Илјадници граѓани синоќа излегоа на улиците на Братислава протестирајќи против нов закон што, според критичарите, ќе биде погубен за многу невладини организации.

Законот, кој веќе доби поддршка од владата на премиерот Роберт Фицо, предвидува класификација на невладините организации како „лобисти“, без прецизна дефиниција за терминот, што според аналитичари може да се злоупотреби за нивно затворање.

Организаторите на протестот оценија дека оваа мерка е инспирирана од руското законодавство, кое овозможува елиминирање на независните граѓански организации и криминализирање на критичарите на власта.

Невладината организација „Виа Јурис“ предупреди дека законот е во спротивност со словачкиот Устав и прописите на Европската Унија, а неговата цел е да го ограничи делувањето на граѓанскиот сектор.

Од Владата, пак, тврдат дека законот е насочен кон зголемување на транспарентноста во финансирањето и функционирањето на невладините организации.

Протестите доаѓаат во време на зголемени тензии откако премиерот Фицо неодамна го посети рускиот претседател Владимир Путин во Москва, што беше едно од ретките патувања на лидер од ЕУ во Кремљ по руската инвазија на Украина во 2022 година.

Освен тоа, Фицо ја разгледува можноста Словачка да го напушти НАТО и ЕУ, а неговата влада веќе иницираше законски измени со кои ќе стави контрола врз јавниот радиодифузен сервис, наведуваат локални медиуми.

Активниот вулкан Етна, лоциран на Сицилија, повторно проработи со моќна ерупција, исфрлајќи лава и густ облак пепел, јавува новинската агенција Анахолу.

Според локалните извори, активноста започнала во средата навечер во јужноисточниот кратер, кој е еден од најактивните делови на вулканот, на околу 3.300 метри надморска височина. Ерупцијата траела цел ден и продолжила сè до вечерните часови.

Според Италијанскиот национален институт за геофизика и вулканологија (INGV) во Катанија, силната вулканска активност предизвикала ширење на облак од пепел кон источниот дел на островот.

Поради ризикот од пепел во воздухот, утринава ИНГВ издаде црвено предупредување за воздушниот сообраќај во регионот. Иако аеродромот Фонтанароса во Катанија остана отворен, надлежните внимателно ја следат состојбата.

Во текот на денот, активноста на вулканот почнала да се смирува, што довело до намалување на нивото на предупредување за авијацијата.

Инаку, ова е најзначајната ерупција на Етна од февруари годинава, по серијата интензивни вулкански активности и истекување на лава минатото лето.

Како највисок активен вулкан во Европа, Етна често покажува знаци на активност, но италијанските експерти постојано ја следат состојбата за да спречат потенцијални опасности за населението на Сицилија.

Руските воени единици и извиднички возила забележаа концентрација на тенкови и оклопни возила кои се движат од правецот на Славјанск.

На социјалните мрежи се појавија неколку видеа од обидите на оклопните единици на ОСУ да навлезат во Часов Јар од Ступочки. Нападите беа успешно сопрени, но со големи загуби за ОСУ. Русите исто така забележуваат нагло зголемување на употребата на беспилотни летала. Тие тврдат дека во моментов постојат околу 11 украински групи, оператори на дронови.

Присутни се и тимови за дронови со оптички влакна, што укажува на попрецизни напади и потешка ранливост на целите.

Падот на Часов Јар, заедно со Торецк, би означил безбедно пробивање на руските сили кон Константиновка. Меѓутоа, Украинците успеале да се вратат во Торецк и повторно да задржат значителен дел од градот, иако претрпеле големи загуби. Слична ситуација може да се случи и со Часов Јар.

Украинците на социјалните мрежи известуваат дека во Славјанск и Краматорск има голема концентрација на војска и борбена опрема. Од Краматорск, оклопните единици упаѓаат во Часов Јар. Не постои сомнеж дека украинските сили планираат контранапад.

Некои аналитичари веруваат дека контранападот може да дојде од правецот на Орехово-Васиљевка и Григоровка, со цел да се прекине руската комуникација за снабдување. Оваа насока води кон патот Бахмут-Часов Јар.