Многу медицински сестри од болниците сведочат дека пациентите пред крајот на животот често гледаат починати членови на семејството или ангели.

Лекарите ги откриле најпотресните зборови што пациентите ги изговориле во последните моменти – вклучувајќи и молба која ги крши срцата: “Не дозволувајте да умрам”. Многу тешко болни пациенти на смртната постела тврдат дека гледаат ангели, додека последните зборови на младите жртви на насилство често се многу емотивни и невини, пишува Daily Mail.

Еден пациент, во своите последни моменти, повикувал мистериозна личност по име Расел. Години подоцна се открило дека тоа било неговото домашно милениче од детството.

Оваа збирка потресни анегдоти беше објавена на Reddit на тема со наслов “Лекари, што е најстрашното што пациент некогаш направил или кажал?” – до сега собра илјадници коментари.

Една медицинска сестра споделила искуство со пациентка болна од тешка белодробна болест. Неколку моменти пред да ја приклучат на респиратор, жената ја погледала докторката право во очи и изговорила: “Не дозволувај да умрам”. Докторката која го сведочела тој момент напишала: “Имаше најтажен поглед во очите. Почина таа ноќ на операционата маса. Сè уште го гледам тоа во моите мисли”.

Друг лекар опишал случај на 16-годишно дете кое било рането со смртоносна прострелна рана која ја оштетила аортата – најважната артерија во телото. Неколку моменти пред смртта, го погледал докторот и рекол: “Ме боли стомакот”. “Не преживеа,” напишал лекарот. “Тие невини последни зборови на детето… не беше свесно што се случува. Никогаш нема да го заборавам тоа”.

Еден лекар опишал случај на пациент кој го погледал смирено и рекол: “Знам дека ми помагате, но денес ќе умрам. Јас сум помирен со тоа и ви не можете да го промените”.

Друг медицински работник споделил искуство со пациент кој изговорил страшни зборови: “Ја гледам смртта како стои зад вас”. Два дена подоцна, пациентот починал.

Многу медицински сестри од болниците сведочат дека пациентите пред крајот на животот често гледаат починати членови на семејството или ангели. “Никогаш не изгледаат исплашено – повеќе изгледаат како да се утешени,” напишала една медицинска сестра. “Често ги поттикнувам да се фокусираат на тие сцени ако им носат мир. Обично, брзо по тоа, починуваат.”

Една приказна особено се истакнува – човек кој умирал од рак на панкреасот бил опкружен со семејството кога престанал да дише. “Мислевме дека почина,” напишал член на семејството, “Но по десет минути, со силен и јасен глас рече: ‘Расел, чекај ме’ – и потоа замина”.

Години подоцна, неговите деца нашле стара фотографија од 1944 година на која тој како дете си игра во песок со кучето. На задната страна на сликата пишувало: “Расел, 1944”. “Утешно е да се мисли дека нашите миленици не чекаат од другата страна,” додаваат тие.

Медицинската сестра, Џули МекФаден, со долгогодишно искуство во нега на умирачи, открила како луѓето во последните моменти често повикуваат родители кои одамна починале, бивши љубовници или едноставно велат: “Те сакам”. “Многумина мислат дека последните зборови се како сцени од филмови – драматична исповед или признание,” рекла таа. “Но, вистината е дека тие често се едноставни. Луѓето велат ‘Те сакам’, ‘Спремен сум’ или ‘Во ред е’. Тоа се зборови на помирување.”

Умирањето останува мистерија, но сведоштвата на лекарите и медицинските сестри покажуваат дека за многумина тоа е момент на смиреност, љубов и – во некои случаи – повторно сретнување со саканите.

Понекогаш варените јајца се толку тешко да се излупат, што или ќе се нервирате додека ги лупите или половина јајце ќе остане залепено за лушпата… Но, постои многу едноставен трик за да го олесните лупењето.

Варените јајца се вкусни сами по себе, но и одлична состојка во различни салати. Без разлика како ги користите, лупењето може да биде навистина незгодно.

Сите сме имале ситуации каде што се мачиме со лупењето на варени јајца, или пак дел од јајцето останува залепено за лушпата. Иако постојат и други кујнски трикови за ова, овој е едноставно најдобар! Како? Па, едноставно додадете малку масло во водата во која ги варите јајцата.

Да, знаеме дека маслото и водата не се мешаат, но тоа не е проблем за овој трик. Како функционира? Јајцата имаат порозна лушпа, а маслото може да навлезе во тие пори на надворешниот слој. Кога ќе се случи ова, маслото ја одвојува лушпата од мембраната и јајцето, што го прави лупењето многу полесно.

За да го примените овој трик, доволна е една лажица масло, не претерувајте. Нема значење кое масло ќе го користите – не треба да се користи скапо маслиново масло или масло од тартуфи, бидејќи ќе го излеете во одводот по варењето.

Започнете со зовривање на вода во која ќе додадете масло во тенџерето. Кога водата ќе зоврие, внимателно додајте ги јајцата, за да не им испука лушпата пред време. Без разлика на вашата метода за варење (некои ги варат непокриени 2-3 минути за меко варени или 10-13 минути за тврдо варени), или ги покривате и ја оставате водата да заврши со варењето, кога ќе се сварат, време е за лупење!

Применете го овој трик и уверете се дека лупењето ќе стане многу полесно.

Според научниците, сите луѓе имале кафеави очи, но генетска мутација која го зафатила генот OCA2 во човечките хромозоми довела до создавање на еден вид прекинувач кој ја променил ситуацијата.

Ако некогаш сте се прашувале зошто некои луѓе имаат сини очи, едно истражување конечно би можело да ви даде одговор. Научниците веруваат дека ја решиле оваа мистерија, а изгледа дека сè се сведува на една личност. Наиме, пред да се појави еден Европјанин, луѓето имале исклучиво кафеави очи, тврдат стручњаците од Универзитетот во Копенхаген. Но, тој поединец пред околу 6.000 до 10.000 години ја променил ситуацијата целосно благодарение на генетската мутација, пишува LAD Bible.

Како што можеби памтите од биологијата, сини очи се резултат на рецесивен ген – што значи дека личноста мора да наследи два такви гена за да се појави сината боја. Меѓутоа, до неодамна, малку луѓе знаеле од каде потекнуваат овие гени, сè додека научниците во Данска не ја проучувале оваа тема подлабоко.

Професорот Ханс Ејберг од Одделот за клеточна и молекуларна медицина го водел истражувањето кое било спроведено уште во 2008 година.

„Изворно, сите ние имавме кафеави очи“, рекол тој за Science Daily. „Но, генетската мутација која го зафатила генот OCA2 во нашите хромозоми довела до создавање на некаков прекинувач кој буквално го исклучил капацитетот за производство на кафеави очи.“ Научниците долго време се обидувале да откријат што ја предизвикала оваа промена, проучувајќи го генот OCA2, кој ја определува количината на кафеав пигмент во човечкото око. Меѓутоа, се покажало дека мутацијата која создава сини очи е поврзана со сосема различен ген – HERC2. Овој ген го исклучува OCA2, намалувајќи ја продукцијата на меланин во шареницата на окото со што се „разредува“ кафеавата боја се додека не се претвори во сина.

Но, како истражувачите го откриле ова и истото го поврзале со еден заеднички предок? Многу едноставно – секоја личност со сини очи на светот ја носи оваа иста мутација. Иако се потребни дополнителни истражувања, се претпоставува дека мутацијата се проширила со миграцијата на луѓето од Африка во Европа, што би го објаснило фактот зошто сините очи се најчести кај луѓето со европско потекло.

Истражувањето од 2008 година исто така ја проучувало разликата во други, поретки бои на очите, како што се зелените, што дополнително ја потврдило теоријата за еден изворен носител на генот за сини очи. „Луѓето со зелени очи имаат намалена количина на меланин во шареницата на окото, но на различен начин од оние со сини очи. На основа на тоа, можеме да заклучиме дека сите луѓе со сини очи се поврзани со истиот предок. Сите наследиле истиот генетски прекинувач на идентична локација во нивната ДНК“, појаснил професор Ејберг.