Република
Покренати постапки од градежниот инспектор за три објекти во Битола, за четврт во тек е проверка на документацијата
При инспекциски надзор од страна на одделението за градежна инспекција при Општина Битола, за три објекти утврдени се неправилности и преземени се соодветни мерки. Два од објектите се наоѓаат на патот за Ниже поле, а еден кај населбата Довлеџик.
Кај последниот објект констатирани се работни активности за монтажа на настрешница – челична конструкција, без претходно обезбедено одобрение за монтажа од Општина Битола. Изготвен е записник за констатираната состојба, а градбата е стопирана.
На патот за Ниже поле, при вчерашниот вонреден инспекциски надзор, констатирано е дека се гради објект од челични профили и покривка од панели, а исто така на друг дел од парцелата се изведува конструкција од бетонски столбови, кровна конструкција од челични профили и покривка од панели, без претходно прибавено одобрение за градење издадено од градоначалникот на Општина Битола. Од страна на субјектот на надзор укажано е дека освен приложениот имотен лист, не поседува никаква друга документација за градбите. Врз основа на констатираното, согласно изготвниот записник, за нелегалните градби ќе следува решение за рушење.
И кај другиот објект на излезот од Битола, согласно инспекцискиот надзор, ќе бидат преземени истите мерки. Во овој случај, констатирано е дека објектот е дивоградба, а истиот бил изграден пред десетина години, како хала од челична конструкција покриен со панели и приклучен на електрична мрежа.
Од страна на градежната инспекција, извршен е увид на уште еден објект во КО Дихово, за кој во тек е прибирање на потребната документација за постапување, согласно законските надлежности.
Во изминатите три години, општинскиот инспекторат, бележи значително зголемен број на постапувања на терен, вклучувајќи ги и постапувањата при отстранувањето на нелегално поставените објекти – диви гаражи и хаварисани возила на јавни површини.
Покрај ваквото делување, во 2022 година, во Сектор општински инспекторат е постапувано по вкупно 1751 претставки, пријави и барања и тоа: во одделението за комунална инспекција, инспекција за животна средина и инспекција за домување, постапувано е по 1178 предмети, градежна инспекција, инспекција за патен сообраќај и патишта, постапувано е по 450 предмети, претставки дописи и слично, а во одделението за инспекција за приходи, туризам, угостителство, образование и спорт, постапувано е по 123 предмети.
Во 2023 година, постапено е по 1870 претставки, пријави и барања од кои: одделението за комунална инспекција и инспекција за животна средина имало 1285 предмети, градежна инспекција, инспекција за патен сообраќај и патишта 503, а инспекцијата за туризам, угостителство, образование и спорт, постапила по 82 предмети.
Во 2024 година, Секторот општински инспекторат постапил по вкупно 1559 претставки и барања, од кои: одделението за комунална инспекција и инспекција за животна средина постапило по 1038 предмети, градежна инспекција, инспекција за патен сообраќај и патишта по 347, а инспекцијата за приходи, туризам, угостителство, образование и спорт по 174 предмети.
Зголемените контроли, продолжуваат и оваа година, со зголемена транспарентност и информирање на граѓаните за случаите од јавен интерес, во согласност со важечките закони од соодветните области на делување за кои е надлежен општинскиот инспекторат.
Република
Илиевски: Од огромно значење е поддршката на Владата за општините, се решаваат децениски проблеми во Брвеница
На синоќешното емитување на поткастот „ВМРО-ДПМНЕ Зборува со Вашиот градоначалник“, гостуваше градоначалникот на Општина Брвеница, Јовица Илиевски. Тој зборуваше за она што го наследиле, но и за успехот да ја стабилизираат општината, односно таа да биде без долгови.
-Наследивме општина со долгови, наследивме општина без проекти со лоша инфраструктура, училишни објекти во лоша состојба. Успеавме да ја доведеме општината на здрави нозе, во моментов немаме долгови, проектите коишто ги започнавме се со наши средства, истакна Илиевски.
Во однос на проектите кои биле реализирани до сега, Илиевски се осврна на образованието, културата, спортот и примарната и секундарната инфраструктура.
„Завршивме преку 20 улици во вредност од 90 милиони денари, канализациона и водоводна мрежа имаме над 10 илјади метри низ нашата општина. Во делот на образованието направивме реконструкција на 8 училишта, ја реконструиравме салата во село Брвеница, реконструкција и на фудбалскиот терен. До крајот на мандатот имаме за цел да нема улица без асфалт“, потенцираше Илиевски.
Градоначалникот изрази голема благодарност до Владата која ги помага финансиски општините. Како што рече тој, за општини како што е Брвеница оваа помош е од огромно значење.
-За нас и помалите општини, оваа помош од Владата е од огромно значење. Децениските прашања кои не се решени во нашите помали општини, со овие проекти ги решаваме. Околу 50% од инфраструктурните проекти ги решаваме со помош на Владата. Повторно потенцирам, од огромно значење е овој проект. Фекална канализација, водовод, инфраструктура, еве и спортската сала, проширување на градинките се решаваат со овој повик, дециден беше Илиевски.
Илиевски истакна дека општина Брвеница има аплицирано со 6 проекти со вредност од 40 милиони денари, додека во вториот повик аплицираат со 9 проекти во вредност од 113 милиони денари. Тој заклучи дека Брвеница се развива подеднакво на секое поле.
Советникот во Општина Тетово, Ангел Карапетров, денеска ја означи официјалната употреба на новите спортски терени во состав на ОСМУ „Никола Штејн“, кои ќе бидат достапни за младите спортисти од Тетово и поширокиот регион.
Спортскиот центар, кој претставува значајна инвестиција во младинскиот и спортскиот развој, вклучува:
• фудбалско игралиште со вештачка трева,
• терен за одбојка, исто така со вештачка подлога,
• кошаркарско игралиште со полипропиленски под изработен според стандардите на ФИБА,
• трибини со капацитет од околу 300 гледачи.
„Ова е уште еден доказ дека кога ќе ветиме – ние и исполнуваме. Голема благодарност до министерот за спорт, Борко Ристовски, за поддршката и визијата,“ изјави Карапетров.
Новите терени ќе придонесат за поголема активност кај младите и ќе овозможат одржување на натпревари и спортски настани на повисоко ниво.
Поради снегот и ниските температури кои ја зафатија Општина Битола во периодот од 05.04.2025 до 08.04.2025 година и предизвикаа штети кај овошките и другите земјоделски култури, се повикуваат жителите на Општина Битола кои претрпеле штета да поднесат барање за надомест на штета на шалтерите во Општина Битола.
Барањето може да се преземе од следниот линк https://www.bitola.gov.mk/nadomest-na-steti/
Во прилог на барањето потребно е да се достави:
-имотен лист/доказ за сопственост
-фотографии од претрпената штета
- копија од лична карта
-број на трансакциска сметка
Врз основа на доставените барања, комисија од Општина Битола, ќе врши проценка на штетите на терен.
Барањата можат да се доставуваат од понеделник 14.04.2025 до среда 23.04.2025 од 09.00 до 15.00 часот.
-
Црна Хроника3 days agoПаднаа директори: Проневера од 1,17 милиони денари
-
Црна Хроника6 days agoХаос во Скопје: Девојка со голи раце нападна и претепа двајца мажи среде улица!
-
Магазин6 days agoАндријана Јаневска со солзи ја испеа „Ако утре ме нема“ – настап кој се врежа во срцата
-
Република3 days agoУтре Тетово и околината без струја поради планирани прекини
-
Свет3 days agoДали Трамп ќе го издржи и ова? Кинезите го зададоа фаталниот удар кон САД – после ова, повеќе ништо нема да биде исто
-
Црна Хроника4 days agoДиректор на клиника рекетирал 20.000 евра мито за да смести болен човек во болницата
-
Црна Хроника7 days agoНоќна рација во Тетово: Кокаин, ножеви и затворање на угостителски објекти
-
Скопје5 days agoСубвенција од 500 денари за секој купен кубик огревно дрво