Во светот на гимнастиката, многумина слушнале за Симон Бајлс, која во текот на последните неколку години, пред и по паузата, се закитила со големи успеси.

Спорт кој во нашата земја не е премногу популарен, но во најголемите земји на светот е еден од најпопуларните, особено кај дамите. Така, гимнастичарките се многу познати, а понекогаш се појавуваат и на големи настани, како што беше случајот со Саниса (Сани) Ли (22).

Американската гимнастичарка, Сани Ли, ја посети кошаркарската утакмица Нјујорк Никс против Феникс Санса (112:98) во ноќта помеѓу недела и понеделник. Во еден момент камерата ја сними, а таа директно испрати голем поздрав во неа.

.@sunisalee_ is not the only gymnast in the house @joshhart with the acrobatic effort pic.twitter.com/S8ugKQGATe

— NEW YORK KNICKS (@nyknicks) April 7, 2025

На некои од кошаркарите, им било привлечено вниманието од видеобимот над теренот, а како и да не, со оглед на изгледот на згодната гимнастичарка, која го украде шоуто на мечот, кој не беше премногу интересен во второто полувреме.

Сани Ли е двократна освојувачка на златен медал на Олимписките игри, најпрво во Токио 2021 година, а потоа и тимскиот златен медал во Париз. Покрај тоа, во Токио освои и едно сребро и една бронза, додека во Париз зема уште два бронзени медала. Таа е и носителка на едно светско злато, како и злато и сребро на колеџ натпревари.

Сани Ли имала големи проблеми со болестите на бубрезите во последните години, но и покрај тоа успеала да истрае, а сега блеска и надвор од гимнастичката сцена.

Големото португалско дерби помеѓу Порто и Бенфика на стадионот „Драгао“ заврши со убедлива победа на гостите од Лисабон (4-1), но натпреварот беше сенчен од сериозен инцидент на трибините, кога полицијата употреби гумени куршуми против домашните навивачи.

По завршувањето на мечот, револтираните фанови на Порто започнаа судири со жандармеријата. Полицијата реагираше со сила, користејќи гумени куршуми за да ја растераат разјарената толпа. За среќа, не се пријавени потешки повреди.

Овој инцидент го засенчи и блескавото издание на Бенфика, која со оваа победа се искачи на врвот на табелата со 68 бодови. Лисабонскиот тим доби дополнителен поттик од Брага, која ремизираше 1-1 на гостувањето кај Спортинг, оставајќи го Порто на второто место со два бода помалку.

Погледнете го видеото во продолжение:

Porto vs Benfica last night… pic.twitter.com/o39mRMYFqK

— Football Fights (@footbalIfights) April 7, 2025

Христо Стоичков и Горан Пандев ќе ги предводат селекциите на Бугарија и Македонија на хуманитарен натпревар во Варна.

Фудбалските великани на Бугарија и Македонија на 27. април (17:00 часот) ќе одиграат хуманитарен натпревар во Варна, Бугарија. 

Целта е да се соберат средства и да се даде поддршка за настраданите во несреќата во Кочани. Целиот приход ќе биде дониран за настраданите во трагедијата во Кочани.

Организатор на хуманитарниот натпревар е фондацијата „Национали 94“, односно славната генерација на Бугарија од Светското првенство 1994 година која остави длабока трага во светскиот фудбал и Фудбалската федерација на Македонија (ФФМ). 

На натпреварот за Бугарија ќе настапат легендарните фудбалери предводени од Христо Стоичков, потоа Борислав Михајлов, Емил Костадинов, Јордан Лечков, Сираков, Јорданов, Генчев, Красимир Балаков, од помладата генерација Валери Божинов.

Македонската репрезентација е во состав со фудбалери од првата репрезентативна генерација, Илија Најдоски, Канатларовски, Мицевски, Марковски, Станковски, Мемеди, Бошковски…Горан Пандев, Агим Ибраими, Христов и Шаќири се дел од нашите легенди од поновата генерација. На хуманитарниот меч во нашиот состав ќе бидат Дарко Тасевски и Ванчо Трајанов кои оставија белег во бугарскиот клупски фудбал.

Ѓоко Хаџиевски е селектор на македонската репрезентација, а Димитар Пенев е предводник на Бугарија. 

На спортскиот натпревар ќе му претходи хуманитарна програма во која ќе настапат популарни изведувачи, која ќе започне во 15:00 часот.

Билетите може да се купат преку мрежата на Eventim по цени од 15 лева. 

Овој гест на солидарност претставува силна порака за човечност и заедништво и симбол на пријателство, спортски дух и заедничка хуманост.