Претседателот на ЗЕЛС и градоначалник на Кисела Вода, Орце Ѓорѓиевски, заедно со министерот за внатрешни работи Панче Тошковски, дискутираа за системски решенија за спречување на поплави и шумски пожари. На денешниот Управен одбор на ЗЕЛС, главен акцент беше ставен на подобрување на координацијата меѓу институциите и преземање конкретни чекори за справување со природните катастрофи.

„За да ја намалиме опасноста од шумски пожари и поплави, неопходна е континуирана координација меѓу сите институции. Локалните самоуправи треба активно да работат на чистење на атмосферските канали и одржување на речните корита, а во шумските подрачја да се направат засеци кои ќе спречат ширење на пожарите“, изјави Ѓорѓиевски.

Во рамки на состанокот, беше нагласено дека Владата ќе ги зајакне капацитетите на противпожарните бригади, со што ќе се подобри ефикасноста во справувањето со пожари и поплави. Министерот Тошковски најави дека Министерството за внатрешни работи ќе ја стави во функција целокупната расположлива механизација и противпожарни возила, како и ќе идентификува критични точки каде што е неопходна итна интервенција.

Дополнително, ќе се зголемат капацитетите за справување со кризни ситуации, вклучително и бројот на авиони за брза реакција во претстојната сезона.

„Остануваме посветени на изградба на ефикасен систем за превенција и брза реакција, со што ќе ги заштитиме граѓаните и природните ресурси од природните катастрофи“, порача Ѓорѓиевски.

ЗЕЛС ќе продолжи со иницијативи за унапредување на локалната подготвеност и превентивните мерки, со цел намалување на ризиците од несакани природни појави.

Главната причина зошто С. Македонија се соочува со повисоки такси од САД не е поврзана само со економските фактори, туку пред се со расипувањето на имиџот на државата на меѓународната сцена.

Ваквото влошување на имиџот е директен резултат на недоличното владеење и скандалите на поранешната власт, вклучително и функционери на ДУИ, кои сега се на американската црна листа, кои не се единствените со нив кои се и клеветници од македонскиот табор. Овие нечесници кои денес се заедно на американската црна листа ги обедини корупцијата во соработката за уништување на земјата.

Америка не ги зголемува такси без причина. Пораката на Вашингтон е јасна: повеќе не можат да се толерираат корупција и злоупотреба на власта. И кои се оние кои најмногу ја нарушија довербата на западните сојузници во оваа земја? Токму оние кои две децении ги злоупотребуваа институциите и денес се кријат зад празната реторика или онаа со бесмислен национализам.

Наместо да жалат за последиците од своите постапки, поранешните функционери на ДУИ и другите треба да им се извинат на граѓаните за големата штета што ја нанеле.

На С. Македонија и требаат нови политики, сериозен пристап кон економијата и обнова на односите со меѓународните партнери – а не лицемерие од оние кои ја уништија оваа земја.

ВЛЕН е новата надеж, ВЛЕН е вратената доверба која ја штити аманетот на граѓаните. Со достоинствено, одговорно владеење, без корупција, со целосна транспарентност ќе ги вратиме уништените сојузи со ЕУ и САД. Немаме друга алтернатива, за ова работиме нон-стоп со целосна чест и одговорност.

ВЛЕН

Лидерот на СДСМ, Венко Филипче уште еднаш демантираше дека лидерската средба со премиерот Христијан Мицкоски имала „моноетничка димензија“. Вели дека ја повикал средбата за сите претседатели на партии и еден од политичарите од албанскиот блок рекол дека „тоа би било губење на време“.

-Иницијативата произлезе од трагедијата во Кочани и видовме дека има битни прашања за развој во државата и дека сите субјекти мораме да соработуваме без разлика на нашата позадина и политики. Уште една важна работа е дека ние се состанавме како лидери на двете најголеми партии во македонскиот блок. Треба да продолжиме во насока на организација на средба на лидерите на сите партии. Ова е уште еден мој повик до сите партии од сите блокови. Во Извршниот одбор на СДСМ има Албанец, има Македонка-муслиманка, а во следниот период во ЦО на партијата ќе има и Ромка. Ние сме мултиетничка партија и никој нема право нас да не обвинува за некакви етнички или националистички политики или пристап, рече Филипче при посетата на работни активности во општина Струмица.

Претседателот на СДСМ додаде дека ќе почне изработката на начинот за реформската агенда со сите партии заедно, по примерот на развиените западни демократии.

-Ние сме мала земја и мораме да се обединиме за најважните прашања, додаде Филипче.