Конечно се огласија од букинг-агенијата Sure Shotz Entertainment која ја основа Владимир Блажев-Панчо, преживеаниот главен вокал на дуото ДНК.

Во нивното обраќање велат дека денови и недели подоцна, сѐ уште не можат да се помират со тоа што се случи во Кочани.

„Болката и тагата се постојано присутни, а секој кажан збор е излишен за оваа трагедија која не шокираше сите до еден и го донесе најтешкиот период за нас, во овие 20 години постоење на фамилијата Sure Shotz. Нашите срца се со семејствата и најблисĸите на оние ĸои прерано не напуштија. Нема зборови ĸои би можеле да им ја олеснат болĸата, но во нашите срца и мисли стоиме поĸрај нив, ја споделуваме нивната тага и им ја испраќаме сета сила на светот“, пишува во воведниот дел на нивната објава.

„Исто таĸа, на сите повредени им посаĸуваме брзо и успешно заĸрепнување – се надеваме деĸа сеĸој нов ден ќе носи напредоĸ и сила за продолжување на борбата. Како екипа, достапни сме да направиме сѐ што е во наша моќ да помогнеме, иаĸо знаеме деĸа ниту еден гест, ниту една помош не може целосно да ги залечи раните што ги остави оваа трагедија. Со голема тага, сакаме да се опростиме и дадеме збор-два за нашите блиски другари и соработници, кои ни значеа премногу…

Буцо, нашето најзлатно дете, нашето братче од Sure Shotz кој постојано беше тука, со и за нас, секој четврток на Spicy или на сите патувања низ Македонија. Момчето коe никогаш не бараше ништо, а безрезервно даваше на сите, постојано насмеан и позитивен. Безброј заеднички моменти, саати и денови поминати заедно во дружба, со смеење до солзи или јадење додека не се прејадеме… Засекогаш ќе ни фалиш Буцика!

Андреј, голем човек со уште поголемо срце. Беше со нас од самите почетоци, како другар, соработник и голем фан на музика (одлепуваше на Guru/Gangstarr). Ти благодариме за секој еден другарски момент, даден совет и искрен муабет уз чашка ракија или пиво. Вечно ќе ги пуштаме и пееме твоите рефрени!

Сара, Филип, Цеа, Џоле, Игорче, Ефремов; ни беше драго што ве познававме и што имавме чест да соработуваме и да се дружиме преку тоа што не поврзуваше – ДНК како бенд и музиката како наша најголема љубов. Ќе ги паметиме сите заеднички настапи и дружби во бекстејџ… Вечна ви слава и почивајте во мир!“, продолжува нивната трогателна посвета.

За крај, тие откриваат и дека Панчо е во стабилна состојба.

„Веруваме дека ќе напредува со својата рехабилитација. Патот е долг, но ние сме со тебе стари, како до сега така и во иднина!“, велат тие.

Македонската фолк-сцена блеска и на другиот крај од светот! Спасен Сиљаноски и младиот пејач Методија Столески приредија вистинска фолклорна магија во Австралија, каде што настапија пред полна сала од наши иселеници кои со срце и душа ја пееја „Ќе ти дојдам“.

Снимките од настапот го преплавија Инстаграм и Фејсбук, при што се гледа како публиката без исклучок фаќа оро и ужива во македонската песна. Целата сала вибрираше од емоции, а атмосферата беше толку жешка што, како што коментираат многумина, „на моменти изгледаше како да сме во Прилеп, а не во Сиднеј“.

Покрај Сиљаноски, вистинско изненадување беше Методија Столески – млад, харизматичен и полн со енергија, кој со својот глас и настап ја освои публиката. Публиката го препозна од настапите во „Мерак меана“ и неговите видеа на социјалните мрежи, а по оваа турнеја, дефинитивно еден чекор поблиску е до ѕвездениот статус.

Спасен и Методија, заедно со „Престиж бенд“, продолжуваат со турнејата низ Австралија, а интересот расте од ден во ден – за следните концерти веќе се бара билет повеќе.

Големо БРАВО за нашите музичари, но и за македонската дијаспора која секогаш знае како да ја зачува традицијата и да направи вистинска фешта!

Видеото може да го погледнете тука

Овен (21 март – 19 април):

Денес е добар ден за започнување нови проекти и активности. Ќе се чувствувате мотивирано и ќе имате енергија за да ги постигнете вашите цели. Не се плаши да ризикуваш, затоа што интуицијата ќе те води во вистинска насока. Биди внимателен на деталите.

Бик (20 април – 20 мај):

Ова е поволен ден за донесување важни одлуки, особено кога станува збор за финансии и кариера. Не брзај, но не дозволувај да ги одложуваш важните чекори. Довербата во своите способности ќе ти помогне да постигнеш успех.

Близнаци (21 мај – 20 јуни):

Денес ќе имаш прилика да се ослободиш од некои стари обврски и да направиш место за нови можности. Погледни околу себе и следи ги знаците на судбината. Остави го минатото зад себе и фокусирај се на иднината.

Рак (21 јуни – 22 јули):

Ќе бидеш фокусиран на иднината денес. Ќе правиш планови и ќе бараш начини да постигнеш стабилност. Внатрешниот глас ќе ти помогне да донесеш добри одлуки. Не се плаши да се потпираш на интуицијата.

Лав (23 јули – 22 август):

Денес ќе имаш многу размислувања за твоите финансии. Разбираш дека заштедите не се ограничување на слободата, туку инвестирање во твојата сигурност. Внимавај на своите трошоци и размисли за паметни инвестиции.

Девица (23 август – 22 септември):

Денес ќе се фокусираш на своите финансиски обврски. Затворањето на долговите е важен чекор кон ослободување и мир. Прегледај го својот буџет и размисли дали можеш да ги забрзаш исплатите или да најдеш подобри услови.

Вага (23 септември – 22 октомври):

Денес е ден за инвестиции во себеси. Без разлика дали станува збор за учење, грижа за здравјето или развој на талентите, секоја инвестиција во твојот раст ќе се исплати. Погрижи се за себе на начин на кој се грижиш за другите.

Скорпија (23 октомври – 21 ноември):

Твоето тело и дух бараат пауза. Иако не си сигурен кога ќе ја земеш вистинската одмор, започни малку по малку: создај си пријатна атмосфера и одвој време за себе. Важно е да не се занемариш.

Стрелец (22 ноември – 21 декември):

Ова е одличен ден за размислување за твоето здравје. Твоето тело ти дава сигнали, и време е да се фокусираш на нив. Можеби е време да го промениш својот режим на спиење или да додадеш физичка активност во секојдневието.

Јарец (22 декември – 19 јануари):

Подготви се за промени! Летото е на хоризонтот и време е да започнеш со нови навики и цели. Можеш да ги промениш старите перспективи и да се подготвиш за нови можности кои ќе дојдат во твојот живот.

Водолија (20 јануари – 18 февруари):

Денес е ден за внимателно управување со своите ресурси. Парите се енергија што треба да се користи мудро. Прегледај го својот буџет и размисли за паметни инвестиции. На овој начин, ќе се осигуриш за иднината.

Риби (19 февруари – 20 март):

Денес се чувствуваш авантуристички. Посети некое интересно настанување или запознај нови луѓе. Време е да ги оставиш назад сите грижи и да се посветиш на нови искуства кои ќе те исполнат со радост.