Земјотрес со јачина од 7,1 степени по Рихтерова скала го погоди денес брегот на регионот Нова Британија во Папуа Нова Гвинеја, соопштено е од Европско-средоземскиот сеизмолошки центар (EMSC).

EMSC истакнува дека земјотресот бил на длабочина од 49 километри (30,45 милји), додека американскиот центар за предупредување издал предупредување за цунами.

Засега нема информации за потенцијални жртви или материјална штета.

Рускиот ракетен напад во кој денес загинаа најмалку 14 лица во украинскиот град Криви Рог покажува дека Русија не сака прекин на огнот, изјави украинскиот претседател Володимир Зеленски.

„Секој ракетен напад и напад со беспилотно летало потврдуваат дека Русија сака само војна. Единствениот начин да се стави крај на ова е преку меѓународен притисок врз Русија и сите напори за зајакнување на Украина, нашата воздушна одбрана и вооружените сили“, напиша Зеленски на Телеграм.

Зеленски истакна дека Русија извршила напад со беспилотно летало на термоцентралата во Херсон, обвинувајќи ја Москва за прекршување на договорот за прекин на огнот што го посредувале САД, како што пренесуваат британските медиуми.

„Сите руски ветувања завршуваат со проектили, беспилотни летала, бомби или артилерија. За нив, дипломатијата е само празен збор“, рече Зеленски.

Тој додаде дека денес во Киев се сретнал со министрите за одбрана на Франција и Велика Британија за да разговараат за планот за распоредување странски контингент во Украина како дел од договорот за прекин на огнот, и дека таков договор може да биде постигнат во рок од еден месец.

На прес-конференцијата во Киев, Зеленски им изјави на новинарите дека воените работни групи сега ќе се состануваат еднаш неделно за да ги разгледуваат деталите од планот.

Генералот Кристофер Каволи тврди дека Украинците решиле некои клучни проблеми и одлично се држат на фронтот.

Украинските вооружени сили контролират значителен дел од рускиот регион Курск, и покрај напорите на Кремљ да ги потисне, изјави американскиот генерал Кристофер Каволи, командант на американските сили на НАТО во Европа, за време на сослушување во Конгресот во четвртокот.

Каволи истакна дека Украинците неодамна навлегле и во блискиот руски регион Белгород, со што ја прошириле својата присутност на руска територија во различен правец.

„Во моментов има значителни сили кои држат значителен – намален, но значителен – дел од земјата во руската област Курск. И тие се држат на многу добар одбранбен терен јужно, во Белгород“, рече Каволи. „Украинците пред неколку недели ги потиснаа помалите контраофанзиви назад во Русија (во Белгород). Значи, се уште имаме (украински) напредок во таа област“, истакна генерал Каволи, пренесува Politico.

Каволи е првиот воен службеник кој потврди дека украинските сили навлегле во регионот Белгород. Украинската војска официјално не потврди присуство на своите сили во Белгород, но редовно известува за украински воздушни напади во таа област.

Ниту Каволи, ниту украинската војска не откриле колку територија Украинците контролираат во регијата Курск, но според украинската аналитичка група DeepState, која ги следи воените случувања и е блиска со украинското Министерство за одбрана, Украинците се уште држат околу 140 квадратни километри во Курск, од вкупно околу 1300 што ги зазеле минатото лето во неочекуваната прекугранична офанзива.

Во март, украинскиот претседател Володимир Зеленски изјави дека неговата војска презема проактивни мерки на руската граница за да го спречи претстојниот голем напад што Москва го подготвува во североисточните региони Суми и Харков.

Во понатамошната општа проценка на состојбата на боиштето, Каволи изјави дека украинската војска сега е на силни одбранбени позиции и дека секоја недела ја подобрува својата способност за регрутирање и обука на нови војници за засилување на тие позиции.

„Украина не е ‘осудена‘ на пораз“ „Сепак, тешко е сега да седам тука и да замислам голема украинска офанзива која ќе ја исчисти целата територија, секој квадратен сантиметар од Украина. Но, исто така, многу е тешко да се замисли дека Украина ќе колабира и ќе го изгуби овој конфликт“, рече Каволи. „Не мислам дека украинскиот пораз е неизбежен… Тие се во многу подобра позиција отколку што беа“, изјави американскиот генерал.

Според него, изгледа дека Украина ги решила некои од своите проблеми со човечките ресурси кои беа многу акутни минатата есен. Во исто време, изгледа дека Русите трпат од недостиг на оклопни возила и луѓе.

„Украинците го зголемиле бројот на луѓе кои се достапни за доброволно регрутирање. И извршиле добра работа со тоа што ги испратиле луѓето од штабовите на фронтот. Украинците се најмногу ослонуваат на ‘самоубиствени‘ напаѓачки беспилотни летала, како и на некои домашни крстаречки ракети“, рече Каволи.

„Тие се обидуваат да победат. Тие сакаат да започнат со тоа што ќе осигураат дека Русија нема да победи“, заклучи Каволи, пренесува Politico.