Црна Хроника

Тешка несреќа ја потресе Македонија – лице од Тетово го загуби животот!

Едно лице загина, а едно е тешко повредено во сообраќајна несреќа што се случила синоќа во близина на селото Скудриње.

Сообраќајната несреќа се случила вчера, околу 18 часот, на регионалниот пат Маврово – Дебар, кај Скудрински мост, кога возило „ланд ровер“ со тетовски регистарски таблички, кое го управувал 49-годишен тетовец, излетало од патот.

Од Секторот за внатрешни работи Тетово велат дека во сообраќајната несреќа на самото место починал возачот на автомобилот Ш.С., а со тешки телесни повреди се здобила сопатничката, 47-годишната А.С. која била пренесена во Клиничката болница во Тетово.

„Патничко возило ’ланд ровер’ со тетовски регистарски таблици излетало од пат и на самото место починал возачот Ш.С. (49) од Тетово, додека сопатничката, негова сопруга А.С. (47), се здобила со тешки телесни повреди констатирани во Клиничка болница Тетово“, вели портпаролот на СВР Тетово, Фатмир Реџепи.

Увид на местото на несреќата извршила екипа од Одделот за внатрешни работи Гостивар во содејство до јавен обвинител.

Црна Хроника

Државјанин на Албанија уапсен на Ќафасан за обид за поткуп

Полициски службеници на МВР на 21 декември 2025 година околу 09:10 часот на граничниот премин Ќафасан го лишија од слобода Е.К. (53) од Република Албанија.

Како што информираат од МВР, при вршење пасошка и гранична контрола, лицето му понудило поткуп на полициски службеник, оставајќи пари на бирото, по што веднаш било приведено.

За настанот бил известен надлежен јавен обвинител, а по целосно документирање на случајот против осомничениот ќе биде поднесена соодветна пријава по член 358 од Кривичниот законик.

Црна Хроника

Американецот со нигериско потекло приведен откако нападна полицаец во Скопје – ќе се соочи со притвор

Основното јавно обвинителство Скопје денеска соопшти дека издаде наредба за спроведување истражна постапка против американски државјанин со потекло од Нигерија, осомничен за напад врз полицаец и неовластено поседување оружје.

Според обвинителството, во текот на вчерашниот ден беа обезбедени докази за основано сомнение дека осомничениот сторил кривично дело „Неовластено држење, посредување и тргување со оружје и експлозивни материи“, како и „Напад врз службено лице при вршење работи на безбедноста“.

Инцидентот се случил на 21 декември во раните утрински часови пред ноќен клуб во Градскиот парк. Осомничениот физички нападнал полицаец кој се обидел да го легитимира, при што му нанел повреда со удари со тупаници. По нападот, мажот бил совладан, а кај него бил пронајден полуавтоматски пиштол „глок“ калибар 9мм со две рамки по 30 куршуми.

Потоа, во рамки на истрагата, обвинителството обезбедило наредба за претрес во хостелот каде што осомничениот престојувал. Таму биле пронајдени уште еден пиштол „глок“, три рамки со по 15 куршуми, дополнителни 75 куршуми во зипер ќеси, комплет за чистење оружје, три ножа и други предмети како фантомка, тактички ракавици, бандажери за раце и сајли за врзување. За сите предмети е издадена наредба за вештачење.

Јавниот обвинител поднел предлог до судијата на претходна постапка за определување притвор, оценувајќи дека постои реална опасност осомничениот да избегa, да влијае врз сведоците и доказите, како и да изврши ново кривично дело.

Црна Хроника

Семејно насилство во Тетово – Полицијата со брза интервенција

На 22.12.2025 во 00:55 часот на ул.,,29 Ноември“ во Тетово, полициски службеници од СВР Тетово го лишија од слобода А.Б.(20) од Тетово, постапувајќи по претходна пријава дека на 21.12.2025 околу 22:30 часот физички ја нападнал неговата 23-годишна вонбрачна сопруга. По целосно документирање на случајот, ќе следува соодветна пријава.