Стоматологијата важи за една од најдобро платените, но и најмалку стресни професии – барем според истражувањето на американската медиумска куќа U.S. News & World Report.

Иако не е на врвот кога станува збор само за висината на платата, стоматологијата сепак го зазема првото место кога ќе се земат во предвид и годишниот приход и нивото на стрес на работното место.

Просечната годишна плата за стоматолозите во САД изнесува околу 225.760 долари.

Според Market Watch, причината за оваа „совршена комбинација“ лежи во тоа што дневниот распоред им е добро организиран – однапред се знае кој пациент доаѓа и кога, што значително го намалува стресот. За разлика од други медицински професии, стоматолозите имаат и релативно мал број на итни случаи, што дополнително придонесува за мирна работна атмосфера.

Во анализата на U.S. News & World Report биле опфатени вкупно 187 добро платени професии, а покрај стоматолозите, на листата со професии кои нудат добар баланс меѓу приватниот и професионалниот живот се најдоа и програмери, статистичари, логопеди, ветеринари и дел од другите медицински струки.

Растат платите на вработените во здравството, образованието и безбедноста, велат од Владата во писменото соопштение.

Вработените во здравството добија покачување од 5 проценти со мартовската плата исплатена во април, додека платите во образованието за 7 проценти, а на 12.000 полицајци платите се зголемија за дури 10 проценти.

Квалитетното образование е наша цел и токму затоа просветните работници и сите вработени во образованието земаат покачување од 7 проценти, со што конечно се враќа изгубеното достоинство и вреднување на нивниот труд. Платите на сите вработени во образованието до крајот на мандатот ќе пораснат за 46 проценти.

Воспоставување на ред и поредок на цела територија на државата е наша заложба како Влада. Со покачување на платите на 12.000 вработени службени лица за 10 проценти покажуваме дека сигурноста и безбедноста на граѓаните е најважно.

Понатаму, покачување на платите од 5 проценти добија и вработените во јавните здравствени установи, додека пак за матичните лекари и гинеколози се зголеми капитациониот бод за 33 проценти, односно од 75 на 100 денари, а за стоматолозите се зголеми за 23 проценти односно од 61 на 75 денари. Платите во здравството за четири години ќе се зголемат за дури 50 проценти.

Здравствените работници и медицинските сестри се грижат за здравјето на граѓаните и нивната пожртвуваност мора соодветно да биде вреднувана.

Три најважни сектори- обезбедување на подобар образовен систем, ефикасна и квалитетна здравствена заштита за пациентите и обезбедување ред и поредок се клучни за функционирање на државата но и враќање на довербата на граѓаните.

Затоа, работиме посветено за да придонесеме кон подобрување на целокупната состојба во институциите и системот.

За разлика од претходно, кога растеа функционерските плати, оваа Влада донесе 

одлука да растат само платите на вработените, но не и на функционерите.

Владата продолжува со водење на одговорна политика. Домаќинското работење носи резултати и поквалитетен живот стандард за сите граѓани.

Ветивме, се обврзавме и испорачуваме за Македонија повторно да биде ваша.

Министерката за енергетика, рударство и минерални суровини Сања Божиновска одржа обраќање на ESG Adria Summit 2025 во Тиват, каде што ја презентираше стратегијата на македонската влада за развој на енергетската инфраструктура. Таа истакна дека од првиот ден фокусот е на создавање долгорочна енергетска стабилност и економски напредок, преку државни проекти и стимулирање приватни инвестиции.

„Ова не е само ветување – веќе градиме!“, порача Божиновска, посочувајќи ги клучните проекти: модернизацијата на РЕК Битола, изградба на нови соларни и ветерни централи, како и воведувањето на Contract-for-Difference (CfD) механизмот во соработка со Европската банка за обнова и развој (ЕБОР).

Таа додаде дека зелената транзиција мора да биде праведна, поради што владата паралелно вложува и во традиционалните енергетски капацитети и во обновливи извори, како и во развојот на регионални интерконекции.

Божиновска им се заблагодари на сите меѓународни партнери за поддршката и најави продолжување на дијалогот за одржлива енергетска иднина.