Поради непланиран прекин, поголем дел од Тетово остана без електрична енергија. Засегнати се улиците Видео Смилевски Бато, Борис Кидрич, Мала Станица, како и околината на Шарена Џамија. Екипите на ЕВН се веќе на терен и работат на отстранување на дефектот и нормализирање на снабдувањето со струја.

Во насока на зголемување на безбедноста и континуираната грижа за најмладите и највозрасните лица во општината, во заедничка соработка и консултација со Дирекцијата за заштита и спасување, направен е увид во детските градинки и старските домови, кои се под општинска надлежност.

Во соопштението од Општина Битола се вели дека по извршениот увид во старскиот дом „Сју Рајдер“, донесен е заклучок дека се исполнети сите безбедносни мерки во однос на Законот за заштита и спасување и Правилникот за мерките заштита од пожар и експлозии.

Што се однесува до детските градинки, по извршениот увид во одредени клонови од двете јавни установи детски градинки, донесен е заклучок дека потребно е да се изврши дислокација на занималните со јасли, во рамките на објектите. Промена на занималните со јасли, следува по издадените насоки за побрза и поефикасна интервенција, за да се воспостават услови за безбедна евакуација во случај на опасност, согласно Законот за заштита и спасување и Правилникот за мерките заштита од пожар и експлозии.

Од страна на управата на градинките, известени се родителите и со заедничка соработка веднаш е постапено по однос на препораките и извршена е дислокација на занималните наменети за јасли.

Преку конкретното спроведување на препораките, Општина Битола уште еднаш покажува дека грижата за институциите кои што се во нејзина надлежност, особено за најмладите, е врвен приоритет во работењето, велат од Општина Битола.

Извор: Тера.мк

Во 08:00 часот утринава, започна електронското аплицирање на јавниот повик на Општина Битола за субвенционирање на инвертер клима уреди за домаќинствата на територија на Општина Битола. Електронското аплицирање започна успешно, а првата апликација беше поднесена во 8 часот и 2 секунди, соопштија од Општина Битола.

Понатаму во соопштението се вели дека до 8 часот и 45 минути, добиени се вкупно 612 апликации, за 570 корисници. Електронскиот систем за поднесување на барања за субвенции, на барање на Општина Битола, го изработи „Јавен адвертајзинг“ Битола, кој ја овозможи и техничката поддршка на општината во процесот на аплицирање. Од таму не информираат дека имало околу 42 повторни обиди на граѓаните за аплицирање, а во одреден период во една секунда аплицирале од 5-8 лица.

Секој граѓанин кој аплицирал на својата мејл адреса има добиено известување со време на поднесено барање и број на предмет, како и известување доколку го поништил претходното барање и поднесол ново барање.

Сo ваквиот систем, Општина Битола, по втор пат, успешно го воведува електронскиот систем за поднесување барања за субвенции, како нова дигитална алатка за граѓаните на општина Битола, со што веќе нема да се создаваат колони од граѓани пред општинската зграда и граѓаните нема да мора да чекаат ред од раните утрински часови, за да аплицираат на јавните повици на општината. Ова е еден од проектите на градоначалникот на општина Битола, Тони Коњановски, со кој се реализира заложбата за дигитализација на услугите.

Аплицирањето започна денес, 30.04.2025 во 08:00 часот и ќе трае до до 06.05.2025 година 15:30 часот. Средствата што ќе ги надоместува Oпштина Битола се во вредност од 50% од вкупната цена на чинење на уредот, но не повеќе од 25.000,00 денари.