Метеоролозите предупредуваат. Многу студен, сибирски бран пристигнува на Балканот и во Македонија.
Со слична прогноза се и од УХМР, од каде велат дека од недела ќе имаме пад на температурите.
Со подетални прогнози излегоа Славчо Попоски и балканските метеоролози. Велат дека ќе имаме и снежна прекривка.
„Како среде зима, многу ладниот период, вообичаен за декември и за јануари почнува од овој викенд…на Метеоролошката карта можете да ја видете очекуваната снежна покривка за време на овој многу ладен воздух кој ќе се спушти кај нас директно од Сибир“, вели Попоски.
„За жал за сите овоштари, лозари, земјоделци и пчелари, нема промени или олеснувања во моделите во однос на упадот на поларниот вртлог кој ни доаѓа директно од Сибир во недела на 6.04.2025 година, и ќе остави многу траги на вашата вегетација“, велат метеоролозите од Балканот.
од УХМР го најавуваат истото.
„Продолжува периодот на променливо облачно време со повремени врнежи од дожд. Утре и во четврток ќе има изолирана појава, а од петок на повеќе места ќе биде нестабилно со пороен дожд и грмежи. Од недела температурите ќе бидат во опаѓање“, велат од УХМР.
