Убави вести за пензионерите: Ќе има ново покачување на пензиите

Од 1 септември 2025 година, пензиите во Македонија повторно ќе се зголемат, но ќе се усогласуваат според старата методологија. Собранието ги изгласа измените на Законот за пензиско и инвалидско осигурување, со кои од септември престанува да важи линеарното зголемување на пензиите од 5.000 денари, а ќе се применува претходниот модел на пресметка.

Според новиот систем, пензиите ќе се усогласуваат врз основа на движењето на индексот на трошоците на животот (50%) и порастот на просечната исплатена плата (50%). Ова значи дека зголемувањето ќе зависи од економските параметри, а не од фиксен износ.