Моди, од друга страна, повика на траен прекин на огнот во граѓанската војна во Мјанмар и нагласи дека изборите мора да бидат „кредибилни“, соопштил вчера портпаролот на Министерството за надворешни работи на Индија.
Откако во 2021 година војската го симна избраниот цивилен владин состав предводен од Аунг Сан Су Чи, лидерството на Мјанмар се соочува со големи потешкотии во управувањето со земјата, што доведе до колапс на економијата и основните услуги, вклучувајќи ја здравствената заштита, известува Ројтерс.
Граѓанската војна што следеше по воениот удар принуди повеќе од три милиони луѓе да бегат, додека гладта и несигурноста во снабдувањето со храна зафатија повеќе од третина од населението.
Според податоците на ОН, повеќе од третина од популацијата на Мјанмар сега има потреба од хуманитарна помош.
Флечер вчера беше во Мјанмар, во вториот по големина град, Мандалај, кој се наоѓа во близина на епицентарот на земјотресот.
Канцеларијата на Високиот комесар на ОН за човекови права соопшти дека хунтата го ограничи снабдувањето со помош во областите погодени од земјотресот каде заедниците не ја поддржуваат хунтата.
ОН истражуваат 53 извештаи за напади од страна на хунтата на нејзините противници. Портпаролот на хунтата не одговори на повиците за коментар.
Земјотресот со јачина од 7,7 степени ја погоди Мјанмар на 28 март, а епицентарот се наоѓал околу 16 километри од Мандалај, вториот по големина град во земјата.
Срушени се згради во неколку градови и населби, вклучувајќи го железничкиот и патниот мост на автопатот Рангу-Мандалај. Се случи и силен дополнителен земјотрес од 6,4 степени според Рихтеровата скала.
