Connect with us

Свет

Најнови информации за земјотресот во Мјанмар, расте бројот на загинати и повредени

Published

on

Портпаролот на воената хунта која ја контролира Мјанмар изјави дека досега се потврдени најмалку 3.085 жртви, додека над 340 лица се водат како исчезнати, а повеќе од 4.715 се повредени во последниот катастрофален земјотрес. Властите продолжуваат со интензивни спасувачки операции и истакнуваат дека состојбата на теренот останува критична, со оглед на големите оштетувања на инфраструктурата и недостигот на ресурси.

Во меѓувреме, хуманитарни тимови од 17 различни земји пристигнаа во земјата, обезбедувајќи помош за спасување на преживеаните. Испорачани се речиси 1.000 тони хуманитарна помош и медицинска опрема, која е од клучно значење за справување со последиците од земјотресот. Портпаролот на хунтата ја изрази благодарноста на меѓународната заедница и медицинските тимови за нивната брза и безрезервна помош.

Сепак, и покрај овие напори, предизвиците остануваат големи. Голем број од преживеаните се бездомни, а пристапот до некои од најпогодените области е отежнат поради оштетени патишта и недостаток на ресурси. Владините власти објавија дека ќе продолжат со координација на хуманитарните активности и ќе бараат дополнителна помош од странство за да се справат со оваа голема трагедија.

Истовремено, спасувачките тимови се соочуваат со тешкотии во обидите да стигнат до далечните и рурални области, каде што населението е најпогодено. Меѓународната заедница и организации како Црвениот крст, Светската здравствена организација и други хуманитарни агенции активно учествуваат во помошта, но потребите се огромни, а состојбата на теренот и понатаму е многу динамична.

Свет

Доминикана: Се урна покрив на ноќен клуб: Најмалку 13 лица загинаа

Published

on

Најмалку 13 лица загинаа кога се урна покрив на ноќен клуб во Доминиканската Република, соопшти локалната полиција во Санто Доминго.

Се уште не е познато како се урнал покривот на овој познат клуб Џет сет.

Инцидентот се случил за време на настапот на познатиот пејач Рубио Перез.

Локалните власти објавија дека најмалку 93 лица биле пренесени со брза помош во неколку околни болници.

„Нашиот град се буди за страшната трагедија што се случи во ноќниот клуб Џет Сет. Моето најдлабоко сочувство до семејствата на жртвите, а нашите мисли се со семејствата кои чекаат вести за своите најблиски“, изјави градоначалничката на Санто Доминго, Каролина Мехија де Гариго.

Полицијата е на лице место и врши увид, по што ќе се знаат повеќе детали за оваа страшна трагедија.

Continue Reading

Свет

ТРАМП СО УЛТИМАТУМ ДО ЕУ: Ќе ве поштедиме од царини ако платите 350 милијарди за нашата енергија!

Published

on

Европската Унија ќе мора да купи американски енергенси во вредност од 350 милијарди долари за да добие одложување на новите царини, кажа Доналд Трамп, отфрлувајќи ја понудата за заемни царини од 0% за автомобили и индустриски стоки.

Ова доаѓа откако претседателката на Европската комисија Урсула фон дер Лајен кажа дека ЕУ ќе му понуди на Вашингтон укинување на царините за увоз на автомобили и индустриски стоки, ако САД го направат истото. Запрашан од новинарите во Белата куќа дали е тоа доволно, Трамп одговори:

„Не, не е. Имаме дефицит со Европската Унија од 350 милијарди долари и тоа брзо може да исчезне. Еден од начините е тие да купат наши енергенси. Нека ги купат и ќе можеме за една недела да ги избришеме тие 350 милијарди долари“, изјави Трамп.

Понудата на Брисел уследи откако Трамп минатата недела воведе царини од 20% за цела Европска Унија, ставајќи ја во групата од 60-ина држави кои беа означени како „најлоши престапници“.

Предлогот на Трамп не е ништо ново. Набргу по неговото враќање во Белата куќа, Фон дер Лајен предложи почнување преговори за купување повеќе американски течен природен гас, но тоа не се реализираше.

Continue Reading

Свет

Како Путин ќе реагира на ова? Зеленски ги откри плановите на Украина

Published

on

Украинскиот претседател, Володимир Зеленски, изјави дека неговата земја интензивно го зголемува производството на беспилотни летала и роботски системи, оценувајќи дека развојот на домашната воена индустрија е клучен за одржување на борбените капацитети на фронтот.

– Најважна тема на денешната седница на Генералштабот беа извештаите за домашното производство на дронови. Максимално ги зголемуваме капацитетите – од тактички модели како „Мавик“ до дронови со голем домет. Паралелно, го јакнеме и нашето производство на копнени роботски системи – изјави Зеленски во вечерното обраќање, пренесува украинската агенција Интерфакс.

Нови дронови, домашна продукција, стабилно снабдување

Според неговите зборови, Украина мора да обезбеди постојан раст во производството и испораката на сите потребни компоненти за беспилотни системи, а тековната динамика дава причина за оптимизам.

– Особено работиме на развојот на оптички беспилотни летала. Само од почетокот на годината, повеќе од 20 нови модели со оптички системи за управување се сертифицирани. Веќе 11 домашни компании ја совладаа нивната продукција. Нашиот цел е да го зголемиме обемот и брзината на испораките – нагласи Зеленски.

Тој додаде дека украинските одбранбени сили ќе бидат опремени согласно со потребите во текот на оваа година.

– Напредокот го бележиме и во секторот „DeepStrike“ – дронови со голем домет. Не можам да наведам точни бројки, но ви гарантирам дека ќе обезбедиме доволни количини за војската – додаде претседателот.

Цел: Заштита на територијата и уништување на руската логистика

Зеленски исто така информираше дека го сослушал извештајот на главниот командант на украинската војска, генералот Олександер Сирски, за состојбата на фронтот и активностите на украинските сили во руските погранични области Курск и Белгород.

– Продолжуваме со операциите во пограничните региони, и тоа е сосема оправдано. Војната мора да се врати таму од каде што почна. Нашата главна цел останува иста – да ја заштитиме нашата земја – изјави Зеленски.

Според неговите зборови, операцијата во Курската област помогнала во олеснувањето на другите делови на фронтот, особено Донецката област.

– Исклучително важно е да продолжиме со уништувањето на руската техника и целокупната логистика која ја користи окупаторот – заклучи украинскиот лидер.

Continue Reading
Advertisement
Advertisement

Трендинг

Copyright © 2024 Булевар.мк