Американските власти денес воведоа царински мерки на производи од неколку десетици земји. Погледнете на едноставен пример како функционираат царините.

„Најк“ патиките најчесто се увезуваат од Виетнам, земја која произведува половина од овие обувки, пишува CNN.

Од денес, оваа земја во југоисточна Азија се соочува со царина од 46 проценти на стоката што ја извезува во Америка. Пред одлуката на Трамп, стапката изнесувала само 14 проценти.

Еве како овие тарифи го менуваат конечниот износ на производот:

Пред – патиките чинеле околу 114 евра.

Потоа – Трамповите царини ја зголемуваат цената на околу 146 евра.

Точната цена во малопродажба ќе зависи од тоа колку од трошоците на „Најк“ – или која било компанија која увезува во САД – ќе одлучи да ги пренесе на купувачот.

Да потсетиме, американските власти денес воведоа царински мерки на производи од неколку десетици земји. Овие мерки стапија на сила точно во 4:01 часот по средноевропско време, и тоа се највисоките царини досега, а највисоките се воведени за Кина. Царините се однесуваат на скоро 60 трговски партнери, со дополнителни царини во опсег од 11 до 50 проценти, со исклучок на Кина, на која ѝ се воведени царини од 104 проценти.

Групацијата 4iG, водечка телекомуникациска и ИТ-компанија во Централна и Источна Европа, објави вчера на нивната интерент страница дека потпишала необврзувачко писмо на намери (LoI) со EuroTeleSites AG.

Овој стратешки потег претставува значаен чекор во плановите на 4iG за воспоставување присуство на пазарот на телекомуникации во Македонија.

EuroTeleSites AG, независна компанија за телекомуникациска инфраструктура котирана на берзите во Виена и Будимпешта, управува со 573 мобилни базни станици во Македонија. Компанијата обезбедува инфраструктурни услуги за оператори како A1 и други во шест земји: Австрија, Словенија, Хрватска, Србија, Бугарија и Македонија.

Овој развој доаѓа по неколку клучни чекори што 4iG веќе ги презеде во Македонија. Во септември 2024 година, компанијата потпиша Меморандум за разбирање со Владата на Македонија за поддршка на дигиталната трансформација на земјата. Дополнително, во октомври 2024 година, 4iG основа локална подружница — ONE Macedonia Telecommunications — со што ја потврди својата долгорочна посветеност кон регионот.  Пошироката стратегија на 4iG е создавање телекомуникациски оператор од нова генерација кој ќе внесе иновации и ќе ја зголеми конкуренцијата на пазарот.

Иако писмото на намери со EuroTeleSites претставува јасен показател за стратешките намери на 4iG да стане значаен играч на телекомуникацискиот пазар во Македонија, придонесувајќи за технолошкиот напредок и поврзаноста во земјата.

Денес, 9 април, се одбележуваат точно 152 години од пристигнувањето на првиот воз од Солун во Велес во 1873 година — значаен ден што се смета за почеток на железничкиот транспорт во Македонија.

Овој ден, познат и како Ден на железничарите на Македонија, железничките работници го прославуваат на свој начин — работно, со посветеност, стручност и одговорност, продолжувајќи да го градат патот кон модерна и европска железница.

На сите вработени во железничкиот сектор им се упатуваат честитки со желби за уште многу успеси во годините што следат.