Ерол Маск, таткото на Илон Маск, изрази восхит кон рускиот претседател Владимир Путин, нарекувајќи го „силен лидер“ и велејќи дека би било „глупаво да не му се восхитуваме“. Тој изјави дека времето ќе покаже кој всушност ја започнал големата инвазија на Украина, но сепак смета дека Путин изнесува „логични работи“ во своите говори.

„Би било глупаво да не му се восхитувам на Путин. Ги слушам неговите говори – тој кажува логични работи. Ако го гледате само како маж, а не во контекст на меѓународната политика, тешко е да не почувствувате почит кон него“, изјави Ерол Маск во интервју за BBC Russia.

Ерол Маск, поранешен јужноафрикански бизнисмен и политичар, е познат по турбулентните односи со своите деца. Неговиот помлад син, Кимбал, претходно сподели дека нивниот татко долго им се изживувал, нарекувајќи ги „безвредни и патетични“.

На прашањето за неговиот став кон Путин, Ерол Маск изјави дека ставовите во неговото семејство се слични. „Сите мислиме така. Сите сме исти“, рече тој.

Руска армија ги користи старите GAZ-69 на фронтовите во Украина.

Руската армија има недостаток на оклопни возила, па се повеќе се потпира на цивилни возила.

Развиен кон крајот на 1940-те години, GAZ-69 е – реално гледано – конструкција стара скоро 80 години. И покрај тоа, тоа е едно од најновите возила што руската армија ги испраќа на фронтовите во Украина.

Неодамна објавените фотографии покажуваат неколку GAZ-69 во близина на линијата на фронтот во војната што Русија ја води веќе повеќе од три години.

Заштитни мрежи против беспилотни летала се инсталирани на најмалку едно од овие возила, пишува Форбс.

Појавата на ова старо теренско возило дополнително потврдува дека руската армија брзо останува без оклопни возила. Според процените, досега изгубиле повеќе од 20.000 оклопни и тешки борбени возила. За споредба, целата британска армија има околу 18.000 воени возила.

Со оглед на тоа што Русија губи оклопни возила побрзо отколку што може да ги произведе или да ги извади од складиштата, таа сè повеќе се потпира на цивилни возила – не само за логистика, туку и за директни напади на украинските позиции.

„Дали нападите со ‘лада’ сега станаа вообичаена појава?“, прашал аналитичарот Мокласен, коментирајќи уште едно видео на украински дрон кој уништува руски „лади“ за време на нападот во крајот на јануари.

Russians are preparing almost 75-year-old GAZ-69, produced since 1952, for sending to the front. pic.twitter.com/J8LrCTM8hc

— Special Kherson Cat (@bayraktar_1love) March 28, 2025

Спирала на загуби

Цивилните возила се значително подложни на мини, артилерија, беспилотни летала и ракетни напади од воените возила. Камионите со импровизиран оклоп, комбиња, патнички автомобили, па дури и четвороцикли и колички за голф сега сочинуваат околу 70% од загубите на Русија, според неодамнешно истражување.

Потпирајќи се на цивилни возила, руските трупи всушност дополнително го забрзуваат процесот на демеханизација – бидејќи таквите возила се уништуваат уште побрзо од се поретките оклопни возила. Како резултат на тоа, расте потребата за уште помалку погодни транспортни средства – електрични скутери, па дури и коњи и магариња. Единствената преостаната опција е – пешачење до бојното поле, пренесува хрватскиот „Индекс“.

Но, демеханизацијата не значи дека Русија веќе не е способна да спроведува офанзиви и да остварува територијални добивки. Сè уште има повеќе луѓе и, изненадувачки, повеќе возила од Украина – и е подготвена да се жртвува за мал напредок на бојното поле.

Сепак, губењето на воените возила и понатаму го ограничава маневрирањето на руските сили. Демеханизираните единици можеби ќе бидат способни привремено да ги потиснат украинските бригади, но во реалноста, таквите ослабени единици не се во можност да ги искористат празнините во украинската одбрана.

Бројот на загинати во разорниот земјотрес во Мјанмар се искачи на 3.301, известува кинескиот државен информативен канал CGTN.

Според податоците, повредени се 4.792 лица, додека 221 лице се водат како исчезнати.

Земјотресот со јачина од 7,7 степени според Рихтеровата скала, кој се случи на 28 март, е еден од најсилните што го погоди Мјанмар. Тој ги потресе областите со 28 милиони жители, предизвикувајќи рушење на згради, уништување на заедници и оставајќи многумина без храна, вода и засолниште.