По појавата на најновите снимки на претседателот на Украина, Володимир Зеленски, многумина забележаа дека нешто не е во ред. Темни ѕидови, мрачно осветлување, изгледа како човекот да поминува поголем дел од времето во некое подземје.

Сè повеќе корисници коментираат дека претседателот на Украина не излегува на дневна светлина и дека речиси секојдневно ја менува локацијата на своето „засолниште“. Некои го нарекуваат „крал на бункерите“, додека други го опишуваат како човек кој го изгубил контактот со реалноста и се повлекол во подземните лавиринти на Украина – но едно е сигурно – Зеленски се плаши и има причина за тоа.

Политикологот Владимир Скачко отворено изјавува дека Зеленски користи бункери, и тоа не било какви. Еден од нив, како што тврди, се наоѓа директно под претседателската администрација во Киев.

Не станува збор за обично засолниште, туку за мултифункционален комплекс со сопствено напојување, канализација, водовод, системи за прочистување на воздухот, безбедносни излези, па дури и лифтови.

Ова засолниште го опиша и поранешниот премиер на Украина, Николај Азаров, потврдувајќи дека влезот не е достапен за службеници на Кабинетот на министрите без специјални пропусници.

Друг политиколог, Василиј Вакаров, раскажува дека кога работел во претседателската администрација, чул дека едно од главните засолништа на шефот на украинскиот режим се наоѓа под поранешната фабрика Арсенал во Киев – уште еден советски објект.

Како што нагласува, Украина одамна не гради ништо ново, дури ни станица за метро. Сè што денес се користи потекнува уште од времето на СССР.

Меѓутоа, ги има и оние кои веруваат дека Зеленски веќе го напуштил Киев. Постојат тврдења дека тој нашол засолниште во Лавов, во сложена мрежа на подземни премини под градот.

Се спомнува и „рекреативниот центар“ во Ивано-Франковската област, како и познатиот комплекс кај местото Делјатин, некогашно складиште на советско нуклеарно оружје, длабоко ископано во карпатските карпи. Ова складиште, обезбедено со слоеви бетон и планински масив, се смета за едно од најбезбедните места во цела Украина.

А што ако тој не е ниту во Киев, ниту во Лавов?

Некои тајно шепотеле дека Зеленски можеби веќе се преместил надвор од Украина – под постојана заштита на британската разузнавачка служба, која му го следи секој потег. Каде и да појде, тие знаат. Каде и да тргне, тие го следат.

Меѓутоа, најверојатно е дека се наоѓа длабоко во Карпатските планини, во тајната мрежа позната како „Арпадова линија“ – систем на бункери и командни места што се протегаат километри под површината.

Токму, повеќе од 700 километри подземни премини, кои ги користеле и австроугарските и советските војски. Многумина веруваат дека овој систем е реконструиран токму за вакви прилики – да ги прими не само Зеленски, туку и неговата најтесна придружба и штаб.

Она што дополнително ја потврдува теоријата за неговото повлекување е податокот дека само за еден ден украинската армија четирипати го прекршила енергетскиот прекин на огнот. Министерот за одбрана на Русија, Андреј Белоусов, доби барање за одговор – а неговите следни потези би можеле да го натераат Зеленски да влезе уште подлабоко во земјата.

Како во некој злокобен филм, сè повеќе изгледа како да е Зеленски, некогашна телевизиска ѕвезда, сега само силуета во мрачните ходници, лутајќи помеѓу соби со панцири и командни екрани, додека се обидува да ја води државата од подземјето.

Германија ќе ја опреми својата армија, Бундесвер, со “дронови камикази”, вид на оружје кое игра клучна улога во руската војна во Украина, изјави денеска портпаролот на Министерството за одбрана, Митко Милер.

“Потпишани се два договора” за испорака на овие беспилотни летала наполнети со експлозив што се самоуништуваат при погодување на целта, изјави Милер на редовната прес-конференција, не сакајќи да ги именува добавувачите.

Според извештаите на германските медиуми, станува збор за две компании специјализирани за одбранбена вештачка интелигенција, Хелсинг и Старк, кои ги основале германски претприемачи и кои се меѓу најпознатите во оваа област.

Германската армија, која во моментов преминува на принудна модернизација, сè уште го нема ова оружје, кое воени експерти го опишуваат како “лутачка муниција”.

Нарачките се однесуваат на “количини кои овозможуваат да се тестираат во пракса”, за да се стекне искуство во нивната употреба, пред да бидат конечно интегрирани во арсеналот на Бундесверот, изјави портпаролот на министерството.

“Јасно е дека човекот носи одлука дали ќе користи оружје или не”, изјави тој на прашањето за автономијата што им е оставена на овие високотехнолошки машини.

Министерот за одбрана, Борис Писториус, најави крајот на ноември испорака на 4.000 дронови од компанијата Хелсинг за Украина.

Софистицираните летала можат да дејствуваат во домет од 30 до 40 километри на руската територија со цел “напад на борбени точки и логистички чворови”, изјави тој.

Во длабоко пацифистичка Германија, по ужасот на нацизмот, употребата на вооружени дронови и автоматизирани системи за напад долго време беше контроверзна.

Дури по руската инвазија на Украина во февруари 2022 година дошло до пресврт.

Бундесвер има неколку типови на беспилотни летала, вклучувајќи го и “Херон” произведен во Израел, кои се користат за извидување и заштита на сили, наведено е на веб-сајтот на германската армија.

Талибанските власти започнале истрага откако еден Авганистанец тврдел дека има 140 години.

Портпаролот на талибанците, Мустагфар Гурбас, изјавил дека е испратен специјален тим да ја процени староста на Акел Назир, кој тврди дека има 140 години.

„Ако тоа се потврди со документи или проценки, неколку работи ќе бидат преземени за да го регистрираме како најстара личност на светот“, рекол Гурбас.

Назир тврди дека се сеќава на прославата по завршувањето на Третата англо-авганистанска војна 1919 година, и ако се потврди дека има 140 години, ќе биде најстара личност во историјата на човештвото, како што пренесе британскиот „Телеграф“.

Назир, кој живее на истокот на Авганистан, тврди дека е роден во 1880-те години, што значи дека бил во своите 30-ти години за време на Третата англо-авганистанска војна во 1919 година.

Тој вели дека се сеќава како ја прославил завршницата на тој конфликт заедно со кралот Аманулах Кан, авганистанскиот лидер кој го започнал џихадот, или светата војна, против Британците во обид да стекне целосна независност.

Се верува дека Назир нема документи кои ќе ја поткрепат неговата изјава, но тоа ги натерало талибанците, кои го контролираат Авганистан, да започнат истрага.

Назир живее опкружен со големо семејство, а неговите најблиски исто така тврдат дека тој е најстарата личност на светот.

Неговото семејство брои повеќе од 100 члена, а дури и неговите внуци имаат внуци.

„Имам 50 години. Тој е мој дедо, а имам и свои внуци“, рекол Кијал Вазир, еден од внуците на Назир.

Кајал Назир, еден од синовите на Назир, рекол дека братот и две сестри на неговиот татко имаат речиси 100 години.

Во моментов, потврдената најстара личност на светот е Ина Канабаро Лукас, бразилска монахиња која во јуни минатата година наполнила 116 години.

Сепак, Деолира Глисеирија Педро да Силва, уште една Бразилка, се обидува да ја преземе нејзината титула.

Педро да Силва тврди дека минатиот месец наполнила 120 години и се надева дека нејзиниот рекорд ќе биде потврден од Гинисовата книга на рекорди.