Приведен е 51-годишен жител на прилепското село Црнилиште, Општина Долнени, поради сомнение за предизвикување општа опасност, откако на социјалната мрежа „Фејсбук“ се појави видео со испукување огнено оружје. Министерството за внатрешни работи информира дека се трага и по неговиот син, кој исто така се поврзува со инцидентот.

При претрес во неговиот дом, полициските службеници пронашле полуавтоматска ловна пушка, репетирачки карабин, полуавтоматски пиштол – сето со соодветни дозволи – како и 395 куршуми со различен калибар, 17 ловни патрони и ресивер поврзан со систем за видеонадзор.

„Оружјето и муницијата се привремено одземени, иако се поседувани со дозвола, поради сомнение за предизвикување општа опасност. Ќе следи постапка за евентуално трајно одземање на дозволите,“ велат од МВР.

Тој е приведен, а полицијата интензивно работи на пронаоѓање на неговиот син, кој, според информациите, се сомничи дека бил вклучен во инцидентот.

Истражните активности продолжуваат.

Видеото може да го погледнете тука

Три лица се тешко повредени од несреќата која се случи на скопската обиколница, на потегот од Волково кон Сарај. Според информациите од МВР, автомобил „БМВ“ се превртел, а тешки повреди имаат возачот и неговите двајца сопатници.

„Со телесни повреди се здобил еден сопатник, на кој му е укажана помош во ГОБ ‘8 Септември’“, велат од МВР. 

Засега е нејасно како се случила несреќата. Известен е јавен обвинител и во тек е увид на местото на настанот.

Извор: Skopje1

На 04.04.2025 во 23.15 часот на автопатот А1, на бензинска пумпа во близина на Неготино, полициски службеници од Полициската станица за граничен надзор Михајлово го лишиле од слобода М.Д.(26) од Неготино.

Имено, тој украл патничко возило „ауди“ со битолски регистарски ознаки, сопственост на С.Д.(38) од Неготино, кое според пријавеното било паркирано во двор на чичко на пријавителот во Неготино, и потоа со возилото на автопатот, во правец кон Велес, скршил рампа на наплатна станица „Виничани“, а по кратко време повторно скршил рампа на наплатната станица „Виничани“, но во правец кон Неготино.

Преземени се мерки од страна на полициски службеници, по што М.Д. бил принуден да го запре возилото. Од извршените проверки било констатирано и дека го управувал возилото пред да се стекне со право на управување и со 1.54 промили алкохол во крвта.

Тој бил задржан во полициска станица, известен бил јавен обвинител и по документирање на настаните против него ќе бидат поднесени соодветни поднесоци за сторените прекршоци и кривични дела по член 297 А и 383 став 1 од КЗ.