На 08.04.2025 во 13.40 часот во СВР Тетово, Е.М.(36) од Тетово пријавила дека околу 12.30 часот во основното училиште во кое учела, нејзината малолетна ќерка била физички нападната од двајца соученици. Се преземаат мерки за расчистување и документирање на случајот.  

СВР Штип информира за грабнување на малолетничка.

-На 08.04.2025 во 24.00 часот во СВР Штип, М.М.(35) од Штип пријавила дека околу 23.30 часот од ул.„Черења“ во Штип, Ф.М. од Богданци, поранешен партнер на нејзината малолетна ќерка, со употреба на сила ја внел малолетничката во возило „ауди“ и заминале во непознат правец. За настанот бил запознаен јавен обвинител и се преземаат мерки за негово расчистување.

СВР Битола до Основното јавно обвинителство Битола поднесе кривична пријава против правно лице од Битола и В.П. (50) од Скопје, управител на правното лице, поради постоење основи на сомнение за сторено кривично дело „кражба на електрична енергија, топлинска енергија или природен гас “, казниво во чл.235-а од Кривичниот законик.

Во периодот од 01.02.2024 до 17.01.2025, пријавеното правно лице се стекнало со противправна имотна корист од 9.300.955 денари на тој начин што второпријавениот, без согласност на соодветен оператор на системот, со премостување на мерната опрема, преземал електрична енергија без да ја плати.