Во современиот свет секојдневно добиваме лоши вести. Без разлика дали се работи за финансиски проблеми, љубовни неуспеси или здравствени тешкотии, често забораваме да уживаме во моментот и не ја разбираме убавината на работите кои ги земаме здраво за готово. А еден ден, можеби ќе ни биде жал што не ги ценевме доволно.
Читателите на BuzzFeed откриле за што најмногу жалат од своите 20-ти и 30-ти години. Без разлика дали се работи за семејството или за грижата за своето тело, многумина изразиле жал што во некои ситуации не се однесувале поинаку. Внимание: ако имате над 35 години, ова може да ви биде тешко да го прочитате.
Семејство
„Предпоставував дека моето најблиско семејство ќе биде секогаш тука. За три години ги загубив мојата сакана баба и двајцата родители. А за да биде полошо, мојата сестра воопшто не сака да зборува со мене. Понекогаш се чувствувам како да сум сам на светот.“
Здравје
„Здравјето на моето семејство. Повеќето од нив се уште се живи, фала богу, но како што поминуваат годините, одлуките за доктор и престојот во болница стануваат се почеста појава.“
Убав изглед
„Имам само 34 години, но да можев да го знам тогаш дека не треба да губам време мислејќи дека сум грда кога бев тинејџерка и во раните 20-ти… Гледам свои слики и си велам, да можев да ѝ кажам колку беше убава.“
Кожа
„Ја земав својата убава, младешка кожа здраво за готово. Не можам да верувам дека се мачкав со масло и така лежев на сонце! Користете крема за сончање!“
Брчки
„Имам 36 години и се чувствувам посреќна отколку било кога, но постојано размислувам за борите и секој ден си потсетувам да го ценам своето лице и тело бидејќи ќе продолжат да стареат. (Борите не се проблем, само е тешко да се знае дека ќе престанам да бидам привлечна како жена кога ќе изгледам ‘старо’.)“
Слобода
„Денес се чувствувам толку заробено со луѓето за кои треба да се грижам. Мојот син, сите домашни миленици, сите сметки, храна за семејството…“
Забите
„Носев протеза за заби, а моите заби беа совршени. Имам страв од стоматолог, па не одев редовно, но одеднаш почнаа да се распаѓаат. Сега почнувам со скап третман за да ги поправам сите, и тоа е вистински кошмар!“
Деца
„Тогаш се забавував. Патував и навистина уживав. Постојано ме следеа помлади мажи. Бев верена неколку пати, но никогаш не стигнав до олтарот. Сега немам деца. Никогаш не се омажив. Постојано мислев дека ќе има повеќе време. Девет години имам свој вереник. Среќни сме, но би сакала да го запознаев многу порано. Би сакала да бидам мајка. Сега е премногу доцна. Ако му се случи нешто, ќе бидам сама.“
Гранични ситуации
„Жалам што трпев токсично однесување од роднини ‘затоа што се семејство’. Сакав да поставам граници и да завршам со нив многу порано. Никој не треба да трпи лошо однесување.“
Време
„Времето го земав здраво за готово. Време за патување, време за пробување нови работи. Само време. Правете луди работи додека сте млади.“
Пари
„Секогаш имав пари, но би сакала порано да започнам да заштедувам за својата пензија.“
Родители
„Жалам за времето кога родителите беа секогаш присутни во мојот живот и кога можев да се потпирам на нив дека ќе бидат тука за мене.“
