На 2 април, патниците од Скопје ќе добијат нова директна врска со Париз благодарение на авиокомпанијата „EasyJet“. Првиот лет на оваа релација пристигнува на Меѓународниот аеродром „Скопје“ од аеродромот „Орли“ во Париз, што е значаен чекор во проширувањето на мрежата на летови.

Како што објави генералниот директор на „ТАВ Македонија“, Неџат Курт, воведувањето на оваа линија е важен момент за двата аеродроми, бидејќи „Орли“ е управуван од групацијата AДП (Groupe ADP), во која членува и „ТАВ Аеродроми“. Курт истакна дека ова ќе овозможи патниците од Скопје да патуваат до еден од најфреквентните аеродроми во Франција, кој ги поврзува бројни домашни и европски дестинации.

„Ова е одлична можност за патниците кои ќе имаат корист од новите директни летови до Париз и од Париз, но и за развојот на нашите аеродроми како важни регионални хабови“, рече Курт.

Освен новата линија до Париз, Курт најави дека од 3 мај ќе бидат воведени и нови летови до Барселона и Лион со авиокомпанијата „Wizz Air“. Овие нови авиолинии се од големо значење за патниците, особено линијата до Барселона, која е многу барана дестинација.

Во контекст на растечкиот интерес за патувања, Курт потврди дека „ТАВ Аеродроми“ продолжува со модернизацијата на аеродромската инфраструктура и оптимизација на операциите, со цел да се обезбеди непречено и удобно патничко искуство. Тој исто така нагласи дека со ова се создаваат нови можности за економски раст, како за туризмот, така и за деловните активности во Македонија.

Минатата недела, на Охридскиот аеродром беше пречекан првиот лет на „Turkish Airlines“ од Истанбул, што ќе има позитивен ефект не само на Охрид, туку и на целиот регион на Охридското Езеро. Со четири летови неделно, патниците од Охрид ќе можат директно да патуваат до Истанбул и да ја користат оваа нова конекција за европски и светски дестинации.

Во летната сезона 2025, „ТАВ Аеродроми“ ќе понуди 47 дестинации од Меѓународниот аеродром „Скопје“, управувани од 16 авиокомпании, што ќе ја продолжи експанзијата на аеродромите во Македонија.

Како државна институција – потписник на политиката за интегритет, според Извештајот за имплементација на интегритет изработен од Државната Комисија за Спречување Корупција, Дирекцијата за Технолошки Индустриски Развојни Зони се најде на 15 место на ранг листата од вкупно 50 институции, со 61.1% на исполнетост на системот за интегритет.

Мониторингот опфати 72 институции од централната власт, 72 единици на локалната самоуправа и 16 институции од правосудниот сектор. Постигнатиот резултат претставува значителен раст за ниво погоре, од „просечно“ ниво – на „добро“ ниво, во однос на 2023 година, кога процентот на исполнетост изнесуваше 39.2%

Сето ова се должи на бројни активности кои беа преземени, како донесување на: Упатство за спречување судир на интереси, Упатство за постапување со подароци и гостопримства, Етички кодекс, Правилник за изменување и дополнување на правилникот за користење и управување со службени возила, како и Упатство за изменување и дополнување на упатството за реализирање на службени патувања. Исто така, беа спроведени и обуки за спречување на корупција и системот за интегритет.

Интегритетот е клучен фактор во градењето на силни институции и стекнувањето доверба кај граѓаните. Системот за интегритет како стратешки механизам за превенција од корупција и унапредување на транспарентноста, обезбедува усогласено спроведување на законите, етичките кодекси и политиките, создавајќи јасна рамка и функционални механизми за нивна примена и заштита.

Како институција, Дирекцијата продолжува и понатаму да работи кон подобрување и сеопфатна имплементација на системот за интегритет. Овој резултат е потврда за заложбите кон законито, независно, непристрасно, етичко, одговорно и транспарентно вршење на работата, чувајќи го угледот и елиминирајќи ги ризиците и сомневањата во можноста од настанување и развој на корупција.

Бирото за јавни набавки од 1 април 2025 година, ќе ја стави во функција новата надградена верзија на Електронскиот систем за јавни набавки, со нови функционалности и напредни алатки за да се олесни работењето, како на набавувачите, така и на понудувачите.

„Станува збор за значајна реформа којашто ќе го унапреди процесот на јавните набавки, ќе ја зголеми транспареноста и ефикасноста на целиот процес, а поедноставената и стандардна документација отвора можност за учество на повеќе компании во овој процес и згомемена конкурентност. Со новата верзија се воведуваат иновативни технологии кои ќе генерираат напредна аналитика на податоци со која ќе се постигне поголема отчетност при трошењето на јавните средства“, вели министерката за финансии Гордана Димитриеска-Кочоска.

Новите алатки овозможуваат и придонесуваат за усогласување со стандардите и регулативата на ЕК и исчекор во востанувањето на ЕСЈН на официјален член (e-Sender) на платформата за објава на тендери на ЕУ (ТЕД), се имплементира процес на автоматско креирање на тендерска документација со што значително ќе се подобри квалитетот на тендерските документации, ќе се намалат грешките и пропустите, а со тоа ќе се намали поништувањето на постапките. Ќе се скрати и времето за учество на постапките и ќе се постигне поголема сигурност и интегритет во креирањето на понудата.

Воведувањето на алатка за структуирање на финансиската понуда на компаниите, која ќе доведе до поголема транспарентност и полесна следливост на цените, ќе овозможи подобар мониторинг и подетална анализа на цените на понудите и вредноста на договорите за јавни набавки, споредба на единечни цени на ист предмет на набавка со други институции, споредба со цени од претходни години и сл. Со ова ќе се има увид во генералните движења на цените на производите и услугите на пазарот за јавни набавки, компаративна анализа, проектирање на трендови итн.

Целокупната надградба на системот, покрај горенаведените бенефити и подобрувања, претставува основа за наредна поголема реформа во работењето на јавниот сектор, како на пример воведување унифицирана е-фактура за јавни набавки во соработка со Управата за јавни приходи.

Тимот во Бирото за јавни набавки, предовден од директорката Маре Богоева Мицовска, останува посветен континуирано да го подобрува системот на јавните набавки на сите полиња, како во делот на воведување иновативни електронски алатки, така и за зајакнување на интегритетот и довербата во постапките за јавни набавки.