Тројца жители на Струмица вчера се уапсени во село во беровско откако претходно во Делчево упаднале во куќа и грабнале жена, чијашто возраст не се соопштува, насила одведувајќи ја со автомобил, соопшти полицијата.

„На 06.04.2025 во 14:40 часот во беровско село, полициски службеници од ОВР Берово ги лишиле од слобода Г.А.(37), Б.Ч.(23) и 60-годишната Р.Ѓ., тројцата од Струмица, постапувајќи по претходна пријава дека од семејниот дом на Д.В.(59) од Делчево со употреба на сила ја зеле 32-годишната вонбрачна сопруга на неговиот син и со патничко возило „ауди“ со струмички регистарски ознаки заминале од местото. За настанот бил известен надлежен јавен обвинител од Основното јавно обвинителство Кочани и по целосно документирање на случајот ќе следува соодветна пријава“, пишува во полициското соопштение.

Основното јавно обвинителство Скопје донесе Наредба за спроведување истражна постапка против двајца белгиски државјани, кои се осомничени за соизвршителство на кривичното дело „Криумчарење“ согласно член 278 став 3 во врска со став 1 од Кривичниот законик.

Осомничените, маж и жена од Антверпен, на 6 април пристигнале во Македонија со лет од Виена, избегнувајќи ја царинската контрола на Аеродромот во Скопје. Тие пренеле непријавени стоки, вкупно 209 парчиња златен накит со тежина од 1.711,1 грама и вкупна вредност од 479.555 евра.

По поминувањето на пасошката контрола, осомничените се упатиле на зелениот канал, кој е наменет за патници без стока за пријавување. Но, при селекција од страна на царинскиот службеник, било забележано дека во нивните куфери има празни кутии за накит и други непријавени предмети. Потоа, второосомничениот признал дека патува со својата сопруга која прво преминала пасошка контрола. Откако се вратила, при дополнителниот преглед во нејзиниот ранец бил пронајден златен накит.

Јавниот обвинител до судијата на претходна постапка достави предлог за определување мерка притвор за двата осомничени странски државјани, поради големата вредност на криумчираната стока.

Расчистено убиството во кривопаланечко Луке, поднесена е кривична пријава и определен притвор на две лица.

СВР Куманово поднесе кривична пријава по брза постапка против С.Ф.(19) и З.Ф.(24), двајцата од с.Луке, кривопаланечко, поради постоење основи на сомнение за сторено кривично дело ,,убиство’’. На 24.03.2025 во с.Луке, кривопаланечко, пријавените се договориле да извршат кражба на нивниот сосед Љ.С. и го намамиле да излезе во дворот, при што првопријавениот го нападнал со остар предмет.

Од здобиените повреди, тој починал на местото, по што му одзеле пари и телото го запалиле, додека остатоците ги закопале. Од судија на претходна постапка на пријавените им е определена мерка притвор.