Црна Хроника

Уапсени двајца возачи кои удриле во пешаци во Скопје

Полицијата лиши од слобода двајца возачи кои во две одвоени сообраќајни несреќи кои се случиле вчера, удриле двајца пешаци.

Полициски службеници од СВР Скопје го лишија од слобода И.С.(45) од Скопје, затоа што на 27.03.2025 околу 21.50 часот во Скопје, на крстосница од ул.„Адем Демачи“ со ул.„Методија Митевски“, со патничко возило „фиат“ со скопски регистарски таблички удрил во пешакот А.А.(57) од Скопје.

-Пешакот е пренесен за укажување на лекарска помош во ГОБ „Св. Наум Охридски“, каде му се констатирани тешки телесни повреди. Известен е јавен обвинител, а увид извршила екипа од СВР Скопје И.С. е задржан во полициска станица, а возилото е одземено за понатамошна постапка, информира МВР.

Исто така, полициски службеници од СВР Скопје го лишија од слобода Б.Х.(52) од Република Турција, со живеалиште во Скопје, затоа што на 27.03.2025 околу 17.30 часот во Скопје, на крстосницата од ул.„Филип Втори Македонски“ со ул.„Мирче Ацев“, со патничко возило „цитроен“ со скопски регистарски таблички удрил во Л.М.(48) од Скопје.

-Во несреќата со тешки телесни повреди се здобила Л.М., констатирани во ГОБ „Св.Наум Охридски“. Увид на местото на несреќата извршила екипа од СВР Скопје, а по наредба на јавен обвинител возачот е задржан во полициска станица, а возилото е одземено за понатамошна постапка, истакнуваат од Министерството.

Црна Хроника

Кривична пријава против директор: Нестручни кадри предавале на ученици

ОВР Гостивар поднесе кривична пријава против А.С.(64) од село Ростуше, гостиварско, поради основано сомнение за сторено кривично дело „злоупотреба на службената положба и овластување“.

Според истрагата, во периодот од 2024 до 2025 година, пријавениот како директор на основно училиште во Ростуше овозможил вработување на лица кои не ги исполнувале законските услови за вршење на наставна работа. Не се работело за квалификувани наставници, туку за лица без завршени соодветни студии, кои предавале на ученици во Ростуше, како и во соседните села Велебрдо и Требиште.

Инспекцискиот надзор на Државниот просветен инспекторат од 19.09.2025 потврди дека вработените не биле способни да ја извршуваат наставата согласно Законот за наставници и стручни соработници.

Случајот ја отвора дилемата за контролата и одговорноста во образовните институции, особено кога станува збор за квалитетот на наставниот кадар и безбедноста на учениците.

Црна Хроника

Пукотници во Арачиново: Пресметка со огнено оружје меѓу неколку лица

Неколку лица вчера попладне се пресметувале со огнено оружје во Арачиново.

– На 24.12.2025 во 16:21 часот во СВР Скопје е пријавено дека во с.Арачиново, скопско, по претходна меѓусебна пресметка со огнено оружје помеѓу неколку лица, кои биле со две возила, оштетено било возило „фолксваген поло“ со скопски регистарски ознаки сопственост на Б.Б., кое случајно се затекнало на местото, информираа од МВР.

Се преземаат мерки за расчистување на случајот.

Црна Хроника

Четири лица приведени во полициска акција на повеќе локации во Скопје

Во текот на ноќта меѓу 24 и 25 декември 2025 година, полициски службеници од СВР Скопје спровеле координирана акција на повеќе локации во главниот град, при што биле лишени од слобода четири лица на возраст од 26 до 47 години.

Од приведените, три лица се од Скопје, додека едно лице е државјанин на Република Турција. При извршените полициски контроли, кај нив биле пронајдени и одземени бела и кафеава прашкаста материја, марихуана, како и таблети.

Од Министерството за внатрешни работи информираат дека по целосното документирање на настаните ќе бидат поднесени соодветни поднесоци против осомничените.