Градоначалникот на Општина Кисела Вода, Орце Ѓорѓиевски, најави нова голема акција за пошумување на територијата на целата општина, во рамки на еколошките иницијативи за подобрување на квалитетот на воздухот.

Во основното училиште „Кузман Шапкарев“ денес се одржа акција за засадување на чинари, како дел од проектот „ЕУ за чист воздух“, финансиран од Европската Унија, која ги донираше садниците. Градоначалникот нагласи дека ваквите активности се насочени кон училиштата и градинките, местата каде што растат и се образуваат најмладите.

„Засадувањето на секое дрвце е инвестиција во иднината на нашите деца. Како општина, континуирано работиме на подобрување на квалитетот на воздухот и животната средина“, изјави Ѓорѓиевски.

Покрај акциите за пошумување, во сите училишта во Кисела Вода се поставени прочистувачи на воздух, а во поголемите паркови надворешни пречистувачи, достапни за сите граѓани.

„Нашата заложба за чиста и здрава животна средина нема да запре овде. Наскоро започнуваме голема акција за засадување на дрвја низ целата општина“, додаде Ѓорѓиевски, изразувајќи благодарност до сите кои учествуваат во еколошките иницијативи.

Општина Кисела Вода продолжува со реализација на проекти за одржлив развој и подобрување на животната средина, со цел создавање подобри услови за сите жители.

Вчера 794 сообраќајни прекршоци на територија на цела држава, 163 за брзо возење.

Од вкупно издадените 794 платни налози во текот на вчерашниот ден (03.04) од страна на полициските службеници во рамки на сообраќајните контроли на патиштата низ земјата, по основ на прекршоци од делот на неправилно паркирање беа изречени 269 платни налози, по основ на возење со брзина поголема од дозволената 163 санкции, за возење без возачка дозвола изречени се 69 мерки.

Статистички гледано изречени се 57 мерки по основ на неносење сигурносен појас, потоа 20 санкции за користење мобилен телефон при возење, 33 санкции за пешаци и три за неносење заштитен кацига.

Инаку вчера изречени се седум санкции за возење под дејство на алкохол. Согласно пак одредбите од Законот за возила, 12 возила се исклучени од сообраќај заради техничка неисправност, а 10 возила затоа што не биле со важечка регистрација.

Сообраќајните контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.

(Скопје, 3 април) По повод доаѓањето на пролетта МакстилАД Скопје заедно со ЕКО-ФЛУИД ДОО организираазасадување на 100 зимзелени садници во Детските градинки„Темјанушка“ и „Сончоглед” во населбата Автокоманда. 

Оваа иницијатива, која се реализира со поддршка на Општина Гази Баба, има за цел да придонесе кон раззеленување на урбаните средини, подобрување на квалитетот на воздухот и создавање поздрава околина за најмладите. ЕКО-ФЛУИД ДОО Скопје и Макстил АД Скопје се цврсто уверени дека само континуиранитезаложби на секој од нас ќе го дадат посакуваниот резултат за почиста животна средина. 

„Како општествено одговорна компанија, постојановложуваме во активности кои имаат позитивно влијание врз животната средина. Со оваа акција, сакаме ја да поттикнеме еколошката свест кај најмладите и да оставиме зелен белег за идните генерации. Веруваме дека ваквите активности се суштински за подигање на свеста кај најмладите за значењето на природата и потребата од нејзино зачувување,“ истакна Марија Дуковска-Павловска, генерална директорка на Макстил. 

Со поставувањето на садниците, ќе се направи зелен појас долж оградите на детските градинки „Темјанушка“ и „Сончоглед” во населбата Автокоманда кон главниот булевар. Овој зелен појас воедно ќе претставува заштита од издувните гасови од возилата, кои се движат покрај самитеградинки, а децата опкружени со зеленило ќе може безгрижно да го поминуваат времето во дворот на градинките.  

Засадувањето на дрвјата е дел од пошироката стратегија на Макстил за одржлив развој, грижа за животната средина и посветеност кон еколошките стандарди. ЕКО ФЛУИД се приклучи на акцијата за раззеленување оваа година, што влева надеж дека во иднина ќе се придружат и други компании, со што сите заедно ќе делуваме за подобрување на квалитетот на живот на сите чинители во општеството.