Утре без струја ќе останат делови од општините Аеродром, Зелениково и Сопиште, извести Регионалниот центар за управување со кризи на Град Скопје.

Од компанијата „ЕВН“ информираа дека поради планирани зафати во електродистрибутивната мрежа, без напојување со електрична енергија ќе останат корисниците од овие три општини.

Во општина Аеродром, од 8:00 до 15:00 часот, без струја ќе бидат дел од корисниците од село Долно Лисиче. Во истото време, без напојување ќе бидат и објектите во околината на зградата на „Алкалоид“ на улицата „Трета македонска бригада“.

Во општина Зелениково, од 9:00 до 16:00 часот, без струја ќе останат корисниците од селата Дејковец и Добрино.

Во општина Сопиште, од 9:00 до 12:00 часот, без електрична енергија ќе бидат делови од село Горно Соње, и тоа улиците со број „10“ и „12“.

Попладнево обилните врнежи од дожд го поплавија и селото Батинци. Улиците се под вода, а жителите се обидуваат да спречат поголема штета и да ги заштитат своите домови.

Видеото може да го погледмете тука

Градоначалникот на општина Кисела Вода, Орце Ѓорѓиевски, веднаш по добиените информации за излевање на Маркова Река во општина Студеничани, се упати на критичните локации за да помогне во справувањето со состојбата.

„Механизацијата е на терен и нема опасност по населението. Се работи интензивно за враќање на реката во нејзиното корито,“ изјави Ѓорѓиевски.

Тој заедно со градоначалникот на Студеничани, Азем Садику, ја следи ситуацијата во текот на целата ноќ, а во постојана комуникација е и со градоначалникот на Аеродром, Дејан Митевски, кој е подготвен да помогне доколку има потреба.

„Временските непогоди не можеме да ги спречиме, но можеме заеднички да делуваме за да ги минимизираме последиците,“ порача Ѓорѓиевски.