Лишен од слобода грчки државјанин поради давање поткуп.

На 08.04.2025 во 10.05 часот на Граничниот премин Табановце, на влез во државата, полициски службеници го лишиле од слобода С.П.П.(40) од Република Грција поради постоење основи на сомнение за сторено кривично дело „давање поткуп“ од член 358 став 1 од Кривичниот законик.

Имено, при гранична контрола, тој на увид дал документи за патничко возило „форд“ со германски национални ознаки, кое го управувал и во зелениот картон ставил банкнота од пет евра. По документирање на случајот ќе биде поднесена соодветна пријава.

895 сообраќајни прекршоци вчера на територија на цела држава, 273 за брзо возење.

На подрачјата на осумте Сектори за внатрешни работи во текот на вчерашниот ден (08.04) полициските службеници во рамки на интензивните сообраќајни контроли издадоа вкупно 895 платни налози, по преземени мерки по основ на Законот за безбедност на сообраќајот на патиштата (ЗБСП) и по основ на Законот за возила (ЗВ).

По однос на изречените прекршочни санкции и натаму најголемиот број изречени прекршоци против возачи се однесуваат на непрописно паркирање 299, а 273 се однесуваат на непочитување на брзината на движење. Потоа следат прекршоците по основ на непоседување на возачка дозвола 67, па прекршоците за некористење на сигурносен појас 54, за користење на мобилен телефон при возење 21, како и 11 прекшоци што ги сториле пешаци.

Во рамки на контролите, во девет случаи евидентирано е минување на возило на црвено светло, 12 возачи управувале возило под дејство на алкохол, а евидентирани се и 17 нерегистирани возила како и седум возила кои што биле технички неисправни согласно ЗВ.

Сообраќајните контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.

Контроверзниот Пајазит Пајазити, кој го пушти Блерим Рамадани од косовската УЧК од ефективен во домашен притвор, по што тој избега, останува судија во Кривичниот суд.

Ова е конечната одлука на Судскиот соввет, донесена во петокот на затворена седница, објави ТВ „Алфа“. 

Пајазити добил само парична казна, шест месеци да зема 30% помала плата. Со одлуката на судскиот совет судијата останува да суди во одделението за претходна постапка, кое одлучува по притвори за осомничени. 

Одлуката за Пајазити е донесена осум месеци откако Рамадани избега, а откако за целата стручна и генерална јавност стана јасно дека лице кое се пушта во домашен притвор во земја во која не е резидент или државјанин најверојатно ќе избега.

Од Судскиот совет не откриваат кој гласал Пајазити да продолжи да суди.

Сит членови на Судски совет