Connect with us

Македонија

МЕТЕО ПРЕДУПРЕДУВАЊЕ: Доаѓаат екстремно ладно време за април, силен северен ветер и снег, ова се деталите

Published

on

Почнувајќи од ноќта сабота кон недела (5/6 април) директно од Сибир во Македонија брзо ќе продре многу ладен воздух и истиот ќе услови формирање на секундарен циклонски систем (поле со низок воздушен притисок). Сето ова ќе биде проследено со засилен, до повремено силен ветер од северен правец (повремено и локално со брзина од над 65 км/час).

Уште во недела (6 април) рано наутро од север ќе се прошируваат пообилни врнежи кои ќе бидат најпрвин од дожд на пониските места (граодивте) и од снег на повисоките места и на планините, каде ќе се формира снежна покривка. На планините и на Скијачките центри ќе се формира снежна покривка од 10 до 20, во делови од нив и до 30 cм снег. Овој многу ладен воздух ќе предивика во недела (6 април) особено од пладневните часови па натаму врнежите од дожд да преминуваат во врнежи од снег во повеќето пониски места (градовите).

Снежна покривка до понеделник (7 март) наутро ќе се формира и во повеќе градови, во дел од градовите, особено во западната половина од Република Македонија ќе се формира снежна покривка со висина од 10 до 15 cм. На другите места таа ќе биде помала од 10 cм. Во Повардарието и во југоисточните предели не очекувам формирање на некоја си снежна покривка.

Со овој многу ладен воздух од Сибир, врнежи од снег ќе има и во делови од Скопскиот регион, а особено во повисоките предели од котлината ќе се формира и снежна покривка, а малку поголема снежна покривка ќе се формира на околните планини. И во Скопје и околината повремено ќе дува силен ветер од северен правец (над 60 км/час).

Овој многу ладен Сибирски воздух ќе ги спушти температурите за 10 до 15 степени во споредба од оние кои ги имаме сега, а особено во утринските и ноќните часови ќе има појава на посилен мраз во повеќето делови од Македонија, кој особено лошо ќе се одрази врз земјоделието, а особено на овошките.

Да напоменам и предупредам дека поради тоа што се работи за брзо спуштање на овој многу ладен воздух од Сибир, ветерот кој го очекувам би можел да прави и проблеми, па токму поради ова граѓаните да бидат крајно внимателни, особено да бидат внимателни возачите и да не ги ставаат своите автомобили во близина на дрвјата, за да не дојде до штети на истите.

Овој многу ладен Сибриски бран кај нас ќе потрае најмалку три до четири денови, предмалку истакна Славчо Попоски

Македонија

Сиљановска-Давкова: Без Ромите нема успешна демократска македонска приказна

Published

on

Пријатно дружење со учениците од Шуто Оризари, од основните училишта „26 Јули“ и „Браќа Рамиз – Хамид“, со средношколците од „Шаип Јусуф“ и со студенти Роми.

Заедно го прославивме Меѓународниот ден на Ромите, 8 Април, бидејќи Ромите се неразделен дел од нашето државно и општествено ткиво и секогаш ќе останат.

Потребни се вистински, одважни чекори во одбраната на нивните права и подобрувањето на нивниот живот. Мора да добијат поголеми шанси на сите полиња оти во нив се крие многу енергија и креација.

Досега, ние им ја подадовме едната рака, но треба и другата, ако сакаме да бидеме подобри луѓе и да градиме општество на рамноправни граѓани. Без Ромите, нема успешна демократска македонска приказна.

Continue Reading

Македонија

Пандов: Во некои затвори повеќе од 50% од полицајците се корумпирани, што ја потхранува незаконската активност

Published

on

Директорот на Управата за спроведување санкции, Александар Пандов, смета дека проблемот со телефоните, дрогата и другите незаконски активности во затворите може да се реши, но само доколку има казна за корумпираните затворски полицајци кои, според неговите проценки, во некои затвори се над 50 отсто.

„Имаме работа со група вработени и затвореници поврзани во мрежа. Ако можеме дел по дел да ги отстраниме корумпираните во затворскиот систем, можеме да го решиме проблемот со телефоните, дрогата и другите недозволени предмети. Сè додека ги имаме и додека веруваат дека можат да се извлечат од тоа, ќе имаме телефони, лекови, нелегални предмети“, рече Пандов на денешната прес-конференција во Владата.

За споредба, тој нагласи дека во земјава за девет месеци се пронајдени околу илјада телефони, додека во Хрватска во 2023 година само 26 мобилни телефони, а во Косово 51 телефон во 2024 година.

,,Наследивме крајно корумпиран систем, но она што радува е што постои голема желба да се справиме со тој криминал“, рече Пандов.

Во однос на тоа дали би било подобро да се постават блокатори како решение за мобилните телефони, Пандов рече дека проблемот е што денес повеќето затвори се опколени со згради и доколку се постават блокатори ќе бидат блокирани и телефоните на граѓаните кои живеат или работат во овие згради.

„Во Хрватска нема заглавувачи, а во исто време нема телефони. Сите кои се долги години во затворскиот систем ме уверуваат дека нема подобра работа од рации“, рече Пандов. 

Continue Reading

Македонија

Петар Богојески избран за нов директор на Националната агенција за европски образовни програми и мобилност

Published

on

Почитувани пријатели, почитувани сограѓани, почитувана јавност,

Со особена чест и чувство на одговорност ве информирам дека ја примив Одлуката од страна на стручниот Управен одбор на Националната агенција за европски образовни програми и мобилност, со која на Јавен повик сум избран на позицијата директор на оваа важна национална институција. Овој предизвик го прифатив свесно и одговорно, не затоа што е лесен, туку токму поради комплексноста и сериозноста на задачите што произлегуваат од образовниот сектор, особено во рамките на европските образовни програми.

Искрено благодарам за довербата што ми е укажана од страна на членовите на Управниот одбор. Би сакал да изразам благодарност и почит и кон мојот противкандидат за конструктивното учество во јавната постапка, како и кон досегашниот директор за неговата посветеност и придонес во развојот на Агенцијата.

Официјалното примопредавање на обврските во рамки на ЕУ, во присуство на претставници на Европската Комисија, ќе се одржи на 15 мај 2025 година во Варшава, Полска.

Во согласност со новите професионални ангажмани, моите позиции како професор на Воената академија во Скопје и на Универзитетот за мир на Обединетите Нации ќе бидат привремено ставени во мирување, иако ќе продолжам активно да учествувам во наставниот процес и да работам со студентите.

Со задоволство ве поканувам на прес-конференцијата што ќе ја одржам наредната недела, на која ќе бидат детално презентирани приоритетите, стратегиските насоки и плановите за работа кои заедно со мојот тим ќе ги спроведеме во рамките на Националната агенција.

Со почит,
д-р Петар Богојески

Continue Reading
Advertisement
Advertisement

Трендинг

Copyright © 2024 Булевар.мк