Балкан
Ендокринолог и професор е новиот мандатар во Србија, Вучиќ очекува нова влада до Велики петок
Српскиот претседател Александар Вучиќ го предложи Ѓуро Мацут за мандатар на нова влада, јавија српските медиуми.
Мацут е лекар ендокринолог, дипломирал, магистрирал и докторирал на Медицинскиот факултет во Белград, каде што е редовен професор. Бил на специјализација за репродуктивна медицина и биологија на Универзитетот во Женева и во Светската здравствена организација.
Од 2015 до 2023 година бил член на Стручниот совет на Универзитетскиот клинички центар на Србија.
Во моментот е заменик директор на Клиниката за ендокринологија, дијабетес и метаболички болести на Универзитетскиот клинички центар на Србија.
Премиерот Милош Вучевиќ поднесе оставка од таа функција на крајот на јануари, по напад врз студенти во Нови Сад. Српскиот Парламент на 19 март ја констатираше оставката на Вучевиќ, со што падна актуелната влада на Србија.
Рокот за избор на нова влада е 18 април, а Вучиќ е сигурен дека новата владат ќе биде избрана најдоцна во Велики петок.
Вучиќ вечерва изјави дека ситуацијата во регионот е многу тешка, особено политичката ситуација во Република Српска и БиХ и изрази загриженост дека каква било одлука за обид за апсење на Милорад Додик ќе биде катастрофална за целиот регион и за Србија.
Тој во обраќањето во Палатата Србија рече дека затоа е неопходно да се зачува мирот и да не се преземаат избрзани мерки.
Вучиќ најави дека се надева дека во следниот месец ќе се сретне со американскиот претседател Доналд Трамп за да разговараат за воведените царини и да се најде решение за нивно намалување на најниско можно ниво. Тој додаде дека се преземени мерки за воведените царини од 37 отсто и дека за тоа разговара со претставници на САД.
Група студенти во Нови Пазар денеска се обиде да ги запре автобусите со кои од Нови Пазар стотици приврзаници на српската власт тргнуваа кон Белград на големиот митинг на кој ги повика претседателот Александар Вучиќ.
Студентите седнаа на улицата пред кружен тек во градот, по што интервенираше полицијата, која ги отстрани и ги приведе, јавуваат српските медиуми.
Денеска во Белград се одржува централниот настан на тридневниот собир „Не ја даваме Србија“, кој е одговор на власта на шестмесечните протести на српските студенти ширум земјата.
Балкан
(ВИДЕО) Хаос во Србија: полицијата за раце и нозе влечеше луѓе кои ги блокираа автобусите за митингот на Вучиќ
Посериозен конфликт меѓу полицијата и граѓаните во Нови Пазар се случи откако студентите, според информациите од социјалните мрежи, го блокирале преминот на автобусите со приврзаници на СНС на пат кон митингот во Белград.
Студенти и граѓани седнаа на коловозот во обид да го блокираат минувањето на автобусите, но полицијата, според видеата објавени на социјалните мрежи, насилно интервенирала и почнала да ги отстранува од улицата, пишува Нова.
Насобраните извикуваа: „Срам ви е?“, „Срам да ви е“, додека полицајци, како што може да се види на видео снимките, влечеа некои граѓани за раце и за нозе.
Полицијата ја отстрани толпата од коловозот и дозволи автобусите да поминат.
Додека возилата поминуваа, граѓаните и студентите со негодување и свирежи им викаа „Чаци“.
Бомба експлодираше пред канцелариите на грчките железници во Атина, соопшти полицијата доцна синоќа, додавајќи дека нема повредени.
Полицаец изјавил дека причината за експлозијата најверојатно била импровизирана бомба.
Засега ниту една група не ја презеде одговорноста за нападот. Полицијата навела дека ја оградила областа откако две грчки медиумски организации примиле предупредување дека бомбата ќе експлодира во рок од 35 минути, пренесе Ројтерс.
Се истакнува дека пред зградата била забележана сомнителна торба која подоцна била отстранета.
Во железничката несреќа во 2023 година, која е најголема во историјата на Грција, загинаа 57 лица, главно студенти, а десетици беа повредени.
Многу Грци ја сметаат несреќата за симбол на запоставеноста на железницата во последните децении, а трагедијата предизвика масовни протести.
-
Црна Хроника3 days agoПаднаа директори: Проневера од 1,17 милиони денари
-
Црна Хроника6 days agoХаос во Скопје: Девојка со голи раце нападна и претепа двајца мажи среде улица!
-
Магазин6 days agoАндријана Јаневска со солзи ја испеа „Ако утре ме нема“ – настап кој се врежа во срцата
-
Македонија4 hours agoУпасени се Шабан Салиу, Ваљон Сарачини, Беким Незири – проширена истрагата за пожарот во Кочани
-
Република3 days agoУтре Тетово и околината без струја поради планирани прекини
-
Свет3 days agoДали Трамп ќе го издржи и ова? Кинезите го зададоа фаталниот удар кон САД – после ова, повеќе ништо нема да биде исто
-
Црна Хроника4 days agoДиректор на клиника рекетирал 20.000 евра мито за да смести болен човек во болницата
-
Скопје5 days agoСубвенција од 500 денари за секој купен кубик огревно дрво