Македонскиот амбасадор во Осло Дритон Куќи се враќа дома со првиот авион откако разбрал дека полицијата го барала дома за настани поврзани со трагедијата во Кочани.

Дритон Куќи трета година е амбасадор на Македонија во Норвешка и Исланд а преходно од 2016 до 2018 беше министер за економија.

,,Денес семејството ме информираше дека претставници на Министерството за внатрешни работи биле во мојот дом во Скопје, барајќи информативна средба.

Немам што да кријам и секогаш сум одлучувал да постапувам со чесност и смиреност, дури и кога околностите биле тешки.

Секогаш сум избирал да одам по прав пат, дури и кога тој бил најтежок. Зборував кога другите молчеа, и стоев исправен дури и кога се чувствував сам.

Верувам во правдата за општото добро. Со првиот лет ќе бидам во Скопје – не за да се оправдам, туку за да потврдам дека транспарентноста и довербата се единствениот пат напред.

Тука сум. Со мирна совест, чист пред себе, со непоколеблива волја – пред Бога и пред законите на државата!

Двајца вработени во Државниот пазарен инспекторат и едно лице вработено како обезбедување на дискотеката „Пулс“ во Кочани ќе добијат мерка куќен притвор наместо досегашната мерка притвот. 

Ова го предлага Основното јавно обвинителство Кочани од каде појаснуваат дека во текот на денешниот ден до Основниот суд Кочани доставени се предлози за продолжување на мерките за обезбедување – притвор и куќен притвор за сите осомничени во истрагата за пожарот во кочанската дискотека. 

Притоа укажуваат дека за три лица од оние кои досега се притворени се менуваат мерките.

– Само за тројца осомничени, согласно фазата на обезбедување докази и исполнетоста на законските основи се предлага замена за мерката притвор во куќен притвор. Тоа се двајца осомничени од Државниот пазарен инспекторат и еден припадник на обезбедувањето на дискотеката – се напоменува во соопштението на Обвинителството. 

Од таму укажуваат дека поранешниот министер за економија, Крешник Бектеши не е меѓу лицата за кои се менува мерката притвор во куќен притвор. Без да објавуваат имиња, од ОЈО посочуваат само дека едниот од двете лица од ДПИ за кои се предлага промена на мерката е поранешен директор, а другиот не е. 

Од ДПИ беа уапсени тројца инспектори и двајца поранешни директори, за кои од упсените се однесува промената на мерката се уште не се открива. 

Од таму додаваат дека продолжуваат истражните дејствија во повеќе правци и во неколку институции со цел испитување на евентуална одговорност, за што јавноста ќе биде известена веднаш по донесувањето на соодветна јавнообвинителска одлука.

Времето денеска ќе биде променливо облачно со повремен локален дожд. Ќе дува умерен, а долж Повардарието и во источните делови засилен ветер од северен правец со над 70 километри на час.

Минималната температура ќе биде во интервал од 3 до 8, а максималната ќе достигне од 11 до 20 степени.

Во Скопје, денеска времето ќе биде променливо облачно со повремен дожд. Ќе дува умерен, повремено засилен ветер од северен правец.

Минималната температура ќе се спушти до 6, а максималната ќе достигне до 18 степени.

 Следува период на променливо облачно и топло време со повремени локални врнежи од дожд.