Кина воведува царини од 84 отсто за САД

Кина ќе воведе царини од 84 отсто за американски стоки, почнувајќи од утре, наместо претходно најавената царина од 34 отсто, соопшти денеска кинеското Министерство за финансии.

Во исто време, Кина ја информираше Светската трговска организација (СТО) дека одлуката на Соединетите Американски Држави да воведе реципрочни царини за Пекинг претставува дополнителна закана за стабилноста на глобалната трговија.

„Ситуацијата опасно се ескалира. Како една од засегнатите членки, Кина изразува сериозна загриженост и силно се противи на овој непромислен потег“, стои во соопштението на Кина до СТО, испратено до Ројтерс од кинеската мисија при трговското тело.

Во урнатините на ноќниот клуб Џет Сет, спасители утрово го пронашле и телото на познатиот пејач Руби Перез, соопштиле надлежните.

Од Центарот за вонредни ситуации на Доминиканската Република потврдиле дека телото на Руби било пронајдено во 6:10 часот. Портпаролот на Центарот, Хуан Мануел Мендез, истовремено соопштил дека бројот на жртви пораснал на 113.

Да потсетиме, трагедијата во клубот Џет Сет се случила ноќта помеѓу 7. и 8. април, за време на настапот на Руби Перез, кога изненадно се урнал голем дел од покривот, кој паднал на бината и подиумот. Покривот се урнал 44 минути по полноќ.

Спасувачките екипи брзо пристигнале на местото на несреќата и започнале да ги извлекуваат преживеаните. Во падот на покривот повредени се најмалку 155 лица, кои биле итно пренесени во болници. Ќерката на Руби Перез, која била со него на настапот, била извлечена жива.

Надежта за несреќниот Руби постоела неколку часа, бидејќи тој пеел под урнатините за да го пронајдат спасителите. За жал, кога бил лоциран, повеќе не давал знаци на живот.

Европската унија подготвува „креативен“ одговор на американските царини, фокусирајќи се на држави кои поддржуваат републиканци и клучни производи за американскиот извоз, пишува Политико.

Според анализата, Европската комисија планира да воведе царини до 25% на американски извоз во вредност од 22,1 милијарди долари како одговор на мерките на САД. На листата се земјоделски и индустриски производи како соја, месо, тутун, железо, челик и алуминиум, кои се зависни од трансатлантскиот извоз.

ЕУ треба да гласа за тарифите на 9 април. Политико вели дека Европската унија покажала „креативност“ со „пасивна агресија“, удирајќи ги САД таму каде што најмногу ги боли.

Како пример за оваа стратегија, медиумите ја наведуваат сојата. САД се втор најголем извозник на соја, а производителите минатиот месец го критикувале трговскиот пат на Трамп, предупредувајќи дека царините не треба да се потценуваат. Меѓу целите се и говедско месо од Канзас и Небраска, живина од Луизијана, автоделови од Мичиген, цигари од Флорида и дрвени производи од Северна Каролина, Џорџија и Алабама.

Според документот, ќе бидат воведени и тарифи за сладолед од Аризона, ткаенина од Јужна Каролина, електрични ќебиња од Алабама, вратоврски од Флорида, машини за перење од Висконсин и тестенини од Јужна Каролина.

Политико завршува со проценка дека контраефектите од царините кои ги наметна Трамп за Кина, Канада и ЕУ може да доведат до загуба од 90 милијарди долари од американскиот извоз.

На 2 април, Трамп воведе царини за увоз на производи од целиот свет, со стапка од 20% за ЕУ. Брзо потоа, Унијата предложи царински договор „нула за нула“, но Трамп ја одби понудата, барајќи Европа да купи американска енергија вредна 350 милијарди долари.