Претседателот на ЗЕЛС истакна дека доколку градот Скопје нема волја да си ја врши работата, тој како градоначалник и Општина Кисела Вода би ја презеле ингеренцијата за чистење на коритото на Маркова Река, во интерес на граѓаните.

Претседателот на ЗЕЛС и градоначалник на Општина Кисела Вода, Орце Ѓорѓиевски, во вечерашното гостување во дневникот на МТВ, посочи дека ситуацијата со Маркова Река е стабилизирана и дека е во постојана комуникација со колегата од Студеничани Азем Садику, но и со градоначалникот на Аеродром Дејан Митески, истакнувајќи дека најголемите штети биле во општина Студеничани, а во Кисела Вода, штети имаат само неколку компании и доколку се утврди дека има потреба од помош, тие секако би ја добиле.

Запрашан за одржувањето на каналите и речните корита тој нагласи дека во Општина Кисела Вода се врши редовно чистење на каналите што не беше случај со Маркова река за што постои и допис од градот Скопје чија надлежност е оваа позиција.

-Каналите во Општина Кисела Вода се одржуваат, но за Маркова Река надлежни се Градот Скопје и во дел, Министерството за животна средина. На наше барање за чистење на коритото на оваа река, како не би дошло до катастрофална ситуација, добивме одговор од Градот дека немаат предвидено средства за оваа намена, за што имаме и документ. Потоа на наша иницијатива побаравме од Министерството за животна средина согласност за интервентно чистење на критичните точки, и истата ја добивме и благодарение на нејзината реализација беше спречена уште поголема катастрофа, изјави Ѓорѓиевски.

Претседателот на ЗЕЛС истакна дека доколку градот Скопје нема волја да си ја врши работата, тој како градоначалник и Општина Кисела Вода би ја презеле ингеренцијата за чистење на коритото на Маркова Река, во интерес на граѓаните и потенцираше дека градската администрација треба поголемо внимание да обрнува и на други точки меѓу кои е и проверката на мостот на влезот на Драчево.

Ѓорѓиевски истакна дека утре на состанок на Управниот Одбор на ЗЕЛС, каде ќе присуствува и министерот Панче Тошковски, ќе се договара стратегија за координирана активност на општините за превенција од елементарни непогоди.

-Верувам дека поголемиот број од општините ги извршуваат своите задолженија за чистење на атмосферските канали и преземаат превентивни чекори за спречување на други непогоди, но во текот на утрешниот ден подетално ќе се договориме за начинот на функционирање за да не не’ изненадуваат слични ситуации како поплави или шумски пожари кои се чести во летниот период, изјави Ѓорѓиевски.

Тој потенцираше дека контролите во училиштата, градинките и во другите јавни објекти како и инспекциските надзори во станбените згради и угостителските објекти ќе продолжат со засилена динамика, се додека не се исполнат со закон зацртаните безбедносни стандарди, кои се во интерес на сите наши граѓани.

Извор: Курир.мк

Возило излета во реката Вардар во селото Челопек, објави ТВ21.

Екипите за спасување се на терен и се обидуваат да го извлечат возилото од водата.

До сега се пријавени само материјални штети, а за повредени лица сè уште нема официјални информации.

Претседателката на Република Македонија, Гордана Сиљановска-Давкова, денеска ја посети болницата „Пирогов“ во Софија, каде што се лекуваат македонските граѓани повредени во трагичниот пожар во Кочани.

Во разговор со бугарскиот министер за здравство, проф. д-р Силви Кирилов, заменик-директорот на болницата, проф. д-р Николај Габровски, и раководителката на Одделот за изгореници и пластична хирургија, доц. д-р Маја Аргирова, претседателката беше информирана дека здравствената состојба на осумтемина пациенти е стабилна и дека нивниот опоравок бележи напредок под надзор на врвни медицински експерти.

„Во присуство на лекар Македонец, имав можност подолго да разговарам со најблиските роднини на повредените. Тие најпофално се изразија за посветеноста на болничкиот персонал и со радост ја истакнаа видливата подобреност на состојбата на нивните најмили,“ изјави Сиљановска-Давкова.

Таа исто така се сретна со бугарските медицински тимови кои учествуваа во укажувањето на итна помош, изразувајќи им искрена благодарност за нивната професионалност, пожртвуваност и човечност.

„Нивната благородна мисија е вистинско олицетворение на медицинската етика, солидарноста и хуманоста – вредности што ќе останат темел на заемната почит и искреното пријателство меѓу двата блиски народа, македонскиот и бугарскиот,“ истакна претседателката.

Посетата на Сиљановска-Давкова доаѓа во знак на поддршка за повредените и нивните семејства, како и во потврда на блиската соработка меѓу двете земји во областа на здравството и хуманитарната помош.