се извлекуваат само онесвестени, почнаа само изгорени целите и едноставно ти мора да го изнесеш до пред надвор до пред диското на безбедно, вели Јован.

– Изнесуваш некој до пред вратата, од таму друг го зема, и така после тоа почна да ми се врти и почна да ми се повраќа од тоа се што ги видов, од тоа што плачеа , што пискаа и беа целите изгорени и после тоа почна да ми се врти, дами се повраќа и јас излегов надвор и кога излегов надвор тогаш земав воздух, ми олесна и тогаш паднав на колена и многу ми се слоши кога за среќа имаше некој до мене, ме измија со вода, вели Јован.

– Јас после тоа се освежив малку таму, имаше многу девојчиња што лежеа и една девојка лежеше на страна, знам и се тресеше и некој рече кој знае да помогне си го проголтала јазикот. И јас земав, фатив, и го потегнав јазикот, ама јас не сум го правел тоа, не знам како. После стигнаа докторки, и помогнаа, ја измија, ја качија во една кола. Ми беше многу лошо, очите ме печеја и ми се вртеше свест. Ме качија во една кола, во колата имаше уште двајца со мене, свесни, изгорени, јас им ги држев главите право, да не си го голтнат јазикот. Во болницата кога ги однесовме директно им ставија кислород, проверија дали имаат пулс. Таму во болницата беше хаос, вели Јован.

Скандал во џамијата во Гостивар: Лидер на македонските Турци ја прозва ИВЗ дека го дискриминира турскиот јазик

Инцидент со јасна етно-јазична димензија го одбележа денешниот верски настан во Саат џамијата во Гостивар, каде што верниците се собраа по повод Хетим Дова и обраќање во чест на покојниот Шакир ефенди Фетаху.

Една од најгласните реакции дојде од познатиот политичар и активист Ердоган Сарач, кој во објава на социјалните мрежи упати остри критики до раководството на Исламската верска заедница, обвинувајќи го актуелниот поглавар на ИВЗ Реис-ул-улемата Шаќир Фетаху за јазична дискриминација.

„Дури ни две реченици на турски јазик не беа прочитани. Јавно реков: ‘Кажете барем две реченици на турски!’“, напиша Сарач на ФБ, додавајќи дека дел од верниците биле очигледно вознемирени од игнорирањето на турскиот, мајчин јазик на многумина во регионот.

Тој посочува дека ситуацијата дополнително се вжештила откако еден имам изјавил дека „овде има само месојади“, на што Реисот не реагирал. Според Сарач, таквиот молк ја легитимира дискриминацијата, а како одговор најави дека нема да присуствува на следната покана од страна на Исламската заедница.

„Ова не може да биде случајност. Го одбиваме секое понижување на нашиот јазик. Турскиот е службен јазик во ИВЗ, и тоа мора да се почитува“, напиша Сарач.

Исламската верска заедница засега нема официјален коментар по повод обвинувањата.

Извор: Expres.mk

Реисот на Исламската Верска Заедница (ИВЗ), Х. Хфз. Шаќир Фетаи, соопшти порака по повод празникот Фитер Бајрам. Во неа ја истакнува важноста на месецот Рамазан и значењето на постот како божествена обврска. Тој ја нагласи победата на доброто над злото, мирот над војната, солидарноста над поделбите, и човечноста над нечовечноста.

„Денес се разделуваме од светиот месец Рамазан, благодарни на Алах што ни овозможи да го доживееме. Постот ни беше извор на вера, морал, хуманост и солидарност. Фитер Бајрам е ден на радост, на зајакнување на љубовта и почитта, ден за помирување и помош на оние што имаат потреба,“ изјави Реисот Фетаи.

Во оваа значајна порака, Фетаи ги охрабри верниците да ги зајакнат своите врски со семејствата, да покажат љубов и почит, и да се грижат за заедницата. Тој исто така посака среќен Фитер Бајрам на сите верници и изрази надеж дека овој празник ќе биде за многу години.

Честитки за Фитер Бајрам од Реисот Шаќир Фетаи
Со чест и почит, Реисот Фетаи упати искрени честитки до сите верници, молејќи го Алах да ги прифати молитвите и постовите на верниците, наградувајќи ги за нивната посветеност.

Честит Фитер Бајрам за сите!

Извор: Република