Скопје
Герасимовски: Град Скопје не реагираше, општината сама ги исчисти контејнерите во Дебар Маало
Град Скопје и ЈП Комунална хигиена повторно потфрлија со одржувањето на хигиената на територија на Центар. Утрово, дебармаалци се соочија со идентична глетка како од пред два месеци – преполни контејнери со смет и лоша миризба кои не само што се закана по здравјето на центарци, туку, исто така и го нагрдува изгледот на централното градско подрачје кадешто циркулираат голем број на граѓани.
„И ова утро, нашите општински служби го подигнаа сметот од подземните контејнери во Дебар маало кадешто надлежност имаат Комунална хигиена и Град Скопје. Одржувањето на хигиената во Центар мора да биде приоритет, затоа што секојдневно се движат голем број граѓани. Како локална самоуправа, веќе неколку пати имаме испратено допис до надлежните институции со барање за поажурно и поефикасно извршување на нивните обврски. Граѓаните заслужуваат чиста и уредна средина, а ние ќе продолжиме да инсистираме на решавање на овој проблем”, изјави Герасимовски.
Општина Центар ги повикува граѓаните да пријават проблеми со јавната чистота на територија на општината со цел брза интервенција на службите. Граѓаните можат да пријават смет и диви депонии на следните телефонски броеви: 076/350-767 и 02/3203-693.
На 7 април 2025 година, во 14:45 часот, во СВР Скопје бил пријавен случај на измама во кој 77-годишен жител на скопско село бил оштетен за сума од 1.300 евра.
Како што пријавил оштетениот, непознато машко лице му се јавило телефонски и го убедило дека неговата ќерка предизвикала сообраќајна несреќа во која наводно прегазила неколку лица. Мошне вознемирен од тврдењата, човекот бил убеден дека доколку не уплати одредена сума, неговата ќерка ќе заврши во затвор.
Поверувајќи во кажаното, тој ги подигнал парите и ги оставил на однапред договорено место, како што му било сугерирано од страна на измамникот. Подоцна, откако се слушнал со неговиот зет, сфатил дека сè било лажна приказна и дека станува збор за класична измама.
Од Министерството за внатрешни работи информираат дека се преземаат мерки за целосно расчистување на случајот и идентификување на сторителот.
Скопје
Подгответе се за гужви: Посебен режим на сообраќај во Скопје од среда до петок, ова се деталите
Посебен режим на сообраќај во Скопје.
Во периодот од 09-11.04.2025 година (среда-петок) во официјална посета на Р. Северна Македонија ќе присуствува Н.Е. Уршка Клакочар Зупанчиќ, Претседател на државниот збор на Р. Словенија.
Од тие причини Единицата за безбедност на патниот сообраќај ќе преземе мерки за посебен режим на сообраќајот на подрачјето на град Скопје.
СВР Скопје апелира до сите граѓани учесници во сообраќајот да ги почитуваат наредбите што ќе ги даваат полициските службеници.
Скопје
Ганиу: Започна реконструкцијата на улицата „Неџат Аголи“ во Чаир – нова канализациска и водоводна мрежа за над 50 домаќинства
На улицата „Неџат Аголи“ во општина Чаир започнаа градежните активности за поставување на нова водоводна мрежа, откако претходно беше завршена инсталацијата на новата фекална канализација. Во моментов се изведува стружење на постоечкиот асфалт, што претставува подготовка за следната фаза од проектот.
Градоначалникот на Чаир, Висар Ганиу, денеска на терен одблиску го следеше текот на работите и истакна дека проектот има големо значење за жителите на оваа населба, бидејќи ќе обезбеди функционален канализациски систем и стабилно снабдување со вода за пиење за повеќе од 50 домаќинства.
По завршувањето на сите подземни работи, ќе следува финално асфалтирање на улицата.
Оваа инвестиција е дел од пошироката програма на Општина Чаир за модернизација на јавната инфраструктура и унапредување на животниот стандард на граѓаните. Ганиу посочи дека Чаир секојдневно се менува преку реализација на конкретни проекти и одговорна институционална работа.
-
Црна Хроника3 days agoХаос во Скопје: Девојка со голи раце нападна и претепа двајца мажи среде улица!
-
Магазин3 days agoАндријана Јаневска со солзи ја испеа „Ако утре ме нема“ – настап кој се врежа во срцата
-
Црна Хроника7 days agoУапсен тежок криминалец во Тетово
-
Економија5 days agoПосле покачените пензии, уште едни одлични вести за пензионерите во Македонија
-
Република6 days agoКарапетров: Наместо урбана џунгла, јавен простор за граѓаните на Тетово
-
Црна Хроника1 day ago
Директор на клиника рекетирал 20.000 евра мито за да смести болен човек во болницата
-
Црна Хроника6 days agoСемејна драма во Тетовско: Соседи уривале ограда поради расправија!
-
Црна Хроника4 days agoНоќна рација во Тетово: Кокаин, ножеви и затворање на угостителски објекти