Полицијата во Радовиш го приведе 49-годишниот А.У. откако бил затекнат како се движи во полна воена опрема, вооружен со пушка во рацете и со појас на кој имал пиштол, лисици и дрвена палка. Инцидентот се случил вчера околу 11:30 часот на улицата Шаин маале, а мажот се обидел да побегне откако бил повикан да се легитимира.

„Брзата реакција на полициските службеници спречи можно посериозно нарушување на јавниот ред и мир. Во моментот на приведување, лицето ги фрли сите предмети што ги носеше – но тие беа пронајдени и обезбедени“, информираат од СВР Струмица.

При претрес, полицијата одзела: пушка, ремен со кожна футрола, еден пар метални лисици, метална цевка, три куршуми за сигнален пиштол, метална рамка со капси, пиштол и други предмети.

А.У. е задржан во Полициската станица Радовиш, а за случајот е известено Основното јавно обвинителство. Против него ќе биде поднесена кривична пријава по целосно документирање на настанот.

Директорот на управата за извршување санкции, Александар Пандов, објави снимка, во која поосчува дека му бил запален домот во Зелениково односно Орешани.

„Ова е данокот за нашата борба за владеење на правото без калкулации? Ова е цената за удирањето по мафијата! Домот ми беше запален, и имам основано сомневање дека станува збор за смислен атак на криминалците! Нема да не запрат и нема да не поколебаат.
Никој не е над законот! Нема враќање назад кога се бориш за правдата. И кога ќе тргнеш против криминалот, тој се брани со насилство. Но ова нема да ме запре — напротив, само не зајакнува! Очекувам институциите да го најдат и казнат сторителот. А јас и сите заедно ќе продолжиме таму каде што бевме — со уште поголема одлучност“, напиша Пандов.

Целиот текст и видеото може да го погледнете на Скопје1

Жител на Радовиш облечен во воена униформа со пиштол и пушка се шетал низ градот.

Според информациите на МВР, вчера полициски службеници од СВР Струмица-ОВР Радовиш го лишиле од слобода А.У.(49) од Радовиш. Тој бил затекнат на ул. „Шаин маале“ во Радовиш како се движи во воена униформа и на себе имал ремен со пиштол, лисици и дрвена палка, а во рацете имал пушка.

При обид да биде лишен од слобода, А.У. се дал во бегство и ги фрлил предметите кои ги носел во себе, но по преземени мерки, бил фатен и лишен од слобода. Од страна на полициски службеници биле пронајдени и одземени предметите кои лицето ги фрлило при бегството, односно една пушка, еден војнички ремен, кожна футрола со еден пар лисици за врзување, метална цевка, футрола со три куршуми за сигнален пиштол, метална рамка со пет капси, пиштол идр..

Лицето е задржано во Полициската станица Радовиш. За настанот е запознаен јавен обвинител од Основното јавно обвинителство Радовиш и по документирање на случајот ќе биде поднесена кривична пријава.