Веднаш по Фудбалската федерација на Македонија, која најави висока казна за скандалот пред денешниот натпревар со Брера во Тетово, се огласи и Шкендија, која за неиспочитуваната една минута молк за жртвите од трагедијата во Кочани обвини „околу 20 поединци“ и се огради од нив.

„Шкендија со целосна одговорност ги следи и ги почитува сите институционални одлуки поврзани со чувствителни моменти за општеството. Ние како клуб длабоко ја доживеавме трагедијата која се случи во Кочани, настан кој го потресе целиот народ и емотивно се одрази и во нашето секојдневие. Оваа голема тага беше присутна на секој наш тренинг во изминатите денови и се рефлектираше и на мечот против Брера, каде што и покрај победата од 2-1 и зачувувањето на првото место на табелата, тимот не прослави на вообичаен начин.

Шкендија ја испочитува минутата молк која беше определена од Фудбалската федерација на Македонија во чест на жртвите. Сепак, за време на овој момент, група поединци од трибините не ја почитуваа тишината, однесување кое не го претставува ниту клубот ниту навивачката група во целост. 

‘Балистите’, кои вообичаено се позиционирани на трибината ‘Маршин Беќири’ зад голот, овојпат беа сместени на централната трибина. На мечот присуствуваа околу 3.000-4.000 гледачи, а само група од околу 20 поединци покажаа неодговорно однесување кое не ги одразува чувствата, солидарноста и почитта на поголемиот број од присутните навивачи.

‘Балистите’ се нашиот 12. играч и отсекогаш биле нераскинлив дел од Шкендија, но ова неодговорно однесување од мала група поединци не го претставува ставот на навивачката група која во овој момент е во процес на реорганицација, ниту на останатите членови кои во тој момент реагираа со свирежи како знак на незадоволство кон тие што пееја.

Шкендија изразува жалење за оваа ситуација и повторно го истакнува својот цврст став на почит кон загубените животи и болката низ која поминува целото општество“, се вели во соопштението на клубот од Тетово.

Покиснавме чекајќи го Ноле, напишала е Добројевиќ на Инстаграм.

Станија Добројевиќ го следела во живо мечот на тенисерот Новак во Мајами, каде што оваа старлета и живее.

Ѓоковиќ не успеа да стигне до својот 100. АТП трофеј, бидејќи во финалето на Мастерсот во Мајами беше поразен од Јакуб Меншик со резултат 2:0.

Сепак, имаше голема поддршка, како на стадионот, така и од луѓето пред малите екрани кои искрено навиваа за него.

Поранешната задругарка, Станија Добројевиќ, на Инстаграм сподели интересни моменти од мечот. Ниту дождот не ја спречи да го гледа Ѓоковиќ и да остане да го бодри до крај.

Покиснавме чекајќи го Ноле. Изгубив глас навивајќи и чекајќи ја стотата титула – напишала Станија.

Таа исто така покажа и што се случувало по мечот. Ѓоковиќ, иако малку разочаран поради поразот, сепак давал автограми и разговарал со фанови од публиката.

Неверојатна сцена пристигна од фудбалските терени во Перу, каде судијата стана центар на вниманието.

Инцидентот се случи во 82-та минута од мечот од Купот на Перу помеѓу Спорт Хуакила и Магдалена де Седеко, при резултат 2:1 за домаќините.

Член од тренерскиот тим на гостите се упати кон судијата Луис Алегре со пластично шише во рака, но арбитерот брзо реагираше и успеа да го совлада тренерот, кој заврши на земјата.

Полицијата мораше да интервенира поради хаосот на теренот, а натпреварот беше прекинат по инцидентот.

Погледнете го видеото во продолжение:

• Durante la Copa Perú, el árbitro Luis Alegre iba a expulsar a un jugador del club que iba perdiendo, cuando entró un miembro técnico con botella en mano y le propinó una patada además pic.twitter.com/DgCD1FcuOS

— ☩ 𝓒𝓻𝓾𝔁 𝓥𝓲𝓷𝓬𝓲𝓽 ✠ (@CruxVincit) March 31, 2025