Некои се запрашаа дали се работи за генетска аномалија, мутација, па дури и последици од загадување.

„Што е ова риба – мутант?“, „Сега повеќе не сакам да јадам риба…“, „Оваа сигурно не е гладна, јаде два пати одеднаш!“ – беа само некои од коментарите под фотографијата на необичната риба која во последно време кружи на социјалните мрежи. Ловот е дело на аргентинскиот рибар Фабиан Таборда, кој отишол на вообичаен риболов на реката Парана и се вратил дома со приказна која никогаш нема да ја заборави.

„Имав чувство дека ова е само уште еден од многуте обични денови на реката. Фрлав најдобро што знаев, како што правам секогаш, но она што го извлеков беше… неверојатно. Риба со две вилици и необично долг ‘јазик’“, изјавил Таборда за локалните медиуми. Иако брзо ја вратил во водата, успеал да ја фотографира.

Фотографијата веднаш предизвикала лавина реакции, а многумина со изненадување коментирале „риба мутант“. Некои се запрашаа дали се работи за генетска аномалија, мутација или последици од загадување. Биологот Пабло Скаработи од Институтот за истражување на водните екосистеми, кој го коментирал случајот за порталот Elonce, понудил поконкретно објаснување. Според него, станува збор за златна дорда (Salminus brasilienis), позната слатководна риба-грабливец од јужноамериканските реки.

„Не е првпат да видам вакво нешто. Мислам дека не станува збор за мутација, туку за повреда, најверојатно предизвикана од користење на таканаречените ‘пинцети за вилици’, алатка која рибарите ја користат при вадење на јадицата“, објаснил Скаработи.

„Рибите технички немат јазик, па веројатно станува збор за механичко оштетување кое изгледа како издолжен јазик.“ Сепак, не ја исклучил можноста дека деформацијата можела да се развие како последица на загадување на реката Парана, која во последните години е под се поголем притисок од индустрискиот отпад и климатските промени.

„Останаa уште многу прашалници за овој синдром и потребни се дополнителни истражувања за да разбереме како дошло до тоа“.

Тинејџер од Холандија, кој настрадал од исклучително реткиот мозочен синдром, поминал рутинска операција на колено — и се разбудил зборувајќи само англиски јазик, со американски акцент. Седумнаесетгодишникот бил примен во болница во 2022. година по спортска повреда која ја здобил за време на фудбалски натпревар, пишува Daily Mail.

Иако операцијата поминала без компликации, постоперативното будење го шокирало и неговите родители и докторите — тинејџерот зборувал исклучиво англиски, верувал дека се наоѓа во американската сојузна држава Јута и не ги препознавал своите родители. Иако учел англиски во училиште, никогаш не го користел како примарен јазик. Целосно го заборавил холандскиот, својот мајчин јазик, и не разбирал што му зборуваат.

Според болничкиот извештај, тинејџерот немал историја на психијатриски или невролошки нарушувања, а ни семејната анамнеза не укажувала на можни причини за ваквата состојба. Откако не проговорил ниту еден збор на холандски јазик за неколку часа, било повикано психијатриско советување. Но, дури ни тогаш не била откриена причината за промената на јазикот.

Пестицидите можат да го заштитат овошјето од инсекти, но ако не го измиете добро, може да доведат до проблеми како повраќање, дијареа и гадење.

Како правилно да го измиете сезонското овошје и зеленчук?

Кога купуваме сезонско овошје и зеленчук, често се прашуваме дали се третирани со хемикалии. Иако купуваме од познати продавачи, секогаш е добра идеја да го измиеме овошјето, бидејќи пестицидите кои се користат можат да предизвикаат стомачни тегоби. За да ја уживате свежата храна од пазарот, еве неколку едноставни совети за правилно миење.

Раствор со сода бикарбона

Еден од најефикасните начини за отстранување на пестициди е потопување на овошјето во раствор од сода бикарбона. Измешајте една лажица сода бикарбона во еден литар вода и оставете го овошјето (како домати, ротквици, јагоди и јаболка) да отстои 10-15 минути. Потоа, исплакнете ги под млаз вода. Ова ќе ги отстрани остатоците од пестициди.

Раствор од вода и оцет

За лиснат зеленчук, како салата, користете раствор од вода и чаша оцет или лимонов сок. Оставете да отстои 15-20 минути, а потоа исплакнете го секој лист под млаз вода. Овој метод е исто така ефективен за младиот кромид.

Направете спреј за миење

Можете да направите и сопствен спреј. Во шише со распрскувач истурете чаша вода и бел алкохолен оцет, а потоа додадете една лажичка сода бикарбона.

Почекајте да реагираат оцетот и сода бикарбоната, затворете го шишето и попрскајте го зеленчукот со овој раствор. По употребата, задолжително исплакнете со ладна вода.

Со овие едноставни совети, можете да уживате во здравата и свежа храна без страв од пестициди.